Ko Hono Faʻufaʻu ha Palani ʻa e Siteikí pe Uōtí

“Ke ke teuteu pē koe, peá ke teuteu pē maʻau, ʻa koe mo e kakai kotoa pē kuo fakataha mai kiate koé, peá ke [hoko koe ko e leʻo] kiate kinautolu” ( ʻIsikeli 38:7).

ʻE lava ke fakaʻaongaʻi ʻe he fakataha alēlea ʻa e siteikí mo e uōtí e fakahinohino ko ʻeni ki he palaní, kae pehē ki he ʻū laʻipepa ngāué ke faʻu pe fakatonutonu ʻaki e palani ki ha meʻa ke fai ʻi he hoko ha meʻa fakatuʻupakē (vakai, Tohi Tuʻutuʻuni Fika 1: Kau Palesiteni Fakasiteikí mo e Kau Pīsopé [2010], 5.1.3, 5.2.11).

ʻOku totonu ke fakafekauʻaki e ngaahi palani ʻa e siteikí mo e uōtí, ki he mo e ngaahi palani ʻa e koló. ʻE lava ke fakakaukau e kau takí ke uiuiʻi ha kau mataotao uelofea ke tokoni ki he ngaahi ngāue tokoni ʻi ha meʻa fakatuʻupakē. Ko e ngaahi palani lelei mo ʻaonga tahá ʻoku nounou pea ʻikai faingataʻa. ʻOku totonu ke vakaiʻi mo fakatonutonu maʻu pē e ngaahi palaní, ʻe he ngaahi fakataha alēleá (kosilió). ʻI he ngaahi sitepu ko ʻení mo e hono ʻū lauʻipepa ngāué, ʻoku totonu ke lava ai ʻe he siteikí mo e uōtí ʻo faʻu ha:

• Palani ki he teuteu ʻa e siteikí mo e uōtí.

• Ngaahi sitepu ki hono ʻanalaiso ʻo e ngaahi fie maʻú mo e meʻa ke faí.