Sitepu 2: Tānaki e Fakamatala Mahuʻingá

Fakatahatahaʻi mo tauhi e fakamatala ko ʻení:

• Fakamatala fetuʻutaki ki he mēmipa mo e kau faifekau kotoa pē ʻoku nofo ʻi he ʻēlia ʻo e siteikí pe uōtí.

• Ha mape ʻo e ʻēliá, kau ai e tuʻuʻanga e ʻapi nofoʻanga ʻo e mēmipá mo e faifekaú pea mo e maʻuʻanga tokoni ʻi he koló. (Fakakaukau ke fakaʻaongaʻi e maps.lds.org pe LDS Tools ke tokoni ki he ngāué ni.)

• Ha lisi ʻo e kāingalotu ʻoku ʻi ai haʻanau fie maʻu makehé, hangē ko e kau faingataʻaʻia fakaesinó mo e toulekeleká.

• Ha lisi ʻo e kāingalotu ʻoku ʻi ai haʻanau meʻangāue pe taukei (hangē ko e ako fakafaitoʻo pe meʻa ke fai ʻi he hoko ha meʻa fakatuʻupakē), ʻe mahuʻinga fau ʻi ha fakatamaki.

• Fakamatala fetuʻutaki ki he ngaahi kautaha ki he malu ʻa e kakaí (hangē ko e polisí, tāmate afí pe meʻa fakafaitoʻó).

• Fakamatala fetuʻutaki ki he ngaahi kautaha fakakoló (hangē ko e Kolosi Kulá pe Red Crescent) ʻoku nau tokoni ki ha meʻa fakatuʻupakē hangē ko e meʻakai, nofoʻanga mo e tokoni fakafaitoʻo.

• Fakamatala fetuʻutaki ki he kau taki fakaʻēlia ki he uelofeá, pea kapau ʻe maʻu, mo e ngaahi ngāue fakauelofea ʻa e Siasí he feituʻu ko iá.

Fakaʻaongaʻi e laʻipepa ngāue ko e Fakamatala Matuʻaki Mahuʻingá mo e laʻipepa ngāue Ngaahi Ngāue ke Faí mo e Fatongiá, ke fakakakato e sitepu ko ʻení.