Sitepu 4: ʻIlo e Ngaahi Founga Fetuʻutaki he Meʻa Fakatuʻupakeé

ʻOku kau he meʻa mahuʻinga ʻi he ngāue ki ha fakatamaki, ʻa e fetuʻutaki tauʻatāina e kau taki ʻo e Siasí mo e hetikuota ʻo e Siasí, kāingalotu ʻo e Siasí pea mo e kau taki fakaekoló.

Feinga ke ʻiloʻi mo palani ha ngaahi founga fetuʻutaki ʻe lava ke fakaʻaongaʻi telia naʻa mate pe uesia e laine telefoní, telefoni toʻotoʻó, mo e hala ki he fefonongaʻaki meʻalelé. ʻE lava ke kau he ngaahi founga ko iá ʻa e:

• Fetuʻutaki ʻinitanetí (kau ai e ʻīmeilí, mītia fakasōsialé pea mo e instant messaging).

• Text he telefoni toʻotoʻó (ʻa ia ʻe lava ʻo maʻu neongo kapau ʻoku ʻikai lava ha talanoa).

• Letioó.

• Fetuʻutaki tāutaha ʻi he luelué, pasikalá mo e alā meʻa pehē. (ʻE ala tokoni e kau faifekau taimi kakató.)

Kapau ʻe fie maʻu, ʻe lava ke ui ʻe he kau taki lakanga fakataulaʻeikí ha kāingalotu honau ʻiunití ke hoko ko ha kau mataotao fetuʻutaki. Ko e kau mataotao taukeí, ʻoku faʻa ʻi ai ʻenau nāunau ki he fetuʻutakí pea nau maʻu ha taukei mahuʻinga fau.

Vakai ki he laʻipepa ngāue Vakaiʻi ʻo e Fakatamakí mo e Palani ki ha Uesia ʻe Hokó, ke palani ai ki hano uesia e fetuʻutakí. Fakaʻaongaʻi e laʻipepa ngāue ko e Fakamatala Matuʻaki Mahuʻingá—Maʻuʻanga Tokoni ki he Meʻangāue, Taukei mo e Fetuʻutakí ke fakakakato e sitepu ko ʻení.