Magtinambagay ug Mopahiangay og mga Solusyon

Isip usa ka komitiba, ipaambit unsay inyong nakat-onan gikan sa pagpaminaw sa mga young single adult diha sa inyong dapit. Magtinambagay kon unsaon nga matubag ang mga panginahanglan nga inyong nadiskobrehan. Hinumdomi nga ang inyong mga solusyon kinahanglang mohimo sa mosunod:

• Motabang sa pagbugkos sa mga young single adult ngadto sa Manluluwas pinaagi sa mga pakigsaad ug mga ordinansa.

• Mopokus sa tanang young single adult. Makamugna kamo og usa ka luwas nga dapit alang sa bukas nga diskusyon, lakip na niadtong mibati nga sila dili bagay o adunay sinsero nga mga pangutana bahin sa pagtuo, kulang og sosyal nga suporta, o nanglimbasog sa ilang hugot nga pagtuo.

• Mopalambo sa mga pagbati nga nahisakop ug molig-on sa mga relasyon.

• Motubag sa mga panginahanglan sa mga young single adult (sama sa panginahanglan sa pagpundok ug pagpakig-uban, pagdawat og temporal nga tabang, pagbaton og edukasyon, pagpalambo og sosyal nga mga kahanas o koneksyon, pag-angkon og trabaho, pagpalambo sa emosyonal nga kaayohan, o pagpangita sa katuyoan ug direksyon).

Samtang magtinambagay kamo:

• Mosiguro nga ang tanang ideya gipaminaw ug gikonsiderar.

• Motinguha og pagpadayag.

• Mopahiangay og mga solusyon aron matubag ang talagsaon nga mga panginahanglan sa mga young single adult diha sa inyong dapit ug aron mapalambo ang anaa na o nag-una nga mga solusyon.

• Moduol sa lokal nga mga lider ug mangayo sa ilang tambag.

Ang seksiyon sa “Anaa na nga mga Kapanguhaan sa Simbahan ug mga Solusyon” nagtanyag og lainlaing mga opsiyon aron sa pagtabang ninyo sa pagkonsiderar kon unsa na ang nahimo sa uban ug kon unsa ang maayo alang ninyo.