Moimplementar sa mga Solusyon

Samtang moimplementar kamo og solusyon, pakigtambayayong sa lokal nga mga lider (sama sa kapangulohan sa stake ug kapangulohan sa Relief Society). Ikonsiderar kon unsaon pagtimbangtimbang sa kaepektibo sa solusyon sa paglabay sa panahon. Tan-awa kon unsay nasinati sa mga tawo isip resulta sa solusyon.

Hinumdomi:

• Ayaw kabalaka kon ang mga butang wala mahitabo sama gayod sa unsay inyong gilaoman. Pagkat-on gikan sa mga kapakyasan. Hisgoti isip usa ka komitiba kon unsaon pagpalambo sa unsay inyong gihimo, ug mobalik ug maminaw sa mga young single adult diha sa inyong dapit kon nagkinahanglan ka og dugang nga impormasyon.

• Sa dili pa mopadayon sa pag-implementar sa inyong naaprobahan nga solusyon, kamo kinahanglan nga magkahiusa isip usa ka komitiba. Tingali dili kamo magkauyon sa tanang butang, apan kinahanglan nga kamong tanan mapasaligon ngadto sa solusyon.

• Ayaw dali-dalia ang mga butang. Kasagaran, sa pagdesisyon kon unsay buhaton ug kon unsaon sa pagbuhat niini magkinahanglan og diskusyon, pag-ampo, pagtinabangay, ug pagplano. Kining tanan nagkinahanglan og panahon. Magmapailobon sa mga lider ug sa mga sakop sa komitiba pinaagi niini nga proseso ug dawata ang tukmang panahon sa Ginoo.