Fefautuaai Faatasi ma Fetuunai Fofo

I le avea ai ma se komiti, faasoa atu mea na e aoaoina mai le faalogologo atu i talavou nofofua matutua i la outou eria. Fefautuaai faatasi e uiga i le auala e faafetaiaia ai manaoga na i e iloa mai. Manatua o au fofo e tatau ona faia mea nei:

• Fesoasoani e fusia talavou nofofua matutua i le Faaola e ala i feagaiga ma sauniga.

• Taulai atu i talavou nofofua matutua uma. E mafai ona e fatuina se nofoaga saogalemu mo talanoaga tatala, e aofia ai ma i latou o e lagona e le fetaui i latou pe o i ai ni fesili faamaoni o le faatuatua, leai se lagolago faaagafesootai, po o se tauiviga ma lo latou faatuatua.

• Faateleina lagona o le auai ma le faamalosia o sootaga.

• Faafetaiaia manaoga o talavou nofofua matutua (e pei o le manaomia ona faapotopoto faatasi ma fegalegaleai, maua le fesoasoani faaletino, aotauina, atiina ae ni tomai faaagafesootai po o fesootaiga, maua ni galuega, atiina ae le soifua manuia faalelagona, po o le saili o le faamoemoega ma le taitaiga).

A o outou fefautuaai faatasi:

• Ia mautinoa ua faafofogaina ma iloiloina manatu uma.

• Saili i faaaliga.

• Fetuunai fofo ina ia fetaui ma manaoga tulaga ese o talavou nofofua matutua i la outou eria ma ia faaleleia atili i vaifofo o loo i ai po o vaifofo na i ai muamua.

• Aapa atu i taitai i le lotoifale i le ala ma saili atu i a latou fautuaga.

O le vaega o “Punaoa ma Vaifofo o I Ai Nei a le Ekalesia” ua ofoina mai ai ni filifiliga eseese e fesoasoani ia te oe e mafaufau ai i mea ua uma ona faia e isi ma pe o le a foi se mea e ono aoga mo oe.