fakataha fakakulupu

Fealēleaʻaki Fakataha pea Fakafeʻungaʻi e Ngaahi Founga Fakaleleiʻí

ʻI hoʻomou hoko ko ha kōmití, vahevahe ʻa e meʻa naʻá ke ako mei he fanongo ki he kau taautaha lalahi kei talavou ʻi homou feituʻú. Fealēleaʻaki fakataha fekauʻaki mo e founga ke feau ai ʻa e ngaahi fiemaʻu kuo mou ʻiloʻí. Manatuʻi ʻoku totonu ke fakahoko ʻe hoʻomou ngaahi foungá ʻa e ngaahi meʻá ni:

• Tokoni ke haʻi ʻa e kau taautaha lalahi kei talavoú ki he Fakamoʻuí ʻo fakafou ʻi he ngaahi fuakavá mo e ngaahi ouaú.

• Tokanga taha ki he kau taautaha lalahi kei talavou kotoa pē. Te ke lava ʻo fokotuʻu ha feituʻu malu ke fai ai ha fealēleaʻaki tauʻatāina, kau ai ʻa kinautolu ʻoku nau ongoʻi ʻoku ʻikai ke nau feʻunga pe ʻi ai haʻanau ngaahi fehuʻi ʻi he tui fakamātoató, masiva ha poupou fakasōsiale, pe fefaʻuhi mo ʻenau tuí.

• Fakatupulaki ʻa e ongoʻi kau atú mo fakamālohia ʻa e ngaahi vā fetuʻutakí.

• Feau e ngaahi fiemaʻu ʻa e kau taautaha lalahi kei talavoú (hangē ko e fiemaʻu ke tānaki fakataha mo fengāueʻakí, tali ha tokoni fakatuʻasino, maʻu ha ako, fakatupulaki ha ngaahi pōtoʻi ngāue pe fehokotaki fakasōsiale, maʻu ha ngāue, fakatupulaki ha tuʻunga lelei fakaeloto, pe kumi ha taumuʻa mo ha fakahinohino).

ʻI hoʻomou fealēleaʻaki fakatahá:

• Fakapapauʻi ʻoku fanongoa mo fakakaukauʻi ʻa e ngaahi fakakaukau kotoa pē.

• Fekumi ke maʻu ha fakahā.

• Fakafeʻungaʻi e ngaahi founga fakaleleiʻí ke feau ʻaki e ngaahi fiemaʻu makehe ʻa e kau taautaha lalahi kei talavou ʻi homou feituʻú pea ke toe lelei ange ʻi he ngaahi founga fakalelei lolotongá pe kimuʻá.

• Aʻu tonu ki he kau taki fakalotofonua ʻi he fonongá pea kolea ʻenau faleʻí.

ʻOku ʻomi ʻe he konga ʻo e “Ngaahi Maʻuʻanga Tokoni mo e Ngaahi Founga Fakaleleiʻi Lolotonga ʻa e Siasí” ha ngaahi founga kehekehe ke tokoni atu ke ke fakakaukauʻi ai e meʻa kuo ʻosi fai ʻe he niʻihi kehé pea mo e meʻa ʻe ala ʻaonga kiate koé.