Fakahoko e Ngaahi Founga Fakaleleiʻí

ʻI hoʻo fakahoko ha founga fakaleleiʻí, ngāue vāofi mo e kau taki fakalotofonuá (hangē ko e palesitenisī fakasiteikí mo e palesitenisī ʻo e Fineʻofá he siteikí). Fakakaukau ki he founga ke vakaiʻi ʻaki e ola lelei ʻo e founga fakaleleiʻí ʻi he ʻalu ʻa e taimí. Feinga ke ʻiloʻi ʻa e meʻa ʻoku aʻusia ʻe he kakaí ko ha ola ʻo e founga fakaleleiʻí.

Manatuʻi:

• ʻOua naʻá ke hohaʻa kapau he ʻikai hoko e meʻa kotoa ʻo hangē tofu pē ko e meʻa naʻá ke ʻamanaki ki aí. Ako mei he ngaahi fakafeʻātungiá. Aleaʻi fakakōmiti ʻa e founga ke fakaleleiʻi ai e meʻa kuó ke fakatupulakí, pea foki ʻo fanongo ki he kau taautaha lalahi kei talavou ʻi homou feituʻú kapau ʻokú ke fiemaʻu ha fakamatala lahi ange.

• Kimuʻa pea mou hoko atu ke fakahoko hoʻomou founga fakaleleiʻi kuo fakangofuá, ʻoku totonu ke mou faaitaha ko ha kōmiti. Mahalo he ʻikai te mou loto-taha ki he meʻa kotoa pē, ka ʻoku totonu ke mou tukupā kotoa ke fakaʻaongaʻi ʻa e founga fakaleleiʻí.

• ʻOua e fakavaveʻi ʻa e ngaahi ngāué. Ko e taimi lahi, ʻe fiemaʻu ʻa e fealēleaʻakí, lotú, fengāueʻakí, mo e palaní ʻi hono fakakaukauʻi e meʻa ke faí mo e founga hono fakahoko iá. ʻOku fiemaʻu ha taimi feʻunga ki he ngaahi meʻá ni kotoa. Faʻa kātaki ʻi he fengāueʻaki mo e kau takí mo e kau mēmipa ʻo e kōmití ʻi he foungá ni pea tali loto-fiemālie e taimi ʻa e ʻEikí.