O Loo I Ai Pea Ni A’u Fesili. O Fea E Mafai Ona Ou Maua Ai Tali?

O le Tama Faalelagi o se Atua o mea moni, o le e mafai ona e faatuatuaina. Ua Ia folafola mai e faafofoga ma tali mai i au tatalo ma le lotofaamaoni. O nisi taimi Na te manaomia ai oe e faaaoga le faatuatua ma “faatalitali atu ia ia Ieova” mo tali: “Ina loto tele ia, e faamalosia foi e ia lou loto: ina, faatalitali lava ia, ia Ieova” (Salamo 27:14).

Na aoao mai Peresitene Dieter F. Uchtdorf: “E popole le Atua ia te oe. O le a Ia faafofoga atu ma o le a Ia tali atu i au fesili patino. O tali i au tatalo o le a oo mai i Lana lava ala ma i Lana lava taimi, ma o le mea lea, e manaomia ai ona e aoao e faalogo i Lona siufofoga” (“Mauaina o se Molimau o le Malamalama ma le Upumoni,” Liahona, Nov. 2014, 21).

Ua tuuina atu e le Atua ia te oe tusitusiga paia, o perofeta ma aposetolo i ona po nei, ma le meaalofa o le Agaga Paia e fesoasoani ia te oe. A o e suesue, saili Lana fautuaga i le tatalo, ma faaaoga le faatuatua ma le onosai, o le a oo mai Ana tali ia te oe (tagai Mataupu Faavae ma Feagaiga 9:8; 109:7).

Punaoa Faaopoopo

• “Maua Lona Agaga e Faatasi ma Outou,” Henry B. Eyring, Liahona, Me 2018, 86–88.

• “O Pese e Usuina ma Lē Usuina,” Jeffrey R. Holland, Liahona, Me 2017, 49–51.

• “O Le e Alofa Atu e Alofaina Mai,” Dieter F. Uchtdorf, Liahona, Me 2012, 70–76.

• “O le Faamaloloina o Taunuuga Faataumaoi o le Sauaina po o le Faatautala,” Richard G. Scott, Liahona, Me 2008, 40–43.

• “Liliu Atu ia te Ia ma o le a E Mauaina Tali,” James B. Martino, Liahona, Nov. 2015, 58–60.

• “Ia Faatuatua i le Alii a e Aua le Faalagolago,” Bonnie H. Cordon, Liahona, Me 2017, 6–9.

• “Muamua Matau, Ona Auauna Atu ai Lea,” Linda K. Burton, Liahona, Nov. 2012, 78–80.

• “Amepasa o le Faamoemoe: Galulue Faatasi e Puipui le Pule i le Ola,,” Maryssa Dennis, New Era, Sete. 2018, 10–13.

• “Ina Ua Maea le Matagi” (vitio, Gospel Media Library, ChurchofJesusChrist.org).

• “Pe Afai o le Tali o le Filemu,” blog.ChurchofJesusChrist.org.

• “O Le Auala e Aoao Ai Lou Atalii/Afafine pe Faapefea Ona Talanoa Atu le Agaga ia i Latou” (vitio, Gospel Media Library, ChurchofJesusChrist.org).

• “Ofisa mo Tautua a le AAG mo Aiga” i le ChurchofJesusChrist.org (mo fautuaga po o feutagaiga).