Kau Hao Moʻui Mei He Molé Te u fehangahangai fēfē nai mo hoku mamahí hili ha taonakita?ʻE lava ke fuoloa hoʻo ongoʻi mamahí hili ha taonakita. Naʻá ku mei lava nai ʻo fai ha meʻa lahi ange ke taʻofi e taonakita ʻeku kiʻi tamá?Neongo hoʻo ngaahi feinga tōtōivi tahá, ʻe ʻikai lava ke taʻofi kotoa ai ʻa e ngaahi taonakitá. Te u fakamatalaʻi fēfē nai ki he niʻihi kehé ʻa e meʻa ne hokó?Fakakaukau ʻi he faʻa lotu ʻa e lahi ʻo e fakamatala te ke vahevahe mo e niʻihi kehé pea mo e taimí. ʻOku ʻi ai nai ha ngaahi fakangatangata ʻi he meʻa-fakaʻeikí pe malangaʻi hono tanu ʻo ha taha naʻe pekia ʻi he taonakitá? ʻI he taimi ʻoku pekia ai ha taha ʻi he taonakitá, ʻoku totonu ke tau ʻoange ʻa e fakaʻapaʻapa tatau ki hono sinó, pea mo e kau mēmipa ʻo e fāmilí ʻoku moʻuí, ʻo tatau pē mo haʻatau fai ia ki ha toe taha kehe. Kuo mole nai ha ʻofaʻanga ʻo e kāingalotu kehe ʻo e Siasí ʻi he taonakitá? Kuo uesia ʻe he taonakitá ʻa e moʻui ʻa ha kāingalotu tokolahi ʻo e Siasí.