Te u Fakamatalaʻi Fēfē Nai ki he Niʻihi Kehé ʻa e Meʻa Ne Hokó?

Ko e taha ʻo e ngaahi fili faingataʻa ko ia ʻi he hili ʻo ha tāonakita ko e meʻa ke fakamatalaʻi ki he niʻihi kehé, kau ai ʻa e fānaú. ʻOku feinga ha kakai tokolahi ke maluʻi kinautolu pe niʻihi kehé mei he fakamamahí pe fakamaá ʻaki hano fakapulipuli ha taonakita. Ka neongo ia, ʻe lava ke hoko ko ha faifakamoʻui ʻa hono vahevahe mo ha taha ʻokú ke falala ki ai ʻa e moʻoní fekauʻaki mo ha taonakita ʻa ha ʻofaʻanga. Fakakaukauʻi ʻi he faʻa lotu ʻa e lahi ʻo e fakamatala te ke vahevahe mo e niʻihi kehé pea mo e taimí. Fakatokangaʻi ange ʻe fakafanongo mo fetuʻutaki lelei ange ha kakai ʻe niʻihi mei ha niʻihi kehe. ʻE malava ʻe ha niʻihi fakafoʻituitui lelei ʻo ʻomai ha ngaahi faleʻi ʻo hangē ʻoku ngalingali taʻeʻuhingá pe fakamāú ka ko ʻenau feinga pē ke tokoni. Feinga ke fakatokangaʻi ʻa e ʻofa mo e fakafiemālie ʻoku nau taumuʻa ki aí kae ʻikai ko e fakaloto mamahiʻi.

ʻOku mahuʻinga ke talanoa ʻa e mātuʻá ki heʻena kiʻi tamá ʻi he taimi ʻokú ne ʻilo ai ha taha naʻe pekia ʻi he taonakitá. ʻOku totonu ke fakakaukauʻi ʻe he mātuʻá ʻi he faʻa lotu ʻa e taʻu motuʻa mo e tuʻunga matuʻotuʻa ʻo ʻena kiʻi tamá ʻi he taimi ʻokú na fakakaukauʻi ai e meʻa ke fakamatalaʻi ange kiate iá. Fakapapau‘i ange ki he kiʻi tamasiʻí ʻoku ʻikai ko hona foʻui ʻa e taonakitá. Vahevahe hoʻo fakamoʻoni ki he Fakalelei ʻa Sīsū Kalaisí. Poupouʻi e leká ke ne vahevahe ha ngaahi manatu melie fakaʻofoʻofa ki he tokotaha kuo pekiá, pea ʻoange kiate ia ha taimi ke ne fai ai ha ngaahi fehuʻi. Fakakaukau ke mo lotu fakataha pe foaki ki he tamasiʻí ha tāpuaki ‘o e lakanga fakataulaʻeikí. Te ke lava foki ‘o kumi tokoni ki ha tokotaha mataotao ki he moʻui ʻa e fānaú ʻi he meʻa ko ‘ení.

Ngaahi Maʻuʻanga Tokoni ʻa e Siasí mo e Koló

(Ko e niʻihi ʻo e ngaahi maʻuʻanga tokoni ʻoku hiki atu ʻi laló ʻoku ʻikai ke faʻu, tokangaʻi, pe puleʻi ia ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻOku fakataumuʻa ʻa e ngaahi naunau ko ʻení ke hoko ko ha toe ngaahi maʻuʻanga tokoni ʻaonga ʻi hoʻo ako ʻa e tefito ko ʻení. ʻOku ʻikai poupouʻi ʻe he Siasí ha faʻahinga meʻa ʻoku ʻikai ke fenāpasi mo hono ngaahi tokāteliné mo e ngaahi akonakí.)

• “ʻE Fai ʻe [he ʻEikí] ha Ngaahi Mana ʻIate Kimoutolu ʻApongipongí na,” Jeffrey R. Holland, Liahona, Mē 2016, 125–26.

• “Tuku ha Taimi ke Talanoa ai mo Fakafanongo,” Rosemary M. Wixom, Liahona, ʻEpeleli 2012, 10–13.

• “Talanoa fekauʻaki mo e Ngaahi Tefito Faingataʻá,” Sheree Lyn Clarke, Ensign, Liahona 2015, 10–12.

•  : 

•  : 

•  :