Naʻá Ku Mei Lava Nai ʻo Fai Ha Meʻa Lahi Ange ke Taʻofi ʻa e Taonakita ʻEku Kiʻi Tamá?

ʻI hoʻo hoko ko e mātuʻá, mahalo te ke ongoʻi halaia ʻi he ʻikai ke ke fakatokangaʻi ʻa e ngaahi fakaʻilonga fakatokanga ʻo e taonakitá. Pe mahalo te ke fakakaukau naʻá ke mei lava ʻo maʻu ha mahino lahi ange pe faʻa kātaki. Ka mei he ʻaho naʻe fāʻeleʻi ai hoʻo kiʻi tamá, naʻe tākiekina ia ʻe ha kakai kehe, ʻaki honau ʻātakaí, pea ʻaki ʻenau ngaahi fakakaukaú mo e ngaahi ongó—ʻo ope atu ia ʻi hano puleʻi ʻe ha mātuʻa ʻofa. Pea hangē pē ko ia ko hoʻo tauʻatāina ke fili ha meʻa ʻe taha kae tuku e tahá, naʻe tāpuekina hoʻo kiʻi tamá ʻaki ʻene tauʻatāina ke filí. ʻOku ʻikai ke ke fatongia ʻaki e fili hoʻo kiʻi tamasiʻí ke fakangata ʻene moʻuí. Neongo hoʻo ngaahi feinga tōtōivi tahá, ʻe ʻikai lava ke taʻofi kotoa ai ʻa e ngaahi taonakitá.

ʻOku toe fakaʻaongaʻi pē foki ʻa e ngaahi tefitoʻi moʻoni ko ʻení ki ha hoa mali, tamasiʻi, pe kaungāmeʻa kuo mole hanau ʻofaʻanga ʻi he taonakitá. ʻOku ʻikai ke tukuakiʻi koe ʻi he taonakita ʻa e taha ʻokú ke ʻofa ai.

Kapau ʻe hokohoko atu hoʻo ongoʻi mamahi lahi faú pe loto mafasiá, fealēleaʻaki mo ha taha ʻokú ke falala ki ai pea fekumi ʻi he faʻa lotu ki ha tokoni. Fakakaukau ke kole ha tāpuaki ʻo e lakanga fakataulaʻeikí pe fakafehokotaki mo e ngaahi maʻuʻanga tokoni ʻi homou feituʻú, hangē ko ha kau mataotao fakafaitoʻo pe ngaahi kulupu tokoni ki he mamahí.

Ngaahi Maʻuʻanga Tokoni ʻa e Siasí mo e Koló

(ʻOku ʻi ai ha niʻihi ʻo e ngaahi maʻuʻanga tokoni ʻi laló, ʻoku ʻikai faʻu, tauhi, pe puleʻi ia ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻOku fakataumuʻa ʻa e ngaahi naunau ko ʻení ke hoko ko ha toe ngaahi maʻuʻanga tokoni ʻaonga ʻi hoʻo ako ʻa e tefito ko ʻení. ʻOku ʻikai poupouʻi ʻe he Siasí ha faʻahinga meʻa ʻoku ʻikai ke fenāpasi mo hono ngaahi tokāteliné mo e ngaahi akonakí.)

• Sione 14:27.

• “Kapau He ʻIkai,” Lance B. Wickman, Liahona, Nov. 2002, 30–32.

•  : 

•  : 

•  : 

•  :