ʻOku Ou Fie Maʻu Pē ke Fakangata Hoku Mamahí. Ko e Hā ʻOku ʻIKai Lava Ai Ke Fakamoʻui Aú?

Manatu ki he talaʻofa ʻa e Fakamoʻuí, “Te mou maʻu ʻa e mamahí ʻi māmani: ka mou loto-toʻa; kuó u ikuʻi ʻa māmani” (Sione 16:33). Maʻu ha fakafiemālie mei he lea ʻa Palesiteni Tōmasi S. Monisoni:

“Mahalo kuo ʻi ai hamou niʻihi ne tangi koeʻuhí ko hoʻomou faingataʻaʻiá, mo fakakaukau pe ko e hā e ʻuhinga ʻoku fakaʻatā ai ʻe he Tamai Hēvaní ke ke foua e ngaahi faingataʻa ʻokú ke lolotonga fekuki mo iá. … “Ka, ko ʻetau moʻui fakamatelié, naʻe ʻikai ke teitei taumuʻa ia ke faingofua pe fakafiefia maʻu pē. … ʻOku tau aʻusia kotoa e ngaahi ʻaho fakamamahí ʻi he taimi ʻoku pekia ai ha taha ʻoku tau ʻofa ai, ngaahi taimi fakamamahi ʻi he ʻikai ke tau toe moʻui lelei aí, ongoʻi liʻekina ʻi he taimi ʻoku hangē ai kuo liʻaki kitautolu ʻe kinautolu ʻoku tau ʻofa aí. ʻOku hanga ʻe he meʻá ni mo ha ngaahi faingataʻaʻia kehe ʻo siviʻi moʻoni ʻetau malava ke kātakí. …

“Ko e ʻEikí pē taha ʻokú Ne ʻafioʻi e lahi ʻetau faiangataʻaʻiá, ʻetau mamahí, mo ʻetau kafó. Ko Ia toko taha pē ʻokú Ne foaki mai ʻa e nonga taʻengatá ʻi he taimi ʻo e faingataʻaʻiá. Ko Ia toko taha pē ʻokú Ne ala mai ki hotau ngaahi laumālie kuo makafokafó ʻaki ʻEne ngaahi folofola fakanongá: ‘Haʻu kiate au ʻa kimoutolu kotoa pē ʻoku feinga mo mafasiá, pea te u foaki ʻa e fiemālié kiate kimoutolu. Toʻo ʻeku haʻamongá kiate kimoutolu, pea mou ako ʻiate au; he ʻoku ou angavaivai mo angamalū: pea te mou ʻilo ai ʻa e fiemālie ki homou laumālié. He ‘oku faingofua pē ʻeku haʻamongá, pea ʻoku maʻamaʻa ‘eku kavengá’ [Mātiu 11:28–30]” (“Joy in the Journey,” Brigham Young University Women’s Conference, May 2, 2008).

Tafoki ki he ‘Otuá ʻi ho‘o faingataʻaʻiá. Kumi e ngaahi tāpuaki faifakamo‘ui ʻa e Fakamoʻuí, pea manatuʻi ko e “taimi ʻe niʻihi ʻoku hanga ʻe he ‘faifakamoʻuí’ ʻo faitoʻo hotau puké pe toʻo atu ʻetau kavenga mafasiá. Ka ko e taimi ‘e niʻihi ʻoku ‘faitoʻo’ kitautolu ʻaki hano foaki mai ha ivi pe mahino pe ivi kātekina ke tau fuesia e ngaahi kavenga mafasia kuo tuku kiate kitautolú”(Dallin H. Oaks, “He Heals the Heavy Laden,” Liahona, Nov. 2006, 7–8).

Ngaahi Maʻuʻanga Tokoni ʻa e Siasí mo e Koló

(Ko e niʻihi ʻo e ngaahi maʻuʻanga tokoni ʻoku hiki atu ʻi laló ʻoku ʻikai ke faʻu, tokangaʻi, pe puleʻi ia ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻOku fakataumuʻa ʻa e ngaahi naunau ko ʻení ke hoko ko ha toe ngaahi maʻuʻanga tokoni ʻaonga ʻi hoʻo ako ʻa e tefito ko ʻení. ʻOku ʻikai ke poupouʻi ʻe he Siasí ha faʻahinga meʻa ʻoku ʻikai ke fenāpasi mo hono ngaahi tokāteliné mo e ngaahi akonakí.)

• Sione 16:33.

• 2 Tesalonika 2:16–17.

• “Ko e Mālohi Taʻefakangatangata ʻo e ʻAmanaki Leleí,” Dieter F. Uchtdorf, Liahona, Nōvema 2008, 21–24.

• “How to Create a Suicide-Prevention Safety Plan,” Doug Thomas, Ensign, Sept. 2016, 63.

• “Mental Health,” ChurchofJesusChrist.org.

• “Princess’s Story: After a Suicide Attempt” (video, suicide.ChurchofJesusChrist.org).