Tanoakita
ʻOku Ou Hohaʻa Naʻa Faifai Kuó u Fakalaveaʻi Pē Au. ʻE Lava Fēfē Ke U Nofo Malú?

“‘ʻOku Ou Hohaʻa Naʻa Faifai Kuó u Fakalaveaʻi Pē Au. ʻE Lava Fēfē Ke U Nofo Malú?“ Ngaahi Fakakaukau Taonakitá (2018).

“ʻOku Ou Hohaʻa Naʻa Faifai Kuó u Fakalaveaʻi Pē Au” Ngaahi Fakakaukau Taonakitá.

ʻOku Ou Hohaʻa Naʻa Faifai Kuó u Fakalaveaʻi Pē Au. ʻE Lava Fēfē Ke U Nofo Malú?

Kapau ʻokú ke faingataʻaʻia peá ke fakakaukau te ke ala fakalaveaʻi koe, kumi tokoni he vave tahá. Tā ki ha kautaha tokoni fakavavevave pe ko ha laine tokoni taʻetotongi ki he faingataʻaʻiá ʻi homou feituʻú.

Kapau ʻoku ʻikai ke fuʻu fakavavevave ʻa e faingataʻaʻiá, talanoa ki ha taha ʻokú ke falala ki ai, hangē ko ha mēmipa ʻo e fāmilí, kaungāmeʻa, pīsope, pe tokotaha mataotao ki he moʻuí. ʻE lava ke fakasiʻisiʻi e lahi hoʻo mafasiá ʻi hoʻo vahevahe mo ha taha hoʻo ngaahi fakakaukaú. ʻOua naʻa taʻofi koe ʻe he ngaahi ongoʻi fakamāʻiá, ilifiá, pe maá. Ko e toe ngaahi fakakaukau ʻeni ʻe ala ʻaonga kiate koe:

  • Faʻu ha Palani Fakahaofi. ʻE lava ke tokoni ʻa e palani fakahaofi ke fakaʻehiʻehi mei he taonakitá ke ke ʻiloʻi ʻa e mālohinga fakatāutahá, ngaahi vā fetuʻutaki leleí, mo ha ngaahi taukei ki hono matuʻuaki fakaemoʻui lelei ʻe lava ke ke fakaʻaongaʻi lolotonga ha faingataʻa (vakai, ko e “Founga ke Faʻu ha Palani Fakahaofi mei he Taonakitá,” Doug Thomas, Liahona, Sepitema 2016, 63).

  • Fokotuʻu ha ngaahi taumuʻa iiki. ʻI he efiafi takitaha, hiki ha ngāue pe taumuʻa ʻe taha te ke lava ʻo ikunaʻi ʻi he ʻaho hono hokó. Tauhi e ngaahi ngāue ko ʻení ke faingofua pea ʻe malava foki. Ko hono fokotuʻu ha ngaahi taumuʻa iiki pea ngāueʻi kinautolú ʻe tokoni ia ke ke maʻu ha ongo ʻo e mapuleʻí ʻi he taimi ʻoku hangehangē ai he ʻikai lava ke mapuleʻi e meʻa kotoa peé.

  • Falala ki he Fakamoʻuí. Manatu‘i ʻe tokoniʻi koe ʻe Sīsū Kalaisi (vakai, ʻAlamā 7:11–13). ʻOku mahino haohaoa ange kiate Ia ʻa e mamahi ʻokú ke aʻusiá ʻi he meʻa ʻokú ke lava ʻo fakakaukauʻí. Fakahaaʻi hoʻo loto fiemālie ke falala kiate Iá ʻo fakafou ʻi he ngaahi ngāue hangē ko e tūʻulutui ʻo lotú, kole ha tāpuaki ʻo e lakanga fakataulaʻeikí, pea mo e talanoa ki hoʻo pīsopé.

Ngaahi Maʻuʻanga Tokoni ʻa e Siasí mo e Koló

(Ko e niʻihi ʻo e ngaahi maʻuʻanga tokoni ʻoku hiki atu ʻi laló ʻoku ʻikai ke faʻu, tauhi, pe puleʻi ia ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻOku fakataumuʻa ʻa e ngaahi naunau ko ʻení ke hoko ko ha toe ngaahi maʻuʻanga tokoni ʻaonga ʻi hoʻo ako e tefito ko ʻení. ʻOku ʻikai ke poupouʻi ʻe he Siasí ha faʻahinga meʻa ʻoku ʻikai ke fenāpasi mo hono ngaahi tokāteliné mo e ngaahi akonakí.)