Objektif Anseye nan Fason Sovè a

Prensip yo dekri nan manyèl sa a kapab ede tout enstriktè levanjil pou yo anseye nan fason Sovè a. Sa enkli paran, frè ak sè sèvis pastoral, misyonè, enstriktè seminè ak enstiti, ak nenpòt moun ki gen apèl nan Legliz la ki ba yo opòtinite pou anseye.

Ou ka etidye manyèl sa a poukont ou oubyen itilize l pou gide diskisyon ou avèk lòt moun sou fason pou vin tounen yon pibon enstriktè. Pa egzanp, nou gendwa itilize resous sa a nan sware familyal, reyinyon prezidans, reyinyon konsèy pawas oubyen pieu, seminè ak enstiti nan reyinyon-sèvis, ak nan reyinyon konsèy enstriktè (gade “Pou Dirijan yo—Ede Enstriktè yo Gen Siksè”).

Kijan Manyèl Sa a Òganize

Pati 1 an mete aksan sou enpòtans pou konsantre sou Jezikri nenpòt lè n ap anseye prensip levanjil Li yo. Seksyon sa a dekri sa nou anseye.

Pati 2 a mete aksan sou prensip pou nou anseye tankou Kris la. Seksyon sa a dekri kijan nou anseye.

Pati 3 a bay sijesyon pratik pou ede enstriktè yo aplike prensip pou anseye tankou Kris la.