Քրիստոսանման ուսուցման համառոտ նկարագիրը

Հետևյալ աղյուսակում ներկայացված է այս նյութի մեջ ուսուցանվող սկզբունքների համառոտ նկարագիրը։

Կենտրոնացեք Հիսուս Քրիստոսի վրա

Ուսուցանեք Հիսուս Քրիստոսի մասին՝ անկախ նրանից, թե ինչ եք ուսուցանում

• Կարևորեք Հիսուս Քրիստոսի օրինակը:

• Ուսուցանեք Հիսուս Քրիստոսի տիտղոսների, դերերի և հատկանիշների մասին։

• Գտեք խորհրդանիշներ, որոնք վկայում են Հիսուս Քրիստոսի մասին։

Օգնեք սովորողներին գալ Հիսուս Քրիստոսի մոտ

• Օգնեք սովորողներին ճանաչել Տիրոջ սերը, զորությունը և ողորմածությունը իրենց կյանքում

• Օգնեք սովորողներին ամրացնել իրենց հարաբերությունները Երկնային Հոր և Հիսուս Քրիստոսի հետ։

• Օգնեք, որ սովորողները գիտակցված ձգտեն ավելի նմանվել Հիսուս Քրիստոսին։

Քրիստոսանման ուսուցման սկզբունքները

Սիրեք նրանց, ում ուսուցանում եք

• Սովորողներին նայեք այնպես, ինչպես Աստված է տեսնում նրանց:

• Փորձեք ճանաչել նրանց․ հասկացեք նրանց հանգամանքները, կարիքները և ուժեղ կողմերը:

• Աղոթեք նրանց համար անվանապես:

• Ստեղծեք ապահով միջավայր, որտեղ բոլորը հարգված են և գիտեն, որ իրենց մասնակցությունը գնահատվում է:

• Պատշաճ ուղիներ գտեք՝ ձեր սերն արտահայտելու համար։

Ուսուցանեք Հոգով

• Պատրաստվեք հոգևորապես։

• Միշտ պատրաստ եղեք արձագանքել սովորողների կարիքների վերաբերյալ հոգևոր հուշումներին:

• Ստեղծեք պայմաններ և հնարավորություններ, որպեսզի սովորողներն ուսուցանվեն Սուրբ Հոգով:

• Օգնեք սովորողներին փնտրել, ճանաչել և գործել ըստ անձնական հայտնության:

• Հաճախ վկայություն բերեք և հրավիրեք սովորողներին կիսվել իրենց զգացմունքներով, փորձառություններով և վկայություններով:

Ուսուցանեք վարդապետությունը

• Ինքնուրույն սովորեք Հիսուս Քրիստոսի վարդապետությունը։

• Ուսուցանեք սուրբ գրություններից և վերջին օրերի մարգարեների խոսքերից:

• Օգնեք սովորողներին փնտրել, ճանաչել և հասկանալ սուրբ գրությունների ճշմարտությունները:

• Կենտրոնացեք ճշմարտությունների վրա, որոնք հանգեցնում են դարձի և կերտում հավատք առ Հիսուս Քրիստոս:

• Օգնեք սովորողներին անձնական համապատասխանություն գտնել Հիսուս Քրիստոսի վարդապետության մեջ:

Ջանասիրաբար սովորելու կոչ արեք

• Օգնեք ուսանողներին պատասխանատվություն ստանձնել իրենց ուսման համար:

• Խրախուսեք սովորողներին ճանաչել Փրկչին՝ ամեն օր ուսումնասիրելով ավետարանը:

• Հրավիրեք սովորողներին պատրաստվել դասին:

• Խրախուսեք սովորողներին կիսվել իրենց սովորած ճշմարտությամբ:

• Հրավիրեք սովորողներին ապրել համաձայն նրա, ինչ իրենք սովորում են: