Христтэй адил заах тойм

Энэхүү эх сурвалжид заасан зарчмуудыг доорх хүснэгтүүдэд тоймлон харуулав.

Есүс Христэд төвлөр.

Ямар ч зүйл зааж байсан Есүс Христийн талаар заа.

• Есүс Христийн үлгэр жишээг онцол.

• Есүс Христийн нэр, үүрэг хариуцлага, зан чанарын талаар заа.

• Есүс Христийг гэрчлэх бэлгэдлүүдийг эрж хай.

Есүс Христэд ирэхэд нь зааж байгаа хүмүүстээ тусал.

• Их Эзэний хайр, хүч, нигүүлслийг амьдралаасаа олж харахад нь суралцагчдад тусал.

• Суралцагчдадаа Тэнгэрлэг Эцэг, Есүс Христ хоёртой харилцах харилцаагаа бэхжүүлэхэд нь тусал.

• Өөрсдийн ухамсраар Есүс Христтэй илүү адилхан болохыг хичээдэг болоход нь суралцагчдад тусал.

Христтэй адил заах зарчмууд

Зааж байгаа хүмүүсээ хайрла

• Суралцагчдыг Бурхан тэднийг хардаг шиг хар.

• Заадаг хүмүүсийнхээ хэрэгцээ, давуу тал, нөхцөл байдлыг мэдэх замаар тэднийг ойлгохыг эрэлхийл.

• Нэрийг нь хэлэн тэдний төлөө залбир.

• Бүх хүнд хүндлэл болон өөрсдийнх нь оролцоо үнэ цэнтэй болохыг мэдрэх аюулгүй орчныг бүрдүүл.

• Хайраа илэрхийлэх тохиромжтой аргыг ол.

Сүнсээр заа

• Сүнслэг байдлын хувьд өөрийгөө бэлтгэ.

• Суралцагчдынхаа хэрэгцээний талаарх сүнслэг өдөөлтөд хариулахад үргэлж бэлэн бай.

• Та Ариун Сүнсний хүчээр заахын тулд таатай орчныг бүрдүүлээрэй.

• Хувийн илчлэл эрэлхийлж, таньж мэдэн, түүнийхээ дагуу үйлдэхэд нь суралцагчдадаа тусал.

• Суралцагчдыг гэрчлэлээ тогтмол хуваалцаж, мэдрэмж, туршлага, гэрчлэлээ хуваалцахад урамшуул.

Сургаалыг заах

• Есүс Христийн сургаалаас өөрөө суралц.

• Судруудаас болон хожмын үеийн бошиглогчдын үгсээс заа.

• Судрын үнэнүүдийг эрж хайн, танин мэдэж, ойлгоход нь суралцагчдад тусал.

• Есүс Христэд хөрвөгдөж, Түүнд итгэх итгэлийг нэмэгдүүлэхэд хөтлөх үнэнүүд дээр төвлөр.

• Есүс Христийн сургаалаас өөрсдөдөө хамааралтай зүйлсийг олж мэдэхэд нь суралцагчдад тусал.

Хичээнгүйлэн суралцахад урь

• Өөрсдөө бие дааж суралцах үүрэг хариуцлага хүлээхэд нь суралцагчдад тусал.

• Аврагчийг таньж мэдэхийн тулд сайн мэдээнээс өдөр бүр суралцдаг байхад суралцагчдаа урамшуул.

• Тэднийг суралцахаар бэлдэхэд урь.

• Суралцагчдыг суралцаж байгаа үнэнийхээ талаар хуваалцахад урамшуул.

• Суралцаж буй зүйлийнхээ дагуу амьдрахад тэднийг урь.

Христтэй адил заах хүснэгтийн тойм