Vaaiga Aoao o le Aoao Atu Faapei o Keriso

O siata nei o loo maua ai se vaaiga aoao o mataupu faavae o loo aoaoina i lenei punaoa.

Taulai atu ia Iesu Keriso

Aoao Atu e uiga ia Iesu Keriso e Tusa Lava po o A Mea O E Aoao Atu

• Faamamafa atu le faataitaiga a Iesu Keriso.

• Aoao atu e uiga i faalagiga, matafaioi, ma uiga paia o Iesu Keriso.

• Vaavaai mo faatusa ia e molimau ia Iesu Keriso.

Fesoasoani i Tagata Aoao e O Mai ia Iesu Keriso

• Fesoasoani i tagata aoao ia iloa le alofa, mana, ma le alofa mutimutivale o le Alii i o latou olaga.

• Fesoasoani i tagata aoao e faamalosia lo latou sootaga ma le Tama Faalelagi ma Iesu Keriso.

• Fesoasoani i tagata aoao e taumafai ma le loto i ai ia avea atili e faapei o Iesu Keriso.

Mataupu Faavae o le A’oa’o Atu Faapei o Keriso

Alofa Ia I Latou E Te A’oa’oina

• Vaai i tagata aoao i le ala e silasila ai le Atua ia i latou.

• Saili ia iloa i latou—malamalama i o latou tulaga, manaoga, ma malosiaga.

• Tatalo mo i latou ma ta’u o latou igoa.

• Fatu se siosiomaga saogalemu lea e faaaloalogia ai tagata uma ma iloa e faatauaina o latou manatu.

• Saili ni auala talafeagai e faaali atu ai lou alofa.

Aoao Atu e ala i le Agaga

• Saunia oe lava ia faaleagaga.

• Ia saunia i taimi uma e tali atu i uunaiga faaleagaga e uiga i manaoga o tagata aoao.

• Fatufatu ni faatulagaga ma ni avanoa mo tagata aoao ina ia aoaoina e le Agaga Paia.

• Fesoasoani i tagata aoao e saili, iloa, ma faatino faaaliga faaletagata lava ia.

• Tuu atu soo le molimau, ma valaaulia tagata aoao e faasoa mai o latou lagona, aafiaga, ma molimau.

A’oa’o Atu le A’oa’oga Faavae

• Aoao le aoaoga faavae a Iesu Keriso mo oe lava.

• Aoao atu mai tusitusiga paia ma upu a perofeta o aso e gata ai.

• Fesoasoani i tagata aoao e saili, iloa, ma malamalama i upumoni i tusitusiga paia.

• Taulai atu i upumoni e taitai atu ai i le liua ma fausia ai le faatuatua ia Iesu Keriso.

• Fesoasoani i tagata aoao ia maua le taua patino i le aoaoga faavae a Iesu Keriso.

Valaaulia le A’oa’oina ma le Filiga

• Fesoasoani i tagata aoga ia talia le tiutetauave mo lo latou aoaoina.

• Uunaia tagata aoao ia iloa le Faaola e ala i le suesue i le talalelei i aso taitasi.

• Valaaulia tagata aoao e sauni e aoao.

• Uunaia tagata aoao e faasoa mai upumoni o loo latou aoaoina.

• Valaaulia tagata aoao e ola i mea ua latou aoaoina.

Kata o le Vaaiga Aoao i le Aoao Atu Faapei o Keriso