Blong Ol Lida—Helpem Ol Tija blong Mekem Gud

Storian Wetem Wanwan

Samtaem wan long ol gudfala wei blong lukluk long ol spesel nid blong ol tija, i taem yu storian wetem wanwan long olgeta, i seperet. Eksampol, olsem wan lida, yu save gat wan smol storian wetem tija bifo o afta klas blong tokbaot ol prinsipol blong Tij Folem Wei blong Sevya. Yu save rere blong toktok raon, taem yu wajem tija i tij. Lukaotem blong andastanem moa wanem ol tija oli gud long hem mo faenem ol wei blong yu save helpem olgeta.

Blong mekem ol tija oli kam strong moa i impoten tu olsem long hemia blong luksave wea plae yu save help long hem. I gud blong statem storian ia wetem ol tija, taem yu askem sapos evri samting i oraet mo sapos oli filim se oli stap kam antap.

Taem yu mit wetem ol tija, tingting long ol wei we yu save mekem oli kam moa strong mo leftemap tingting blong olgeta wetem kaen fasin mo fasin blong talem tangkyu long seves we oli stap givim.

Ol Tija Kaonsel Miting

Wanwan wod i sud holem ol tija kaonsel miting evri kwota, long wei ia ol tija oli save kaonsel tugeta abaot ol prinsipol blong fasin blong hemia olsem Kraes. Ol miting blong tija kaonsel, oli save holem tu blong ol mama, papa(luk long Jeneral Hanbuk: Stap Givim Seves Insaed long Jos Ia blong Jisas Kraes blong Lata-dei Sent, 13.5, ChurchofJesusChrist.org).

?Wetaem Bae Ol Miting Ia Oli Sud Hapen?

Ol tija kaonsel miting, oli holem olgeta long wan klas we i tekem 50 minit, long wan Sandei.

• Ol tija blong Prishud, Rilif Sosaeti, mo Yang Woman, oli save go long nambawan o nambatri Sandei, olsem we ol lokol lida oli talem.

• Ol Sandei Skul tija oli save go long nambatu o nambafo Sandei, olsem we ol lokol lida oli talem.

• Ol Praemeri tija oli save go long eni Sandei, olsem we ol presidensi blong Praemeri blong wod mo presidensi blong Sandei Skul oli talem. Sapos oli wantem, ol Praemeri tija oli save mit long defren miting blong save toktok raon long ol spesel nid blong stap tijim ol pikinini. Hemia i save hapen long taem blong singsing blong 20 minit, bifo o afta long ol Sandei Miting, o wan narafala taem blong wik. Oli save holem moa long wan kaonsel miting long wan kwota, hemia blong ol Praemeri tija, blong mekem se oli no mestem evri klas blong Praemeri long wan sem taem. (Tekem Not: Taem i nidim, Praemeri presidensi i save asaenem ol seken tija, kombaen ol klas, o mekem ol arenjmen blong letem ol Praemeri tija oli go long tija kaonsel miting.

• Tija kaonsel blong mama,papa oli save holem long wan wan Sandei olsem we prisaeding atoriti i talem.

?Huia i save go?

Evriwan we i tijim wan kworom o klas insaed long wod oli sud go, wetem wan prishud o lida blong oganaesesen ia wetem responsabiliti blong kworom o klas ia. Sapos i nid, olgeta we oli tekpat oli save divaedem long tu grup, stret long nid blong olgeta we oli stap tijim. Eksampol, ol tija blong yut o pikinini oli lan gud moa long kaonsel ia long wan seperet miting blong tokbaot olsem wanem nao oli save tijim ol yut mo pikinini.

Blong tija kaonsel miting blong ol mama, papa, wod i save talem sapos oli save invaetem sam mama, papa nomo o mekem i open long eni wan we i wantem tekpat long miting ia.

?Huia I Stap Lidim Ol Miting Ia?

Wod kaonsel i lukluk ova, wetem help blong Sandei Skul Presidensi, we i lukluk long ol tija long kaonsel miting ia. Oli kaonsel tugeta abaot ol nid blong ol tija mo olgeta we oli stap lan i dipen long wanem oli stap lukluk long hem insaed long ol klas mo ol miting. Oli save wok tugeta blong luksave wij prinsipol nao bae oli nidim long Tij Folem Wei blong Sevya bae i save helpem ol nid we oli luksave.

Plante taem, wan memba blong Sandei Skul presidensi i stap lidim ol tija kaonsel miting. Be, ol narafala memba blong wod tu ol save givim wok ia long olgeta blong lidim kaonsel samtaem. Kworom mo oganaesesen presidensi oli save wok wetem ol tija ol prinsipol we oli tokbaot long miting.

?Wanem Nao I Sud Hapen Insaed long Wan Tija Kaonsel Miting?

Tija kaonsel miting i sud folem plan ia:

• Stap Serem mo Kaonsel tugeta Invaetem ol tija blong serem ol tijing eksperiens, askem ol kwestin abaot tij, mo serem ol tingting blong winim ol jalenj. Pat blong miting ia i save gat wan lukluk blong ol prinsipol we oli tokbaot long miting we i pas.

• Stap Lan Tugeta. Invaetem ol tij blong tokbaot wan long ol prinsipol ia we oli tijim long buk ia: lukluk nomo long Jisas Kraes, lavem olgeta we yu stap tijim, tij wetem Spirit, tijim Doktrin,mo invaetem Fasin blong Wok Strong blong Stap Lanem Samting. Ol prinsipol ia oli save tijim long eni oda, o sapos wod kaonsel i givim daereksen, olgeta we oli tekpat long miting ia i save jusum nekis prinsipol blong oli tokbaot. Yu save spendem taem long moa long wan prinsipol sapos i nidim.

• Praktisim mo Invaetem. Helpem ol tija blong plan olsem wanem bae oli putum ol prinsipol ia long aksen. Sapos i stret, yu save wok tugeta long skil we yufala i tokbaot. Invaetem olgeta blong raetem daon mo tekem aksen long filing we oli kasem abaot olsem wanem oli tekem aksen long prinsipol ia long tijing blong olgeta—wetem ol efot we oli putum long haos blong olgeta. Leftemap tingting blong olgeta blong stadi nekis prinsipol we bae oli tokbaot.

Sapos i posibol, tija kaonsel miting i sud eksampol ia blong lidim ol prinsipol we bae oli tokbaot.

Tija kaonsel miting i save helpem ol tija oli andastanem gud mo tekem aksen long ol Prinsipol blong Tijing Olsem Hemia blong Kraes.

Givim Trening blong Ol Niu Tija we Oli Jes Singaotem

Olsem wan lida, yu gat responsabiliti ia blong “mit wetem ol tija we oli jes singaotem”, insaed long oganaesesen blong yu mo “helpem olgeta rere long ol koling blong olgeta” (Jeneral Hanbuk, 17.3, ChurchofJesusChrist.org Ol miting ia oli givim janis blong introdiusum wan niu tija long tabu koling blong olgeta mo givim insperesen long olgeta wetem wan lukluk long wanem nao i minim blong tij folem wei blong Sevya. Olsem wan lida, yu save helpem ol niu tija blong givim seves taem oli mekem ol samting ia:

• Soem strong tingting se bae Sevya bae i helpem olgeta long ol koling blong olgeta (luk long Doktrin mo Ol Kavenan 88:78).

• Givim long ol niu tija wan kopi blong buk ia, mo leftemap tingting blong olgeta blong lukaotem ol wei blong tekem aksen long ol prinsipol long ol tijing blong olgeta.

• Serem wetem ol niu tija eni samting abaot oganaesesen blong yu we bae i save helpem olgeta.

• Sapos i nid, talem long ol niu tija wij rum blong oli tij mo wanem lesen blong oli stat wetem. Givim eni infomesen oli nid blong save abaot klas blong olgeta, blong save helpem olgeta wetem koling blong olgeta.

• Eksplenem long ol niu tija se yu save helpem olgeta long koling blong olgeta. Givim sapot insaed long klasrum mo gat raet long ol tijing tul sapos oli nidim.

• Askem sapos yu save wajem ol tija taem oli tijim’ ol klas, mo givim sam tingting long olgeta taem Spirit i toktok.

• Invaetem ol tija blong tekpat long tija kaonsel miting long evri kwota.