Mesej we I Kam long Fas Presidensi

Ol brata mo sista we mifala i lavem.

!Hem i wan naesfala janis blong gat yu blong tijim gospel blong Jisas Kraes! I nomata sapos yu gat spesifik koling ia blong tij o no, yu wan tija. Olsem wan disaepol blong Masta Tija, Jisas Kraes, yu gat janis ia blong serem laet blong Hem long weaples yu go—insaed long hom, long jos, long olgeta we yu givhan long hem, mo wetem ol fren blong yu. Blong tijim gospel hem i wan tabu tras. Hem i impoten long wok blong Lod, mo hem i wok gud taem yumi mekem long wei blong Hem.

Mifala i invaetem yu blong lanem moa abaot Jisas Kraes mo olsem wanem Hem i tijim gospel blong Hem. Stadi gud long ol toktok blong Hem, ol aksen blong Hem, ol fasin blong Hem, mo taem yumi stap traehad blong folem gud Hem gud. Stap Tij Folem Wei blong Sevya i save stap olsem gaed blong yu.

Fas Presidensi