Bigfala Lukluk blong Stap Tij Olsem Kraes

Ol jat ia oli soem wan bigfala lukluk blong ol prinsipol we oli tijim long buk ia.

Lukluk Nomo long Jisas Kraes

Tij abaot Jisas Kraes Nomata Wanem Yu Stap Tijim

• Tokbaot plante eksampol blong Jisas Kraes.

• Tijim abaot l taetol, ol rol, mo ol kwaliti blong Jisas Kraes.

• Lukaotem ol saen we oli testifae abaot Jisas Kraes.

Helpem Olgeta we Oli Stap Lan blong Oli Kam long Jisas Kraes

• Helpem olgeta we oli stap lan blong luksave lav, paoa, mo sore blong Lod insaed long laef blong olgeta.

• Helpem olgeta we oli stap lan blong oli mekem rilesensip blong olgeta wetem Papa long Heven mo Jisas Kraes I Kam strong moa.

• Helpem olgeta we oli stap lan blong traehad blong kam moa olsem Jisas Kraes.

Ol Prinsipol blong Tijing Olsem Hemia blong Kraes

Lavem Olgeta we Yu stap Tijim Olgeta

• Luk olgeta we oli stap lan, olsem we God i stap luk olgeta.

• Lukaotem blong save olgeta—andastanem wanem oli stap fesem, ol nid mo ol samting we oli strong long hem.

• Prea from olgeta mo talem nem blong olgeta.

• Krietem wan ples we i sef, wan ples we i gat respek long evriwan mo wan ples we oli save se, wanem oli serem, i gat valiu.

• Faenem ol stret wei blong soem lav blong yu.

Tij wetem Spirit

• Rere yuwan long saed blong spirit.

• Yu mas oltaem rere blong ansa long ol nid blong olgeta we oli stap lan.

• Givim janis ia blong olgeta we oli stap lan blong Tabu Spirit i tijim olgeta.

• Helpem olgeta we oli stap lan blong lukaotem, luksave, mo folem revelesen blong olgetawan.

• Serem testemoni plante taem,mo invaetem olgeta we oli stap lan blong oli serem ol filing, eksperiens mo testemoni blong olgeta.

Stap Tijim Doktrin

• Lanem doktrin blong Jisas Kraes blong yuwan.

• Tijim ol skripja mo ol toktok blong ol profet blong ol las dei.

• Helpem olgeta we oli stap lukaotem, luk save, mo andastanem ol trutok insaed long ol skripja.

• Lukluk nomo long ol trutok we bae i lidim i go long fasin blong jenisim laef mo bildim fet long Jisas Kraes.

• Helpem olgeta we oli stap lan blong faenem stret sapot blong olgetawan insaed long doktrin blong Jisas Kraes.

Invaetem Fasin blong Wok Strong blong Stap Lanem Samting

• Helpem olgeta we oli stap lan blong tekem responsabiliti blong stap lanem samting.

• Leftemap tingting blong olgeta we oli stap lan blong kam blong save long Jisas Kraes, taem we oli stap stadi long gospel evri dei.

• Invaetem olgeta we oli rere blong lan.

• Leftemap tingting blong olgeta we oli stap lan blong serem ol trutok we oli stap lanem.

• Invaetem olgeta we oli stap lan blong laef folem wanem we oli stap lanem.

Stamba Lukluk blong Tijing Olsem Hemia blong Kraes jat