Fakamatala Fakahisitōlia Nounou

ʻOku ʻoatu ʻe he fakahokohoko ʻo e ngaahi meʻa naʻe hoko ko ʻení, ha fakamatala fakahisitōlia ki he ngaahi akonaki ʻa Palesiteni ʻEselā Tafu Penisoní ʻi he tohí ni.

ʻAho 4 ʻo ʻAokosi 1899	Fāʻeleʻi ofi ki Uitinī, ʻAitahō, kia Siaosi Tafu Penisoni ko e Siʻí pea mo Sela Tangikilī Penisoni.
1912 ki he 1913	Fua ha ngaahi fatongia lahi ʻi ʻapi he lolotonga ngāue fakafaifekau ʻene tamaí ʻi he fakatokelau ʻo e ʻIunaiteti Siteití.
1914 ki he 1919	Ako mo ʻosi mei he Akoʻanga ʻo e Siteiki ʻOneitá ʻi Pelesitoni, ʻAitahō.
1918	Ui ke hoko ko e Tokoni Pule Sikauti (ko ha taki ʻo e kau talavoú) ʻi hono uōtí ʻi Uitinī.
1920	Fetaulaki mo Folola Sāmita ʻAmuseni, ko hono uiafi ʻi he kahaʻú.
1921	Hū ki he Kolisi Ngoue ʻo ʻIutaá (ʻoku hoko he taimí ni ko e ʻUnivēsiti ʻo e Siteiti ʻIutaá) ʻi Lōkani ʻi ʻIutā.
ʻAho 13 ʻo Siulai 1921	Fakanofo ko e kaumātuʻa ʻe heʻene tamaí.
ʻAho 15 ʻo Siulai 1921 ki he ʻaho 2 ʻo Nōvema 1923	Ngāue fakafaifekau taimi kakato ʻi he Misiona Pilitāniá.
ʻAho 25 ʻo ʻAokosi 1924 ki Sune 1926	Ngāue fakafaifekau taimi kakato ʻa Folola ʻi he ʻOtumotu Hauaiʻí.
Faʻahitaʻu Fakatōlau ʻo e 1924	Kau mo hono tehina ko ʻOvolá ʻi he fakatau e faama ʻa e fāmilí ʻi Uitinií.
Faʻahitaʻu Failau ʻo e 1926	ʻOsi mei he ʻUnivēsiti Pilikihami ʻIongí.
ʻAho 10 ʻo Sepitema 1926	Mali mo Folola ʻi he Temipale Sōlekí.
Sepitema 1926 ki Sune 1927	Ako ʻi he Kolisi Fakasiteiti ʻo e Ngoué mo e Ngaahi ʻAati Fakaikiiki ʻo ʻAiouaá (ʻoku hoko he taimí ni ko e ʻUnivēsiti Fakasiteiti ʻo ʻAiouā ki he Saienisí mo e Tekinolosiá), ʻosi mo hono mataʻitaohi MA ʻi he ʻekonōmika ʻo e ngoué.
Sune 1927	Foki ki he faama ʻa e fāmilí ʻi Uitinií.
1929	Tali e ngāue ko e fakafofonga ngoue fakavahefonua ʻi he Vahefonua Felengikiliní ʻi ʻAitahō. Mavahe mei he fāmá ʻo hiki ofi pē ki Pelesitoni, ʻi ʻAitahō.
1930 ki he 1939	Ngāue ko e mataotao fakaʻekonōmika ʻi he ngoué ʻi he Vaʻa ʻo e ʻUnivēsiti ʻAitahoó.
Sānuali 1935 ki Nōvema 1938	Hoko ko e tokoni ʻuluaki ʻi he kau palesitenisī fakasiteiki ʻo e Siteiki Poisí.
Nōvema 1938 ki Māʻasi 1939	Hoko ko e palesiteni ʻo e Siteiki Poisí.
1939 ki he 1943	Ngāue ko e sekelitali lahi ʻo e Kosilio Fakafonua ʻo e Ngaahi Kautaha Ngoué ʻi Uāsingatoni, D.C. Nofo mo hono fāmilí ʻi Peteseta ʻi Melileni.
Sune 1940	Ui ke hoko ko e palesiteni ʻo e Siteiki Uāsingatoní ʻi Uāsingatoni, D.C.
ʻAho 26 ʻo Siulai 1943	Ui ke ngāue ko ha mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá.
ʻAho 7 ʻo ʻOkatopa 1943	Fakanofo ko e ʻAposetolo mo vaheʻi ko e mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá ʻe Palesiteni Hiipa J. Kalānite.
Sānuali 1946 ki Tīsema 1946	Hoko ko e palesiteni ʻo e Misiona ʻIulopé, tokoni ke ʻomi e ngaahi tokoni fakatuʻasino mo fakalaumālie ki he Kāingalotú hili e fakaʻauha ʻo e Tau Lahi ʻa Māmaní Hono II.
ʻAho 16 ʻo Siulai 1946	Fakatapui ʻa Finilani ki hono malangaʻi ʻo e ongoongoleleí.
Sānuali 1953 ki Sānuali 1961	Hoko ko e sekelitali ʻa e ʻIunaiteti Siteití he ngoué ʻi he malumalu ʻo e taki ʻa Palesiteni Tuaiti E. ʻAiseniʻaoá.
Sānuali 1964 ki Sepitema 1965	Toe hoko ko e palesiteni ʻo e Misiona ʻIulopé.
ʻAho 10 ʻo Nōvema 1966	Toe fakatapui ʻa ʻĪtali ki hono malangaʻi ʻo e ongoongoleleí.
ʻAho 14 ʻo ʻEpeleli 1969	Fakatapui ʻa Singapoa ki hono malangaʻi ʻo e ongoongoleleí.
ʻAho 26 ʻo ʻOkatopa 1969	Fakatapui ʻa ʻInitonēsia ki hono malangaʻi ʻo e ongoongoleleí.
ʻAho 30 ʻo Tīsema 1873	Vaheʻi ko e Palesiteni ʻo e Kōlomu ʻo e Kau ʻAposetolo ʻe Toko Hongofulu Mā Uá.
ʻAho 10 ʻo Nōvema 1985	Vaheʻi ko e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.
ʻAho 24 ʻo ʻOkatopa 1986	Fakatapui e Temipale Tenivā Kololató.
ʻAho 28 ʻo ʻAokosi 1987	Fakatapui e Temipale Felengifuti Siamané. (Naʻe fakatapui ha temipale ʻe hiva he lolotonga ʻo ʻene hoko ko e Palesiteni ʻo e Siasí.)
ʻAho 2 ʻo ʻOkatopa 1988	Fakahoko ʻene malanga konifelenisi lahi fakaʻosí ʻe ia pē. (Hili ʻa ʻOkatopa 1988, naʻe taʻofi ia ʻe he tuʻunga pelepelengesi ʻo ʻene moʻuí mei haʻane toe lea ʻi ha konifelenisi lahi. Naʻe lau ʻe hono ongo tokoni ʻi he Kau Palesitenisī ʻUluakí ʻa ʻene ngaahi malangá ʻo fakafofongaʻi ia pe toʻo pē ha ngaahi pōpoaki naʻá ne fai ʻi he ngaahi malanga he kuo hilí.)
ʻAho 14 ʻo ʻAokosi 1992	Tēngihia e siʻi mālōlō hono uaifi ko Fololá.
ʻAho 30 ʻo Mē 1994	Mālōlō ʻi hono ʻapí ʻi Sōleki Siti ʻi ʻIutā, ko ha māhina nai ʻe ua ki muʻa ʻi hono taʻu 95.