Դաս 1․ Դասարանի նախապատրատական նյութ

Ուսումնասիրել հավերժական ընտանիքի վարդապետությունը

Բարի գալուստ հավերժական ընտանիքի դասընթաց: Այն ճշմարտությունները, որոնք դուք կսովորեք այս դասընթացում և գործելով ըստ ձեր զգացած հուշումների, կարող են օգնել ձեզ և ձեր ընտանիքին մոտենալ Աստծուն և ստանալ բոլոր օրհնությունները, որոնք նա ցանկանում է ձեզ համար: Դուք նաև ավելի ունակ կլինեք օգնել մյուսներին նույնն անել։

Ուսումնասիրելով 1-ին դասի հետևյալ նախապատրաստական նյութը, մտածեք այն օրհնությունների ու ուրախության մասին, որոնք Երկնային Հայրը ցանկանում է, որ Իր բոլոր երեխաները ճաշակեն, և նրա մասին, թե ինչպես է դա կապված ընտանիքների հետ:

Նշում․ Այս նախապատրաստական նյութը ձեզ հիմք կապահովի ձեր դասի փորձառության համար։ Ուսումնասիրելով նախապատրաստական նյութը յուրաքանչյուր դասից առաջ, դուք ավելի խորը, ավելի իմաստալից ուսումնառության փորձառություն կունենաք, երբ մասնակցեք դասին:

Բաժին 1

Ապավինելով Երկնային Հոր և Հիսուս Քրիստոսի կատարյալ սիրուն և իմաստությանը,ինչպե՞ս կարող է փոխել իմ անձնական և ընտանեկան կյանքը:

Մենք շրջապատված ենք ընտանեկան թեմային առնչվող տարբեր կարծիքներով և տեղեկություններով: Երբեմն ընտանիքի վերաբերյալ հասարակության կողմից ընդունված հեռանկարը ուղղակիորեն հակադրվում է Երկնային Հոր ծրագրին։ Որքան ավելի շատ մենք իմանանք և հասկանանք Երկնային Հորը և Հիսուս Քրիստոսին և նրանց բնավորությունը, այնքան ավելի շատ կարող ենք ապավինել նրանց ուսմունքներին և խորհրդին, ներառյալ՝ ընտանեկան հարցերում: Երբ մենք այդ անենք, կարող ենք սովորել տեսնել իրեր այնպես, ինչպես Նրանք են տեսնում դրանք` հավերժական հեռանկարից:

Ուսումնասիրեք դասին նախապատրաստվելիս

Կարդացեք 2 Նեփի 26.24, Մոսիա 4.9, և Եսայիա 55.8–9 հատվածները, և փնտրեք ճշմարտություններ Երկնային Հոր և Հիսուս Քրիստոսի մասին, որոնք կօգնեն ձեզ Նրանց ապավինել: Կարող եք նշել, ինչ գտնեք:

Մտածեք այն մասին, թե ինչպես սուրբ գրությունների այս հատվածներում Երկնային Հոր և Հիսուս Քրիստոսի նկարագրությունները կարող են ազդել, թե ինչպես եք վերաբերվում ընտանիքին վերաբերող զգայուն խնդիրներին ու հարցերին: Տասներկու Առաքյալների Քվորումից Երեց Ռիչարդ Գ. Սքոթն ուսուցանել է.

Որպես ձեր Հայր`Նրա նպատակը ձեր հավերժական երջանկությունն է, ձեր շարունակական զարգացումը, ձեր մեծացող կարողունակությունը: Նրա ցանկությունն է կիսվել ձեզ հետ այն ամենով, ինչ Նա ունի: (“Obtaining Help from the Lord,” Ensign, Nov. 1991, 86)

Ուսումնասիրեք դասին նախապատրաստվելիս

Աշխարհի խաբեություններից «զգուշացնելու և նախազգուշացնելու» մարգարեական ջանքով, Առաջին Նախագահությունը և Տասներկու Առաքյալների Քվորումը 1995 թ.-ին լույս ընծայեցին ընտանիքի վերաբերյալ հռչակագիրը» (see Gordon B. Hinckley, “Stand Strong against the Wiles of the World,” Ensign, Nov. 1995, 100): Կարդացեք «Ընտանիք՝ Հայտարարություն աշխարհին» (ChurchofJesusChrist.org), և մտածեք, թե ինչ է այն ուսուցանում այն օրհնությունների և երջանկության մասին, որը Երկնային Հայրը ցանկանում է ձեզ և ձեր ընտանիքի համար: Դուք կարող եք նշել Նրա սիրո և ձեր երջանկության համար ցանկությունների ապացույցներ:

Խորհեք դասին նախապատրաստվելիս

Մտածեք մի քանի առկա սոցիալական խնդիրների կամ հարցերի մասին, որոնց անդրադառնում է ընտանեկան հռչակագրում հայտարարված ճշմարտությունները: Ինչո՞ւ է արժեքավոր այս թեմաների վերաբերյալ վստահել Երկնային Հոր և Հիսուս Քրիստոսի իմաստությանը և հավերժական հեռանկարին և ոչ թե՝ աշխարհի իմաստությանն ու հեռանկարին:

Բաժին 2

Ինչպե՞ս կարող ենք հաստատել անվտանգ միջավայր`զգայուն հարցեր քննարկելու համար:

Մտածեք ձեր ընտանիքի իրավիճակի, դինամիկայի և մարտահրավերների մասին: Ինչպե՞ս է ձեր ընտանիքը տարբերվում ձեր իմացած մյուս ընտանիքներից։ Մեր որոշ ամենաուժեղ զգացմունքները կապված են մեր ընտանիքների հետ: Երբ քննարկում ենք ընտանիքի մասին վարդապետությունը, մենք պետք է հիշենք, որ ուրիշների ընտանեկան իրավիճակներն ու փորձառությունները կարող են տարբեր լինել, քան մեր անձնականը: Այդ հիշելը կարող է օգնել մեզ ավելի սիրալիր, ավելի զգայուն և ավելի հարգալից լինել, թե ինչ ձևով ենք քննարկում վարդապետությունը ընտանիքի մասին: Այդ անելով մենք ավելի լավ ենք պատրաստվում, որ Սուրբ Հոգին ավելի խորը սովորեցնի մեզ ընտանիքների և մեր Երկնային Հոր նպատակների մասին:

Ուսումնասիրեք դասին նախապատրաստվելիս

Հիսուս Քրիստոսը մեր կատարյալ օրինակն է`մարդկանց հանդեպ գթություն ունենալով բոլոր հանգամանքներում: Կարդացեք Մորոնի 7.45–48: Մտածեք ձեր կյանքի այն պահերի մասին, երբ Փրկիչը գթություն է ցույց տվել ձեզ և մտածեք այն փոփոխության մասին, որ այն առաջացրել է ձեր մեջ:

Որպես Հիսուս Քրիստոսի աշակերտներ, մենք ձգտում ենք ավելի նմանվել Նրան` այն բոլոր բաներում, ինչ մենք ասում ենք և անում: Պրակտիկա է պահանջվում` լսելու ուրիշներին և սովորելու և կիսվելու ճշմարտությամբ՝ սիրալիր, զգայուն և հարգալից ուղիներով: Երբ գթությամբ ենք մոտենում ընտանիքի հետ կապված թեմաների վերաբերյալ զգայուն խոսակցություններին, մենք նմանվում ենք Փրկիչին: Եթե մենք կամենանք, Սուրբ Հոգին կարող է օգնել մեզ իմանալ մեր դերը` ճշմարտությունը սովորելու համար սիրո, հարգանքի և ներգրավող դասարանային միջավայր հաստատելու և պահպանելու գործում:

Տասներկու Առաքյալների Քվորումից Երեց Նիլ Լ․ Անդերսենն ուսուցանել է.

Բայց իմ աղերսն այսօր հարյուր հազարավոր երեխաների, երիտասարդների և երիտասարդ չափահասների համար է, ովքեր այդպիսի ընտանիքներից չեն, «կատարյալ ընտանիքի» բացակայության պատճառով: Ես խոսում եմ ոչ միայն այն երիտասարդների մասին, ովքեր ականատես են եղել իրենց ծնողների մահվանը, ամուսնալուծությանը կամ հավատքի նվազմանը, այլև տասնյակ հազարավոր պատանիների ու աղջիկների մասին ամբողջ աշխարհից, ովքեր ընդունել են ավետարանը առանց մոր կամ հոր, որոնք իրենց հետ միասին Եկեղեցի կգային:

Այս Վերջին օրերի երիտասարդ սրբերը Եկեղեցի են մտնում մեծ հավատքով: Նրանք հույս ունեն ստեղծել կատարյալ ընտանիք իրենց կյանքում ապագա մի օր: Ճիշտ ժամանակին, նրանք կազմում են մեր միսիոներական ուժերի կարևոր մասը, մեր արդարակյաց երիտասարդ չափահասները և նրանք, ովքեր ծնկի են գալիս խորանի մոտ` սկզբնավորելու իրենց սեփական ընտանիքները:

Մենք կշարունակենք ուսուցանել ընտանիքների վերաբերյալ Տիրոջ չափանիշը, բայց այժմ, Եկեղեցում միլիոնավոր անդամներ և այդ տարբերությունն ունենալու պարագայում, մենք պետք է ավելի ուշադիր ու զգայուն լինենք: …

…Եկեք մտածենք նրանց մասին, ողջունենք նրանց, գրկենք և անենք ինչ որ կարող ենք, ամրապնդելու նրանց սերը Փրկիչի հանդեպ: («Ով որ նրանց ընդունի, ինձ է ընդունում», Լիահոնա, մայիս 2016, 49–50, 52)

Գրի առեք ձեր մտքերը

Մտածեք ձեր սեփական փորձի և այն փոփոխության մասին, որը կարող եք կատարել՝ գթությամբ վերաբերվելով ընտանիքի վերաբերյալ զգայուն թեմաների քննարկմանը: Գրի առեք, թե ինչ կարող եք անել, որպեսզի օգնենք ուրիշներին իրենց սիրված և հարգված զգալ՝ մինչ քննարկեք նման թեմաներ հավերժական ճշմարտության հեռանկարով:

Ցանկանո՞ւմ եք ավելին։ (Ոչ պարտադիր)

Ինչպե՞ս կարող եմ հավերժական տեսանկյունից նայել իրերին, երբ ունեմ հարցեր և մտահոգություններ:

Որպեսզի օգնեք ուսանողներին հասկանալ, թե ինչպես քննել հասկացություններն ու հարցերը հավերժական տեսանկյունից, դիտեք «Քննել հարցերը հավերժության հեռանկարով» (02:56) տեսաֆիլմը:

Ինչպե՞ս կարող եմ գթությամբ զգայուն սոցիալական և կրոնական հարցերի շուրջ զրույցներ վարել:

Որպեսզի նկարագրեք այն տարբերությունը , որ սերն ու հարգանքը կարող են առաջացնել ընտանիքի վերաբերյալ մտքերն ու զգացմունքները քննարկելիս, դիտեք «Ամենօրյա օրինակ. Երբ հավատալիքները կասկածի տակ են դրվում» “Everyday Example: When Beliefs Are Questioned”տեսաֆիլմը (12:48):

Ի՞նչ կարող եմ սովորել ուրիշների հանդեպ Փրկիչի սիրո, նրբազգացության և կարեկցանքի օրինակից:

Հետևյալ պատմություններում, մենք կարող ենք գտնել Փրկիչի սիրո, նբազգացության և կարեկցանքի դրսևորումներ այն անձանց հանդեպ, ովքեր դժվարություններ են կրել իրենց անձնական և ընտանեկան իրավիճակներում:

• Շնության մեջ բռնված կնոջ հանդեպ Նրա վերաբերմունքը (տես Հովհ. 8.3–11)

• Բորոտին Նրա բժշկելը (տես Մարկոս 1.40–42)

• Նրա պարգևը Նայինի այրուն (տես Ղուկաս 7.11–15)

• Նրա զրույցը կնոջ հետ ջրհորի մոտ (տես Հովհ. 4.6–19)

• Նրա այցելությունը Ամերիկա մայրցամաքի ժողովրդին (տես 3 Նեփի 17.6–10)