Од Каде Дојдов?

Вашиот живот не започна при раѓање, ниту ќе заврши при смрт. Вие сте создадени од духовно тело (понекогаш наречено душа) и физичко тело. Небесниот Отец го создаде вашиот дух, и живеевте со Него како дух пред да бидете родени на земјата. Го познававте и љубевте Него, и Тој ве познаваше и љубеше. Овој период се нарекува предземен живот.

„Планот за [спасение]… Беше подготвен од основањето на светот, преку Христос, за сите кои ќе веруваат во Неговото име.“

Алма 22:13

Низ вашиот предземен живот, бевте поучени на принципите и заповедите кои би воделе до среќа. Вие растевте во интелигенција и научивте да ја сакате вистината. Бевте поучени на планот за спасение. За време на овој предземен живот, Исус Христос беше одбран за Спасител; научивте дека преку Него би можеле да ги надминете ефектите од вашите погрешни избори.

Важен дел од планот на Бог беше вие да дојдете на земјата да добиете физичко тело и да научите да правите правилни избори. Не се сеќавате дека сте живееле во присуството на Небесниот Отец, но Тој ќе ви ја даде способноста да го разликувате правилното од погрешното. Вие би можеле да ја препознаете Неговата љубов и вистина Преку вашите искуства и испити, можете да научите постојано да донесувате правилни одлуки. Со помош на Исус Христос, ќе можете да се вратите да живеете со Небесниот Отец кога вашиот живот на земјата ќе заврши.

Иако вашето сеќавање за тоа е попречено, пред да дојдете на оваа земја живеевте во присуство на Бог, вашиот Небесен Отец, и Неговиот Син, Исус Христос. Извикувавте од радост кога ви беше дадена привилегија да дојдете на земјата да добиете тело и да го следите планот на Бог за ваша среќа.

Во вашиот предземен живот, вие научивте дека само преку одбирање да го следите планот на Бог би можеле да добиете дологотраен мир и задоволство во овој живот и во вечноста. Поради тоа што Тој ве љуби, Небесниот Отец ви даде слободен избор односно моќ да одбирате. Тој ви дозволи да одберете дали ќе го следите Неговиот план и Господ Исус Христос.

Сатаната, едно од духовните деца на Бог, се побуни против Небесниот Отец и не го прифати Неговиот план. Тој сакаше да не присили сите нас да ја извршуваме неговата волја. За жал, многу од децата на Небесниот Отец одбраа да го следат Сатаната. Сатаната и неговите следбеници беа отстранети од присуството на Бог и не им беше дозволено да бидат родени на земјата. Тие продолжија да постојат као духови. Тие се мизерни, и тие сакаат вие да бидете мизерни. Тие ве искушуваат вас и сите деца на Бог да правите нешта кои носат несреќа и кои не се пријатни за Бог.

Во предземниот живот, одбравте да имате вера во Исус Христос и да го следите планот на Бог. Поради вашите избори, бевте родени на земјата. Само со правењето на овие исти избори можете да пронајдете мир во овој живот и да можете да се вратите да живеете со Небесниот Отец откако овој живот ќе заврши.