Te u faka‘apaʻapaʻi fēfē nai ʻa e ngaahi faikehekehé?

Kapau ‘oku ʻi ai ha kau mēmipa ho fāmilí pe ngaahi kaungāmeʻa ‘oku nau pehē kuo nau liliu tangata pe fefine, lotua ke ke maʻu ʻa e ‘ofa ʻa Kalaisí ‘i hoʻo feinga ke muimui ki he sīpinga ‘a e Fakamoʻuí pea ‘ofa ʻiate kinautolu. ʻOku kau ʻi he fekau ke feʻofaʻakí ʻa e niʻihi ʻoku ʻikai ke tatau ʻetau aʻusia ʻi he māmaní.

Hangē ko e akonaki ‘a Palesiteni Tāleni H. ʻOakesí: “ʻI he ngaahi vā fetuʻutaki mo e tūkunga kehekehe ʻo e moʻuí, kuo pau ke tau feʻao mo e ngaahi faikehekehé. ʻO ka mahuʻinga, ʻoku ʻikai totonu ke tau fakaʻikaiʻi pe liʻaki ʻa e tafaʻaki ʻoku tau kau ki ai he ngaahi tō kehekehe ko ʻení, ka ʻi heʻetau hoko ko e kau ākonga ʻa Kalaisí ʻoku totonu ke tau nofo melino mo e niʻihi kehe ʻoku ʻikai ke tau tui tataú pe te nau tali ʻa e ngaahi akonaki ʻoku fakatefito aí. ʻOku tau ʻilo ʻi he fakahā fakaepalōfitá ʻoku hanga ʻe he palani ʻo e fakamoʻui ʻa e Tamaí, ʻo fokotuʻu kitautolu ʻi ha ngaahi tuʻunga fakamatelie ke tauhi ʻEne ngaahi fekaú. ʻOku kau ai ʻetau ʻofa ʻi hotau kaungāʻapi ʻoku kehekehe honau anga fakafonuá mo e tui fakalotú, ʻo hangē ko ʻEne ʻofa ʻiate kitautolú. Hangē ko ia ne akoʻi mai ʻe ha palōfita he Tohi ʻa Molomoná, kuo pau ke tau vilitaki atu ki muʻa ʻi he ‘ʻofa ki he ʻOtuá mo e kakai fulipē’ (2 Nīfai 31:20)” (“Ko e ʻOfa mo Feohi mo e Niʻihi Kehé Neongo e Faikehekehé,” Liahona, Nōvema 2014, 28).