15. Jeriko

Pija in ej kwaļo̧k mennin eddek ko ilo Jeriko eo rainin. Etto ekar juon jikin kwelo̧k ewōrwōr ilo kom̧laļ in Reba Jordan, 252 mita ium̧win aejet in lo̧jet. Ej juon jikin eo em̧m̧an n̄an kallib im wōjke date palm ko im bukun wōjke citrus rej uwa. Ilo tulikin pija in ej ijo imminene kake ke ej Toļ in Kapo (Matu 4:1–11).

Men Ko Reļļap: Epaake jikin in, Joshua im ro nejin Israel rekar kijoone Reba Jordan alen kein kajuon, im deļo̧n̄eļo̧k āneen kallim̧ur (Josh. 2:1–3; 3:14–16). Irooj ilo kabwilōn̄lōn̄ eaar kawōtlo̧k wōrwōr ko n̄an laļ im̧aan jarin tariņae ko an riIsrael (Josh. 6; lale barāinwōt Hib. 11:30). Joshua eaar likūt juon lia ioon jikin kwelo̧k eo (Josh. 6:26), eo ekar kūrm̧ool (1 Kiin̄ 16:34). Ilaisha eaar kōmouri dān ko in Jeriko (2 Kiin̄ 2:18–22). Rilo̧mo̧o̧r eaar deblo̧ke ijin ilo loļo̧k eo An āliktata n̄an Jerusalem, kōmouri ripilo Bartimeōs im pād ippān Zakkiōs, irooj in tōl ewōj (Mark 10:46–52; Luk 18:35–43; 19:1–10). Iaļ eo n̄an Jeriko jān Jerusalem eaar pād ioļapļap in būrabōļ eo kōn riSameria eo em̧m̧an (Luk 10:30–37). (Lale UTJ Jeriko.)