8. Jerusalem

Erre nin̄aļo̧k n̄an Jerusalem. Ilo ioļapļap in pija in ej juon Muslim shrine kōn juon bōrwaj doulul ekalibobo kōn gold, etan Dome of the Rock. RiJu ro raar kabun̄-jar etto ilo tampeļ ko rekar pād ijin. Wall ko repaake Dome of the Rock rej jepooļe jikin kwelo̧k Jerusalem eo etto. Ituanbwijmaron̄ in wall in ej Kom̧laļ in Kidron. Ituanbwijmaron̄ ļo̧k wōt ej Toļ Olivet. Ļo̧k n̄an tuiōn̄, ettoļo̧kļo̧k jān Dome of the Rock, ej ijo ļōmņake ke ej ijo Golgota, ak Calvary eaar pād ie.

Men Ko Reļļap: Jerusalem kar etan etto Selem (Sam Ko 76:2). Ebream eaar kōļļāik m̧ōttan jon̄oul ko an n̄an Melkizedek (Jen. 14:18–20). Ebream eaar itok n̄an katok kōn Aisak (Jen. 22:2–14). Kiin̄ Devid ar bōk Jerusalem jān riJibus (2 Sam. 5:4–9). Kiin̄ Solomon eaar kalōk juon tampeļ (1 Kiin̄ 6–7). Liai eaar likūt ijin n̄an juon āneen kallim̧ur (1 Ni. 1:4; 2). Rilo̧mo̧o̧r eaar jipan̄, pinmuur kōn jero̧wiwi ko ad, im kar jerkakpeje (Matu 21–28). Āinwōt Rilo̧mo̧o̧r eaar kanaane, Jerusalem kar ko̧kkure ejjab etto ālikin mej eo An (JS—Matu 1:3–20). Naaj kōm̧m̧alijar ņae Jerusalem ilo raan ko āliktata (Eze. 38–39; Joel 2–3; Rev. 11; 16). Rilo̧mo̧o̧r enaaj waļo̧ktok ijin āinwōt juon m̧ōttan Itok eo An Kein Karuo (Zek. 12–14; K&B 45:48–53). (Lale UTJ Jerusalem; Selem.)