6. Jikin Ebatbate ilo Judia

Jikin ebatbate ilo Judia enan̄in 56 kilomita aetokan im 27 kilomita depakpak in. Enan̄in aolepān bwidej in edekāke im pen kalbwini. Bat kein em̧ōj an kom̧laļ ruprupi im ie bwidej eo ebwe an em̧m̧an an le. RiIsrael ro m̧oktata rekar jokwe ilo bat kein, im kōjerbali n̄an likōpejn̄ak ņae rijum̧ae ro aer.

Men Ko Reļļap: Irooj eaar kallim̧uri āniin n̄an Ebream im ineen (Jen. 13:14–18; 17:8). Sera im Ebream rekar kallib ijin ilo ron̄ eo ilo Makpila, ilo Hibron (Jen. 23:19; 25:9). Devid eaar bōke Jerusalem jān riJibus (2 Sam. 5:4–9). Elōn̄ļo̧k men ko ilo Kallim̧ur Em̧or rej jeje ke rekar bōk jikier ilo bat kein jān ilo bar ijoko bar jet.