21. Kom̧laļ Jezriel

Erreļo̧k n̄an turōkturilik jān jeban Toļ Tabor n̄an jidikin Kom̧laļ Jezriel, bar āt eo juon jelā kake ej Meļaaj in Esdraelon. Men̄e Kom̧laļ Jezriel ekkā ļōmņak kake ke ej juon kom̧laļ eļap, lukkuun m̧ool eo ej bwijin in kom̧laļ ko rej kakobaik Meļaaj in Akko ippān Kom̧laļ in Jordan im Lom̧aļo in Galili im peļaakin. Kom̧laļ in Megido, n̄an waanjon̄ok, ej pād ilo turilik in kom̧laļ in. Kom̧laļ Jezriel ej lukkuun iaļ eo n̄an kijoone Āne Ekwōjarjar ikōtaan Lo̧jet Mediterranean n̄an rilik im Kom̧laļ in Jordan n̄an rear.

Men Ko Reļļap: Iaļ eo eļap ej kobaik Ijipt im Mesopotemia ej deblo̧ke kom̧laļ in, im elōn̄ tariņae ko rekar bōk jikier ijin (Ekaj. 1:22–27; 5:19; 2 Kiin̄ 23:29–30). Poktak eo eļap ilo āniin ej ijjino ippān pata in Armagedon, eo enaaj kōm̧m̧an im̧aanin wōt Itok eo Kein Karuo an Rilo̧mo̧o̧r; ej bōk etan jān Har Megidon, ak Toļ in Megido (Eze. 38; Joel 3:9–14; Zek. 14:2–5; Rev. 16:14–16).