1 Boyoka mpe botiela litoyi na oyo, O ndako ya Yakobo, baye babiangami na nkombo ya Yisalaele, mpe babimi uta na mai ya Yuda, to mpe uta na mai ya libatisi, baye bazali kokata ndai na nkombo ya Nkolo, mpe bazali kotanga nkombo ya Nzambe ya Yisalaele, nzokande bazali kokata ndai na bosolo te, mpe na bosembote.

2 Kasi, bamibiangi bato ya engumba esantu, kasi bazali kotalela Nzambe ya Yisalaele te, oyo azali Nkolo na Bibele; iyo, Nkolo na Bibele ezali nkombo na ye.

3 Tala, nayebisaki makambo ya kala uta na ebandeli; mpe ebimaki uta na monoko na ngai, mpe nalakisaki yango. Nalakisaki bango na mbalakaka.

4 Mpe nasalaki yango mpo nayebaki ete bozali matoyi mangongi, mpe nkingo na bino ezali mosisa ya ebende, mpe elongi na yo ya motako;

5 Mpe kutu nayebisaki yo uta na ebandeli; yambo esalema nalakisaki yo yango; mpe nalakisaki yango mpo na kobanga mbele okoloba—Nzambe na ngai ya ekeko nde esalaki yango, mpe elili ekatama ya ngai, mpe elili eniangwama ya ngai nde etindi yango.

6 Omonaki mpe oyokaki nyonso oyo; mpe ekosakola yo yango te? Mpe ete nalakisaki yo makambo ya sika uta na ntango oyo, kutu makambo oyo ebombama, mpe oyebaki yango te.

7 Makambo makelami sikawa, mpe te uta na ebandeli, kutu yambo ya mokolo oyo oyokaki yango te ete masakolamaki epayi na yo, mbele oloba—Tala nayebaki yango.

8 Iyo, mpe oyokaki te; iyo, oyebaki te; iyo, uta na ntango wana litoyi na yo efungwamaki te; mpo nayebaki ete yo okozala yauli mpenza, mpe ete obiangamaki mobuki mitindo uta na libumu.

9 Nzokande, mpo na ntina ya nkombo na ngai nakozongisa nkanda na ngai nsima, mpe mpo na bosanzoli na ngai nakomipekisa na yo, ete nasasa yo te.

10 Mpo, tala, napetolaki yo, naponaki yo na litumbu ya mitungisi.

11 Mpo na ntina na ngai moko, iyo, mpo na ntina na ngai moko nakosala oyo, mpo ete nakopesa te nzela ete nkombo na ngai esantolama, mpe nakopesa nkembo na ngai na mosusu te.

12 Yokela ngai, O Yakobo, mpe Yisalaele mobiangami na ngai, mpo nazali ye; nazali ya yambo, mpe nazali lisusu ya nsuka.

13 Loboko na ngai elalisaki moboko ya mabele, mpe loboko na ngai ya mobali etandolaki lola. Nabiangi bango, mpe batelemi elongo.

14 Bino nyonso, bosangana bino moko, mpe boyoka; nani na kati na bango ayebisaki makambo oyo epayi na bango? Nkolo alingaki ye; iyo, mpe akokokisa liloba oyo ayebisaki na nzela na bango; mpe kosala bolingi na ye likolo ya Babiloni, mpe loboko na ye ekoya likolo ya Bakaladi.

15 Lisusu, elobi Nkolo; ngai Nkolo, iyo, nalobaki; iyo, nabiangaki ye mpo na kosakola, namemaki ye, mpe akobongisa nzela na ye malamu.

16 Boya penepene na ngai; nalobi na nkuku te; uta na ebandeli, uta na ntango oyo eyebisamaki nde nalobaki; mpe Nkolo Nzambe, mpe Molimo na ye, motindaki ngai.

17 Mpe boye elobi Nkolo, Mosikoli na yo, Moko Mosantu ya Yisalaele; natindaki ye, Nkolo Nzambe na yo oyo ateyaka yo mpo na litomba, oyo akambaka yo na nzela osengeli kokende, asalaki yango.

18 O soki oyokaka mitindo na ngai—nde kimia na yo elingaki kozala lokola ebale, mpe bosembo na yo lokola mbonge ya mbu.

19 Nkona na yo lisusu elingaki kozala lokola zelo; eboto ya nsopo na yo lokola mozelo na yango; nkombo na ye ekokaki te kokatama mosika soki te kobebisama uta na liboso na ngai.

20 Kende mosika na Babiloni, kima uta na Bakaladi, na mongongo ya koyembaka yebisa, loba oyo, sangela kino na nsuka ya mabele; loba: Nkolo asikoli mosali na ye Yakobo.

21 Mpe bayokaki mposa ya mai te; akambaki bango na katikati ya esobe; asalaki mai masopana uta na libanga mpo na bango; apasolaki libanga lisusu mpe mai ebimaki.

22 Mpe ata asalaki makambo oyo nyonso, mpe minene mosusu, kimia ezali te, elobi Nkolo, epayi ya bato ya nkuna.