1 Ia oqo, koi au, ko Nifai, au na sega ni solia na itukutuku ni kawa i tamaqu ena iwase ni noqu itukutuku oqo; ka’u na sega vakadua ni vola ena peleti au volavola tiko kina oqo; ka ni sa tu ena itukutuku ka a maroroya tu mai ko tamaqu; o koya, au sa sega ni vola kina ena ivola oqo.

2 Ni sa rauta ga me’u tukuna ni keimami sa kawa i Josefa.

3 Ka sa sega kina ni dua na ka vei au me’u solia taucoko na itukutuku kece ni veika e baleti tamaqu, ni ra sa sega ni rawa ni na volai ena peleti oqo, ni’u sa gadreva me galala e dua na tikina me’u vola kina na veika ni Kalou.

4 Ni sa inaki taucoko ni lomaqu me’u vakamasuti ira na tamata me ra lako mai vua na Kalou i Eparaama, kei na Kalou i Aisake, kei na Kalou i Jekope, me ra vakabulai.

5 O koya, au sa sega kina ni vola na veika me lomavinaka kina ko vuravura, ia na veika ga me lomavinaka kina na Kalou kei ira era sa sega ni vakavuravura.

6 O koya, au na solia kina na ivakaro vei ira na noqu kawa, me ra kakua ni vakalewena na vei peleti oqo ena veika sa sega na kena yaga vei ira na luve ni tamata.