1 Ac ma inge kwewa pahpah tuhmuhk el tuh liye, ac lohng, ac fahk, ke el muhta ke lohm nuknuk, ke infahlfahl Lemuel, ac oacyacpac ma pucspucs yohk sahyac, ma tiacna kuh in sihmihsyucklac fin plwet inge.

2 Ac inge, ke nga sramsramkihn plwet inge, liye tiac pa plwet ma nga oraclah sramsram fohnlah ke sramsram mahtuh luhn mwet luhk; tuh plwet ma nga oraclah sramsram fohnlah ke mwet luhk suc nga sang ine Nephi; ohinge, pahngpahng plwet lal Nephi, in us inek; ac plwet inge oacyacpac pahngpahng plwet lal Nephi.

3 Ne ohinge, nga eis sie masap luhn Leum tuh nga enenuh in oraclah plwet inge, nuh ke srihpac sacohk tuh enenuh in oasr sie sramsram tuhtahflah ke orekma luhn mwet luhk.

4 Fin plwet sahyac enenuh in tafleyucklac sie sramsram ke kolyuck luhn tohkohsrah, ac mweun ac lokoalok luhn mwet luhk; ohinge plwet inge ma nuh ke ip yohk ke orekma; ac plwet sahyac uh ma nuh ke ip yohk luhn kolyuck luhn tohkohsrah ac ke mweun ac lokoalok luhn mwet luhk.

5 Ohinge, Leum El sapkihn nuh sihk in oraclah plwet inge nuh ke sie srihpac lahlmwetmwet in El, tuh srihpac uh nga tiac etuh kac.

6 Tuhsruhk Leum El etuh ma nuhkwewa e ke na muhtwacwacackiyac ah; ohinge, El ahkolah sie inkacnek in oraclah orekma nuhkwewa Lal inmahsrlon tuhlihk nuhtin mwet; tuh liye, kuh nuhkwewa oasr Yohrohl in ahkpwacyeiye kahs Lal nuhkwewa. Ac oreklac ohinge. Amen.