1 Á þeim degi skaltu segja: Ég vegsama þig, ó Drottinn, því að þótt þú værir mér reiður, þá er þó horfin reiði þín, og þú huggaðir mig.

2 Sjá, Guð er hjálpræði mitt: Ég er öruggur og hræðist hvergi, því að Drottinn Jehóva er styrkur minn og lofsöngur. Hann er einnig orðinn mér hjálpræði.

3 Og þér munuð með fögnuði vatni ausa úr lindum hjálpræðisins.

4 Og á þeim degi munuð þér segja: Lofið Drottin, ákallið nafn hans, gjörið máttarverk hans kunn meðal þjóðanna, hafið í minnum að nafn hans er upp hafið.

5 Lofsyngið Drottni, því að dásemdarverk hefur hann gjört. Þetta er kunnugt um alla jörðina.

6 Lát óma gleðihljóm og við kveða fagnaðarhróp, þú sem býrð á Síon, því að mikill er hinn heilagi Ísraels meðal þín.