1 Ia ena siga ko ya ko na kaya: Kemuni na Turaga, au na vakacaucautaki kemuni, e dina ko ni a cudruvi au ia sa qai gole tani na nomuni cudru, ka ko ni sa vakacegui au.

2 Raica, sa noqu vunibula na Kalou; au na vakararavi vua, ka sega ni rere; ni sa noqu vu ni kaukauwa ka noqu sere na Turaga ko Jiova, ka sa yaco talega me noqu vunibula.

3 O koya gona, dou na takiva na wai mai na mata-ni-wai ni veivakabulai ena reki.

4 Ia ena siga ko ya dou na qai kaya: Dou vakacaucautaka na Turaga, masuta na yacana, tukuna yani na nona cakacaka ena kedra maliwa na tamata, dou tukuna ni sa dokai sara na yacana.

5 Dou sere vua na Turaga; ni sa cakava na ka sa uasivi sara; sa kilai oqo e vuravura taucoko.

6 Dou qoqolou ka kaila na lewei Saioni; ni sa levu cake ena kemudou maliwa ko Koya na Yalo Savasava ni Isireli.