1 Kay tan-awa, ang adlaw moabot nga pagasunogon sama sa hudno; ug ang tanang mapagarbohon, oo, ug ang tanang nagbuhat og daotan, mahisama sa dagami; ug ang adlaw nga moabot mosunog kanila, miingon ang Ginoo sa mga Panon, nga kini dili magbilin kanila bisan gamot o sanga.

2 Apan kaninyo nga may kahadlok sa akong ngalan, ang Anak sa Pagkamatarong moabot uban sa pagpang-ayo diha sa iyang mga pako; ug kamo moadto ug motubo sama sa mga nati nga baka nga anaa sa kuwadra.

3 Ug kamo moyatak sa mga daotan; kay sila mahimong sama sa mga abo sa ilawom sa inyong mga tiil sa adlaw nga ako mohimo niini, miingon ang Ginoo sa mga Panon.

4 Hinumdomi ninyo ang balaod ni Moises, nga akong sulugoon, nga akong gisugo kaniya didto sa Horeb alang sa tibuok Israel, uban sa mga balaod ug mga paghukom.

5 Tan-awa, Akong ipadala kaninyo si Elijah ang propeta sa dili pa moabot ang mahinungdanon ug makalilisang nga adlaw sa Ginoo;

6 Ug siya mopabalik sa kasingkasing sa mga amahan ngadto sa mga anak, ug ang kasingkasing sa mga anak ngadto sa ilang mga amahan, basin unya og Ako moabot ug mohampak sa yuta pinaagi sa usa ka tunglo.