1 Patalinghog, O kamo nga mga Hentil, ug paminaw sa mga pulong ni Jesukristo, ang Anak sa buhi nga Dios, nga iyang gisugo kanako nga akong isulti kabahin kaninyo, kay, tan-awa siya misugo kanako nga ako mosulat, nga nag-ingon:

2 Biya, kamo tanang Hentil, gikan sa inyong daotan nga mga paagi; ug paghinulsol sa inyong daotan nga mga buhat, sa inyong mga pagpamakak ug mga pagpanglimbong, ug sa inyong pagbaligya sa dungog, ug sa inyong tinago nga mga pagkasalawayon, ug sa inyong mga dios-dios, ug sa inyong mga pagpatay, ug sa mga panapi sa pari, ug sa inyong mga kasina, ug sa inyong mga panagbangi, ug gikan sa inyong tanang pagkadaotan ug pagkasalawayon, ug duol ngari kanako, ug magpabunyag sa akong ngalan, nga kamo makadawat sa kapasayloan sa inyong mga sala, ug mapuno sa Espiritu Santo, nga kamo pagaiphon uban sa akong katawhan kinsa mga sakop sa balay ni Israel.