1 K’ehomaq eexik, ex aj Gentil, ut cherab’i li raatin li Jesukristo, Ralal li yo’yookil Dios, li kinixtaqla naq tinye cherix, xb’aan naq k’ehomaq reetal, kinixtaqla naq tintz’iib’aq, ut tinye:

2 Sutq’inqex chaq, chejunilex aj Gentil, chiru lee maa’us aj b’e, ut jalomaq eek’a’uxl chirix lee ink’a’ us aj b’aanuhom, chirix eetik’ti’om ut eeb’alaq’ihom, ut chirix li yumb’eetak ko’b’eetak, ut chirix lee muqmuukil tz’eqb’eetalil, ut li loq’onink pak’b’il dios, ut li kamsink, ut li tijok chi tojb’il, ut lee kaqalihom, ut li wech’ij-ib’, ut chirix chixjunil lee maa’usilal ut tz’eqb’eetalil, ut chalqex wik’in laa’in, ut chikub’eeq eeha’ sa’ lin k’ab’a’, re naq taaruuq teek’ul risinkil eemaak, ut texnujaq rik’in li Santil Musiq’ej, re naq taaruuq texk’ehe’q sa’ ajl rik’in intenamit li wankeb’ sa’ lix junkab’al laj Israel.