1 Менің сүйікті бауырларым, маған келуге рұқсат етілгендіктен, сондықтан мен сендерге өз тілімде жүгінуге тырысамын; иә, өз аузымнан, мен сендерге бірінші рет өз аузымнан сөйлеп тұрғанымды көрдім, мен сот отырысында толығымен отырғандықтан, көп істерім болғандықтан, сендерге келе алмадым.

2 Міне тіпті менің орныма билік ету үшін сот орны басқа біреуге берілмегенде, мен қазір келе алмас едім; ал Жаратқан Ие зор мейіріммен сендерге келуге мүмкіндік берді.

3 Ал міне мен сендердің Құдайдың алдында кішіпейілділік танытқандарыңды және оның рақымына жалбарынуды жалғастырғандарыңды, және мен сендердің оның алдында кінәсіз екендеріңді және біздің Зараһемладағы жан түршігерлік қиын жағдайда болған бауырларымыз сияқты болмағандарыңды көру үшін үлкен үмітпен келдім.

4 Бірақ Құдайдың есімі мадақталсын, ол маған білуге мүмкіндік берді, иә, олардың өзінің әділдігі жолында қайта бекітілгенін білу маған шексіз зор қуаныш сыйлады.

5 Міне мен ішімдегі Құдай Рухына сай, мен де сендер үшін қуанышқа бөленетініне сенемін; соған қарамастан, мен Зараһемладағы бауырлар үшін болған соншама қасірет пен қайғының себебінен сендерге деген қуанышымның келуін қаламаймын, өйткені міне, менің қуанышым көптеген қасірет пен қайғыдан өткеннен кейін келеді.

6 Бірақ міне мен сендердің бауырларың сияқты сенімсіздікте емессіңдер деп үміттенемін; жүректеріңдегі мақтанышпен көтерілмейтіндеріңе үміттенемін; иә, мен сендердің байлыққа және дүниенің бос нәрселеріне жүректерінді арнамағандарыңа үміттенемін; иә, сендер пұттарға емес, шынайы әрі тірі Құдайға ғибадат етесіңдер және алдағы мәңгілік сеніммен күнәларыңның кешірілуін күтудесіңдер деп үміттенемін.

7 Міне енді, мен сендерге айтамын, алда көп нәрсе күтіп тұр; ал міне, олардың бәрінен де маңыздырақ бір нәрсе бар – міне енді, Құтқарушы өмір сүріп, өз халқының арасына келетін уақыт алыс емес.

8 Біліп қойыңдар, мен оның өлімге тән шатырында болған кезде біздің арамызға келеді деп айтпаймын; өйткені, Рух маған бұлай болатынын айтқан жоқ. Енді бұл туралы мен білмеймін; бірақ мен мынаны білемін, Құдай Жаратқан Иенің өз сөзіне сай барлық нәрсені істеуге құдіреті бар.

9 Бірақ міне, Рух маған осыны айтып, былай деді: Осы халыққа былай деп жалбарын: Өкініп, Жаратқан Иенің жолын дайындаңдар және оның түзу жолдарымен жүріңдер; өйткені міне, көктегі патшалық таяп қалды және Құдай Ұлы жер бетіне келеді.

10 Міне, ол біздің ата‑бабаларымыздың жері болып табылатын Иерусалимде Мәриямнан туылады, ол пәк қыз, бағалы және таңдаулы ыдыс, ол көлеңкемен жабылып, Киелі Рухтың күшімен құрсақ көтеріп, ұл туады, иә, тіпті Құдайдың Ұлы.

11 Міне ол әр түрлі ауырсынулар мен азаптар және азғыруларға ұшырап; ал бұл оның өз халқының ауырсынулары мен дерттерін өз мойнына алатынын айтқан сөзінің орындалуы үшін шығады.

12 Міне ол өз халқын байлап тұрған өлім байламдарын бұзу үшін ол өлімді өзіне алады; және ол өзінің әлсіздіктерін өз мойнына алады, осылайша оның ішектері тәнге сай мейірімге толы болуы үшін, ол өз халқына әлсіздіктеріне қарай қалай көмектесу керектігін тәні бойынша білу үшін.

13 Енді Рух бәрін біледі; соған қарамастан Құдайдың Ұлы өз халқының күнәларын өз мойнына алу үшін және өзінің құтқару күші арқылы олардың қылмыстарын өшіру үшін тәні бойынша азап шегеді; ал енді міне, бұл мендегі куәлік.

14 Енді мен сендерге айтамын, сендер өкініп, қайта туылуларың керек; өйткені Рух айтады, егер қайта туылмасандар, көктегі патшалықты мұра ете алмайсыңдар; сондықтан күнәларыңнан тазарту үшін келіп, өкіну үшін су рәсімінен өтіңдер, осылайша дүниенің күнәларын алып тастайтын, құтқаруға және барлық әділетсіздіктен тазартуға құдіретті Құдайдың Тоқтысына сенулерің керек.

15 Иә, мен сендерге айтамын, келіңдер, қорықпаңдар және сені оңай мазалайтын, сені құртуға итермелейтін барлық күнәларды тастаңдар, иә, келіңдер де солай істеңдер, Құдайыңа күнәларыңа өкінуге дайын екендеріңді көрсетіңдер және оның өсиеттерін орындау үшін онымен келісім жасасып, рәсімі суына түсу арқылы бүгін оған куә болыңдар.

16 Міне кімде‑кім мұны істеп, Құдайдың өсиеттерін бұдан былай орындаса, ол менің оған айтқанымды есіне алады, иә, ол менің бойымдағы Киелі Рухтың куәлігі бойынша ол мәңгілік өмірге ие болады деп айтқанымды есіне алады.

17 Ал енді менің сүйікті бауырларым, осы сөздерге сенесіңдер ме? Ал енді, мен сендерге айтамын, иә, сендердің оларға сенетіндеріңді білемін; мен оларға сенетіндеріңді мендегі Рухтың көрінісі арқылы білемін. Ал енді сендердің сенімдерің мықты болғандықтан, иә, мен айтқан нәрселерге қатысты менің қуанышым зор.

18 Өйткені мен сендерге ең басынан айтқанымдай, мен сендердің бауырларың сияқты қиын жағдайда болмағандарыңды қалайтынмын, солай болса да менің тілектерім орындалғанын көрдім.

19 Мен сендердің әділдік жолында екендеріңді білемін; Мен сендердің Құдай Патшалығына апаратын жолда екендеріңді білемін; иә, мен оның жолдарын түзетіп жатқандарыңды білемін.

20 Оның қисық жолмен жүре алмайтыны оның сөзінің куәлігі арқылы саған мәлім болғанын білемін; сондай‑ақ ол өзінің айтқанынан таймайды; және оның оңнан солға немесе оңнан бұрысқа қарай ауытқудың көлеңкесі жоқ; сондықтан оның жолы бір мәңгілік айналым.

21 Міне ол қасиетсіз ғибадатханаларда тұрмайды; Құдай Патшалығына ластық та, таза емес те қабылданбайды; сондықтан мен сендерге айтамын, иә, және ол соңғы күні, кім лас болса, өз ластығында қалады.

22 Ал енді сүйікті бауырларым, мен мұның бәрін сендерге Құдай алдындағы борыштарыңды ояту үшін, оның алдында мінсіз жүрулерің үшін және өздеріңді қабылдаған Құдайдың киелі тәртібін ұстануларың үшін айттым.

23 Ал енді мен кішіпейіл, мойынсұнғыш және мейірімді болғандарыңды; өтінуге оңай; шыдамдылық пен төзімділікке толы; барлық нәрседе сабырлы болуларыңды; әр уақытта Құдайдың өсиеттерін орындауға ынталануларыңды; рухани және материалдық мұқтаждықта кез келген нәрсені сұрауларыңды; сендер алған нәрселерің үшін әрқашан Құдайға алғыс айтқандарыңды қалаймын.

24 Сондай‑ақ сендердің сенімдерің, үміттерің және қайырымдылықтарың болсын, және сонда әрқашан игі істерде мол боласыңдар.

25 Міне Жаратқан Ие сендерге батасын берсін, киімдерің былғанбасын, сонда ақырында сендер Ыбырайыммен, Ысқақпен, Жақыппен және дүние жаратылғаннан бері болған киелі пайғамбарлармен бірге отыратын боласыңдар, тіпті олардың киімдері мінсіз, көктегі патшалығында енді ешқайда шықпайды.

26 Ал енді сүйікті бауырларым, мен сендерге бұл сөздерді ішімде куәлік ететін Рухқа сай айттым; және сөзімді тыңдағандарың мен асқан ынталарың үшін жаным қатты қуанады.

27 Ал енді, сендердің сенімдерің мен игі істеріңнің арқасында сендерге, үйлеріңе және жерлеріңе, және отарларың мен табындарыңа және барлық иеліктеріңе, әйелдерің мен балаларыңа осы уақыттан бастап мәңгілікке Құдайдың тыныштығы болсын. Міне осылайша мен айттым. Әумин.