Aj Uʼj Te Mormón

Cyjaʼtz, a jun storya juʼnan maj te tnam te Nefi, icytzaʼn cyeke xjal lamanitas. Tzʼibʼan maj cyeke xjal lamanitas que akejo nimca cybaj tuj ja te Israel, ax icx cyeke judiy ix cyeke xjal nyaʼ teʼ ja te Israel. Tzʼibʼan maj tuʼn toʼnbʼil mandamyent ix tuʼn toʼnbʼil xewbʼaj jaca ku pom tiʼj, ix tuʼn toʼnbʼil tilbilal. Tzʼibʼan maj ix otxʼoʼn, ix eʼwanke, tuʼn tocnen te Kman Dios, tuʼntzan miʼn tcuʼtil. Cbel yecʼan tuʼn oyaj ix tuʼn tipumal Dios tuʼntzan tel knicʼ tijʼ. Otxʼoʼn tuʼn Moroni, ix eʼwan tuʼn cyocnen te Kajaw tuʼntzan cycub te ja te Israel yecʼan tuʼn cyocnen cyuʼnke xjal nyaʼ judiy ke ix tuʼn tel knicʼ tiʼj tuʼn tipumal Dios.

Icx jun storya juʼnan maj tzajna tiʼj tuʼjil Eter, atzan jun ax t-xilen teʼj tnam te Jared, ajke bʼaj tsipan, tej tcuʼ ttzacjʼan Kajaw ke cyyobl tnam, atzan tiemp tej nchi binchan jun ja maʼxix twaʼl tuʼn cypon tuj cyaj. Atzan jun tocnen te yecʼbil cywitzke txkantl teʼ tuj tja Israel maʼxixke cosas obʼant tun Kajaw cyeke cyman; ix tuʼn tel cynicʼ cyiʼjke bann tiʼj tuʼn, que nyaʼ te ja te Israel ke cheʼlx xoʼn te jumajx. Ix tuʼn tcuʼ cyiʼjke xjal judiy ix cyiʼjke nyaʼ Israel, que Jesus a aj Cristo aj Dios ntiʼx tnajil te jumajx, aj ntyecʼa tib cyeke cyakil nasyon — Ix jaʼlo, ka atke tpalt, atzan jun tzʼapetna cyuʼn ke xinak; cyjaʼtzan, min txi tkʼoʼna cypajke cosas te Dios tuʼntzan ntiʼx ẍwoj tiʼja oc tpona tuj t-xtisbʼil Cristo.