Chʼin Nabʼil
Aj Uʼj Te Mormón

Tuj tajlal t-xak Aj Uʼj te Mormón, ntmaʼn cyiʼjke ox wik tbʼanal cʼuxl, tuʼn tel knicyʼ cyiʼj:

1. Ajke tbʼanal cʼuxl te Nefi, ajke ntmaʼn uʼj, oʼcx te caba wikke: (a) ke nimak cʼuxl (b) ke chʼin tbanal cʼuxl. Atzanke nimak cʼuxl cyxilen storya juʼnan maj ntyoʼla cyiʼj cyankʼibʼil ke tnam aj nchi nʼan tiʼj, ix atzanke jluʼ oʼcx tcuʼxke storya chmoʼn maj bix xjanxix cyuj.

2. Ajkeʼ tbʼanal cʼuxl te Mormón, aj oʼcxix nim tocnen tcuʼx tuj, banamaj tuʼn Mormón, cyiʼjke tbʼanal cʼuxl te Nefi, junx tcuʼx cyucʼxkeʼ txkan yolbil baj tiʼj ix aj txkantl storya chmoʼn maj tuʼnx, ix caʼjlke tyoʼlbʼil Moroni, tcʼwaʼl Mormón.

3. Aj sleʼw cʼuxl te Eter, nytolan storya cyiʼj xjal Jareditas. Moroni oʼcx xiʼ tmaʼn aj oʼcxix tajblen, cuʼx tkʼoʼn tex tyoʼlbil ix cuʼx tkʼoʼn tuʼj storya cyakilx tucʼ tbʼi, Aj Uʼj te Eter.

   Cyiʼjke jluʼ jaca tzʼoc kʼot juntl cʼloʼj tbanal cʼuxl, aj pur ocxix tiʼj t-xilen Uʼj te Mormón, tuʼn kpon tiʼj:

4. Ajkeʼ brons cʼuxl te Laban, aj tzaj cyiʼn t-xjal Lehi tuj Jerusalén, ajkeʼ tcuʼx xjanxix storya tuj ix cyxilenke xjal Hebreos. Cyuj storya cye Nefitas jaca canet nimca yolbʼil tzajna cyiʼj.

Aj Uʼj te Mormón bʼanin te olaj pixn nimxix tajblan, tocsan cybiʼ, junx tel tpan tiʼjke uʼj, teylax te juʼn toc cybiʼke binchalte tiʼj. Cyiʼjkeʼ jluʼ, ke kak tnejal uʼj, Tnejal Nefi, Tcaban Nefi, Jacob, Enós, Jarom ix Omni, atzankeʼ tjatztzan tuj juntl yolbʼil tiʼj cyxilenke chʼin tbanal cʼuxl te Nefi. Cyxolke Uʼj te Omni, ix Mosíah cycuʼxke Tyol Mormón, aj ax storya tiʼj ntjunan te Nefi aj cuʼ tzʼiban cywitzke chʼin tbʼanal cʼuxl cyucʼxke oʼcx maʼxix cyxilen aj bʼant tuʼn Mormón cyiʼjke nimak tbʼanal cʼuxl, aj ntmaʼn tiʼj ke tyemp lepchix ntmaʼn jluʼ. Ajkeʼ Tyol Mormón ntmaʼn jun kʼmabʼil cyiʼjke tnejal cʼloj storya chmoʼn maj ictzaʼn jun tnejal kʼmaʼbʼil cyiʼjke tuj piẍn chuʼl.

Aj tnimal t-xilen uʼj, tzajna tiʼj Mosiah ix ponn tiʼj capítulo 7 te Mormón, atzan tjatzlen tuj juntl yolbil oʼcx aj maxix tocnen jatz tiʼn Mormón cyiʼjke tbʼanal cʼuxl te Nefi. Aj mancbʼil t-xilen Uʼj te Mormón, tzajna tiʼj capítulo 8 te Mormón ix mancbʼil tiʼj uʼj, takʼnben Moroni, tcʼwaʼl Mormón aj tnejal maj cuʼ bʼaj storya tiʼj tankʼibl tman, entons jatz tiʼn oʼcx aj nimxix tocnen t-xilen storya cyiʼj Jaredita, aj toctzan tbʼi aj Uʼj te Eter. Yajxatzan, ax oc tmojbʼaʼn aj t-xilen nnʼoc kqueʼyan tiʼj, Uʼj te Moroni.

Aj yoʼlbʼil tcubsaʼn cyujkeʼ storya tuj Aj Uʼj te Mormón, tzajna tiʼj 600 abʼkʼixa naʼntok tul Crist ix 421 tucʼ tulen Crist. Tujla tajlal xjaw luʼ, Moroni, aj maʼncbʼil cyxolkeʼ ojtxa storya cye Nefitas oc t-otxʼoʼnke xjanxix storya ix xiʼ tewn tuʼn tocnen tuʼn tuʼntzan cyul let cyuj maʼncbʼil kʼij icx tzaʼnx otok tmaʼ Dios tuʼn cytziʼke ojtxa profetas. Tuj abʼkʼi 1827 tuj kkʼijl jaʼlo, ax Moroni, tons jun xjal itzʼnaj juntl maj, xiʼ tkʼoʼn te José Smith, keʼ sleʼw cʼuxl tzʼibʼan maj twitz.