Aj Uʼj Te Enós

1. Lutzan luʼ we kin, Enós, baʼn wuʼne que nmane oc te jun xinak purxix tuj xtis ten: Pues incuʼ t-xnakʼtzaʼn tuj tyolbl ix tiʼ kximbatz ix tiʼj ocslabl tiʼj Kajaw, ix cyeʼyex tbi Dios tiʼj.

2. Ix cxeʼl nmaʼne tiʼj lucha baj wuʼne twitz Dios, aj naʼntok ticʼ wiʼna najsbil ke wila.

3. Lutzan luʼ, ineʼxa caʼmbal tjakʼ cʼul; ix ajke yol cocʼ nbiya tiʼj nmane tiʼj ankʼibl te jumajx; ix cytzaljibl ke santos ijoʼcx tuj wanmya wena.

4. Ix tzaj weʼyaj tiʼ wanmya; ix incuʼ ẍmejeʼya twitz Binchalte weye, aj xi nmaʼne tuʼn cyakil ncʼuʼje te Dios ix xmejlubl tej tex wanmya; ix xi nmaʼne te tuj cyakil kʼij ictzun, ix tej toc klolj cucx tjaw nwiʼya tajxa tpon tuj cyaʼj.

5. Ix sul jun tkʼajl wiʼja, que tzaj tmaʼn cyjaʼw: Enós, ke tila cxeʼl najsat, ix cxeʼl cʼiwlete.

6. Ix we kin Enós, baʼn wuʼne que ntiʼ tuʼn t-xi tnicʼn Dios; cyjaʼtzun, i kʼuchjke wile.

7. Ix xi nmaʼne: Tat, ¿tzaʼn ma bant jluʼ?

8. Ix tzaj ttzakʼweʼn: Tuʼnju tocslabla tiʼj Cristo, aj naʼnx toc tbiʼna ix naʼx toc tqueʼyna. Ix cbajel nim abkʼi naʼntok ttzaj tyecʼan tib tchibjal; cyjaʼtzun queyintze, que tuʼn tocslable maʼ clete.

9. Bajtzan que tej nbinteye aj yol luʼ, oc ten ncʼuje cyiʼj ke wermaniye nefitas; cyjatzun xi ncubsani Dios tuʼn cyakil ncʼuje cyiʼj.

10. Ix ntok chin labte tuj wanmiye lutzan luʼ cann twiʼ Kajaw juntl maj tiʼ wanmye, cyjaʼ: Chin pola bitzalcye termaniye según tzaʼn cyocslabl tiʼj tuʼn txi cycʼuʼnke nmandamyent. Ma txi nkʼoʼnaj tnam luʼ cye, que atzan jun txʼotxʼ sant ix miʼn txiʼ ncyʼiwlaʼne tuj tnachl sino nok tuʼn cyplojl, cyjaʼtzun, chin pola bitzal cye termaniye, según aj cjel nmaʼne ix ajke cyil cbeltz nkʼoʼne tucʼ cʼixcʼaj tibjx cywiʼ.

11. Tbajlentzn nbiʼna ke yol luʼ, keʼ jun wocslabla aj ntiʼx tuʼn tel tiʼj Kajaw ix xi nkaʼnna nim tuj cyiʼjke wermaniye, ke lamanitas.

12. Ix baj luʼ tej tbajlen nkann ix tbajlen nnana Dios tuʼn cyakil wocslabla, tzaj tmaʼn Kajaw weya: Tuʼn tocslabla, cxeʼl nkʼoʼna teya según tzaʼn tajbla.

13. Ix lutzan luʼ, atzun jluʼ wajbla te: Ka oc tcuʼ tzʼak ke xjal nefitas tuj cyil, ix tuj najl jun cyxilen, ix miʼn cyeke lamanitas, tiʼwt txi tcʼuʼn Kajaw aj storya te ntanmya, ke nefitas, ichj tucʼ tipumal sant tkʼab, tuʼntzun alcyex jun kʼij te yajxa cxeʼl kʼot cyeke Lamanitas, tuʼntzun balo jaca cheʼx kʼiʼn tuj colbil;

14. Porque matzun jaʼlo ke kipumale tuʼn cyul juntl maj tuj axix toc ocslabl nok gana. Ix otxi cymaʼn tuʼn cykʼoj, ka jaca bant cyuʼn, cbel cykʼuchen ajke storya ix tucʼx koʼ, ix cyakil aj costumbre te cyankʼible kman.

15. Cyjaʼtzun, biʼntok wuʼne que aj Kajaw Dios jaca txiʼ tcʼuʼnke storya, cocʼ xiʼ nkaʼnna, pues otk tzaj tmaʼn weya: Aʼlx cosa tzaj tkanna weya tuʼn tocslabla, ix cxel t-xiʼmane que ctikʼale tuj tbi Cristo, oc ctikʼale tucʼla.

16. Ix at weye wocslabl, ix xi nkaʼnn te Kajaw tuʼn txiʼ tcʼuʼnke storya, ix bant tiʼj jun tyol tuʼn wucʼle que cxeʼl tkʼon cyeke lamanitas tuj ax tyemp.

17. Ix we kin Enos, baʼn wuʼne que cbantel según aj tzaj ttziʼyn; cyjaʼtzun, txubtxaj cyaj wanmya.

18. Ix tzaj tmaʼn Kajaw weye; Axju tzaj cykaʼnn tmana, ix cxeʼl kʼot cye según cyocslabl, porque icx tzaʼn teya.

19. Ix bajtzun jluʼ, we kin Enós, inbeta cyxolke tnam te Nefi, nchin kʼona tkanil ke cosas chʼixtok cyul ix nchin kʼona tkanil tiʼj aj otok nbiya ix otok wila.

20. Ix cxeʼl nmaʼne, que ajke tnam te Nefi nimx baj cye tuʼn tocxix cyocslabl lamanitas tiʼj Dios. Pero nokx gann jun kipumala, pwes aj cykʼoj milaytak kʼuchj, ix xiʼ cykʼon cyib tuju ploj cyxilen, ijoʼc te txʼuʼj, ix byol xjal, nejna cyximbatz tiʼjke tilbilal ix ẍwoʼj, nojne cycʼuʼj nok cyuʼnke jil choʼl cyucʼl, ix najlke tuj cyja mant nokx nchi waʼysn tuj desyert, tucʼ jun cʼitz tzʼuʼm toc tiʼj tzumal cyiʼj, ix matzoʼn txaʼn cywiʼ; ix aj cynabl nok tiʼj arc, cimitarra ix tiʼj cʼuxltaʼ. Nimcake oʼcx ichoʼn tiʼj chaʼx chibj; ix cocʼx maj cyajbe tuʼn kcuʼ biyoʼne cyuʼn.

21. Ix bajtzun que ajke tnam te Nefi oc cyawaʼn txʼotxʼ, ix jaw nim clase twitz awal cʼux ix lobj; iten txkan wacẍ ix nim clase te almaj, ix ke chip, ix txʼuʼj chip, ax icx nimcake chej.

22. Ix iten nim profetas kxola; ixke xjal txʼuʼj cywiʼ ix cyiw ximbatz.

23. Ix oʼcx ke cyyol xix, pacbabl ix tkanil tiʼj kʼoj, xcyakbil ix tuʼn tbaj tilpaj, cocʼx nnuʼl tiʼ cycʼuʼj tiʼj cycyiml, aj nim tuʼn tten te jumajx, ke jwisyo, aj tipumal Dios ix cyakilke cosas luʼ, cocʼx nchoʼc ẍticʼn tuʼntzun tten cyxoblal tiʼj Kajaw, nchiya que oʼcxke cosas luʼ ix nimcake clarxix yol ncyajbeʼn tuʼn miʼn juratxix cycuʼ tzʼak tuj najl. Ix cyjaʼtzn tten ncuʼ ntzʼibna cyiʼj.

24. Ix wila kʼoj cyxol nefitas ix lamanitas cyuj nkʼijlale.

25. Ix bajtzen que keʼ intijna; ix otok baj jun cient tucʼ setentinueve abʼkʼi atxix tetz kmana Lehi tuj Jersalén.

26. Ix wila que chʼixtok tuʼn ncuʼxa tjakʼ jul; ix otok chin tzaj onn tuʼn tipumal Dios cyeke xjal ix tuʼn txi nmaʼna yol aj axix toc txilen tiʼj Cristo, obant wuʼne cyuj cyakil nkʼija, ix tiʼju ma keʼ ncʼuʼja mas que ictzun aj tiʼj txʼotxʼ.

27. Ix chʼix tuʼn nxiʼya tuj lugar te wajlable, aj at tucʼ Colil weya, porque baʼn wuʼne que tiʼj cycanetl wajlable. Ix nchin tzalja tiʼj kʼij que aj weye c-ocl te milayx tuʼn tnaj jumajx, ix chin tela twitz; ntons c-ocl nqueʼyna twitz tuj ntzaljibl, ix atzun te tzul tmaʼn: Tzaja wiʼja, aya aj cyeʼyexa; at jun lugar banmaj tten te teya tuj tnajbl nMane. Icxtenju.