1. Ix wekin Nefi, milay cuʼbaj ntzʼibna cyakil aj ma cuʼ yecʼn tuj ntanmya; ix nyaʼ nim wipumala tuʼn ntzʼibna twitzj wipmale tuʼn nyoline; porque oc tyolin xjal tuʼn tipumal Xewbaj Sant, aj tipumal Xewbaj Sant nxiʼ tiʼn tuj cyanma ke cycʼwalke xinak.

2. Per lutzan luʼ, nimcake ncuʼ cycyiwsaʼn cyanma tiʼj Xewbaj Sant cyjaʼtzn milaj tzʼocx cyiʼj, cyjaʼtzun nnel cyicʼn aj ocuʼ tzʼibt, ix nnoʼc cykʼoʼn te ntiʼx tipumal.

3. We kin, Nefi, ocuʼ ntzʼibna aj ocuʼ ntzʼbna; ix nim tajblen tuj nxiʼmtza, pyorxix ntanmiye. Porque cocʼx nchin nana Dios cyiʼj oc tex kʼij, ix nnacʼj nxwiʼya kunicʼn tuʼn tʼal nwitza nok tuʼn cylaj; ix nxi nkannxix te Dios tuʼn wocslabla, ix baʼn wuʼna cxeʼl tbʼiʼn nyola.

4. Ix baʼn wuʼne, que Kajaw Dios ctzajal tcyʼiwlaʼn te jun ajke n-orasyone. Ix ajke yol ochi cuʼ ntzʼibna tucʼ cheba c-ocl te cyiwxix te cye; pues c-ocl il cyiʼj tuʼn tbant baʼn cyuʼn, nxiʼ kʼamaʼn cye tiʼj cyman ix nchi yoln tiʼj Jesucristo, ix nchi txquet tuʼn txi cyocslaʼn tij ix tuʼn cyocxix te baʼn ocxa tbaj twiʼylal, que aju ankʼibl te jumajx.

5. Ix cyiwxix nchi yoln tiʼj il, según aj tspicʼmal aj ax toc, cyjaʼtzun, mijunx cjawl kʼojl cyuʼnke yol ochi cuʼ ntzʼibana, sino que oʼcxa jun icju tiʼj xewbaj te diabl.

6. Nim nchin tzalja tiʼj clariyil nchin tzalaj tiʼj ax toc; nchin tzalja tiʼj Jesus, porque otzaj tcolin tiʼj wanmya tuj impyerna.

7. At nxtalbile cyucʼke ntanmiye, ix nim wocslable tiʼj Cristo que oc npona tuj t-xtisbl chi canetl nim anma wuʼne que ntiʼx ẍwoʼj cyiʼj.

8. At nxtalbile cyiʼj judiy xjal: Nxi nkʼamaʼna judiy porque a nchin yoline cyiʼjke aj tzajna kina cyiʼj.

9. Ax at nxtalbile cyiʼjke xjal miyaʼ teʼ tuj ja te Israel. Mas lutzan luʼ que cyiʼjke jluʼ mijunx jun jaca keʼ ncʼuʼja tiʼj, oʼcxtzale ka ma txi tniʼman tiʼj Cristo ix c-ocx tuj tlamel ja chʼin tuj, ix lepchoʼcx tiʼj jikn be aj nejna twitz tankʼibl, ix lepchoʼc tiʼj be ocxa tbaj tkʼijlal tcyiml tankʼibl.

10. Ix jaʼlo, akiye wermaniye wajbile cyiʼje ix ax icx keʼy judiy ixke iteʼ ttxaʼn txʼotxʼ, cybinxake yol luʼ ix cyocslanxe tiʼj Cristo; ix ka min ma txi cyocslaʼne cyiʼjke yol luʼ, cyocslanxe tiʼj Cristo. Ix ka ma txi cyocslaʼne tiʼj Cristo, cxeʼl cyocslaʼne cyiʼjke yol luʼ, porque te Cristoju, ix tuʼn ochi tzaj tkʼoʼn wey; ix nxnakʼtzan cyiʼj cyakilke xjal tuʼn tbant cybinchben tbanel.

11. Ix katzun nyaʼ yol ke te Cristo, chi xtisna tiʼj; porque cyujke mancbl kʼij tzul tmaʼn Cristo cyeya tuʼn tipumal ix txkan tzaljibl que teke tyol; ix c-ocl kqueʼyn kwitz tuj txtisbl, akeya ix kina, ix baʼn cyuʼna que a otzaj mandarante weya tuʼn tcuʼ ntzʼibnake cosas luʼ, ntiwtla wipumala.

12. Ix cxeʼl nkaʼnna te Mambaj tuj tbi Cristo que nimca koʼ banwtle nyaʼ kcyakil ko coletel tuj tcubil tuj aj maʼxix ix mancbl kʼij.

13. Ix jaʼlo, akiye wermaniye wajbila cyiʼje, cyakil ajke teʼ tuj ja te Israel, ix cyakilkeya, akiye teʼ txaʼmpan txʼotxʼ, nchin yolna ictzan jun ntzaj kʼajt tuj kuk: Kina, asta ocxa tul cananj maʼxix tkʼijlal.

14. Ix cyeya, aj cycʼiʼ chi onan tiʼj t-xtalbl Dios, mix tuʼn tocx cyxoʼna cyyol judiy xjal, mixke nyola, mixke yol cheʼls tuj ttziʼ tNel Dios, lutzan luʼ, chi cjel ncaʼwena te jumajx. Porque aj ke yol luʼ chocla tuj cʼixcʼej cyiʼja tuj mancbl kʼij.

15. Pues aj nnoʼc wotxʼoni twitz txʼotxʼ cxeʼl yecʼat cyeya tuj t-xtisbl jwisyo; porque ictzun tten ntzaj tmaʼn Kajaw, ix coʼcx nxoʼna. Icxtenju.