1. Jaʼlo, wermanakiye, cyeye jaw nschʼina ke cosas luʼ tuʼn tten tuj cynabla tiʼjke bant tiʼj tuʼn Kajaw tucʼ cyakil ja te Israel.

2. Otxi tmaʼn cyeke Judiy tuʼn cytziʼke sant profetas, atxix tuj tnejal ttzajlen keʼ, tuj wikn wik ankʼbil ocxa tpon tiemp tuʼn cyoc junat juntl maj te acʼaj tuj aj axix toc iglesia ix tpeʼn Dios, que oc cybaj chmet tuj tnam cycotz, ix oc cyxi txolbat tuj cyakil cytzʼotx tziʼynmaj.

3. Lutzan luʼ cxeʼl nmaʼne kej cosas luʼ, wermaniye nim wajbile cyiʼj, tuʼn cytzalaje ix tuʼn tjaw cyiʼn cywiʼya twitz cyaʼj te jumajx, tuʼn tlajke cyʼiwbil oc tzaj tkʼoʼn Dios cyibajke cycʼwaʼla.

4. Porque baʼn wuʼna que nimcake cyeya o chi studiarna cyiʼjke cosas te yajx; cyjaʼtzan, baʼn wuʼne que biʼn cyuʼne aj kchibjal il tij cbel naj ix; simbargo, c-ocl kqueʼyn Dios tuj kchibjal.

5. Ictzan, baʼn wuʼne que ax biʼn cyuʼna que cbel tyecʼn tib tuj tchibjal cywitzke xjal te Jerusalén, jatum oketz, porque ax baʼn tuʼn tten cyxol; pues baʼn tuʼn toc tkʼon tib aj Nmak Binchal te xinak tuj tchibjal ix tuʼn tcyim tuʼn cylaj cyakilke xjal, tuʼntzan cycyaj ten xinak tiʼj Kajaw.

6. Porque tzan otzicʼ camacy cyiʼj cyakilke xinak tuʼn tel twitz aj tajbil tbanil Nmak Binchal, ax ilx tiʼj jun tipumal tuʼn kjaw itzʼj juntl maj, ix aj tuʼn kjaw itzʼj juntl maj il tiʼj tuʼn tul tiʼ xinak tuʼn tlaj tcuʼlen tzʼak, ix aj tcuʼlen tzʼak tzajjo tuʼn tlaj aj tcuʼ kʼit tmij tley Kajaw tuʼn Adán; ix tuʼnju tculen tzʼak xinak tuj il, ex lajoʼn xinak ttxlaj Kajaw.

7. Cyjaʼtzanjluʼ ilx tiʼj jun colpibl te jumajx, porque ka nyaʼ te jumajx, aj najbil luʼ milay tuʼn toc te baʼn. Cyjaʼtzan aj tnejl jwisyo cuʼ tzʼak tibaj xinak tuʼnwla ten te jumajx. Ix cyjaʼtzan, que ocxwit ckʼayel aj chibj luʼ ix oc cbelix kʼuchjwla tuj txʼotxʼ, tuʼn mi jtojx tuʼn tjaw weʼtl.

8. ¡Aj nabil Dios! ¡Aj tlas ix tchjonta! Lutzan luʼ, nokat miʼn jaw weʼtl más chibj, chi cjel tenwla kxew tucʼ ángel aj ul tzʼak te txlaj Dios te Jumajx, ix oc te diabl, mix tuʼn tjaw weʼtl.

9. Ix ix ajke kxew i octla ictzan a ix dyablatzan koʼ, ángel te jun dyabla, lakeʼtla ko txlaj kDios tuʼn kcyajten tucʼ mambaj te slaʼj, tuj najsbil ictzaʼn te, ictzan, icxtla ictzan atzante cub tslaʼjinke tnejl kman, aj ntzaj tyecʼ tib ictzaʼn jun ángel te spicʼn ix nchoc ttoʼynke cycʼwaʼl xinak tuʼn cyoc cychmon cyib te cʼloj ewan bix tuʼn cybiyon cyucʼl ix tiʼ cyakil txilenke akʼuntl ewan te klolj.

10. ¡Maʼxix jun t-xtalbil kDios, aj tuʼn tten kbe tuʼn kex ok tuj t-xcyʼak aj xobl diabl! Ictzan, aj diabl, camacy ix impyerno, aj nnoc tiʼj wuʼne tcyiml chibjal ix tcyiml xewbaj.

11. Ix tuʼn tlaj aj txilen najsbl kil banin tuʼn Dios, aj Sant te Israel, aj cyiml tiʼj ma chin yolana, que te aj ximlalbaj, cxeʼl tkʼoʼn ke tcyimni; ix aj camacy atzan aj tjulj.

12. Ix aj camacytl aj ma chin yolna tiʼj, atzanj camacy te xewbaj, cxeʼl tkʼoʼnke tcyiml; ix aj camacy te xewbaj atzanj tuj impyerno, cyjaʼtzan jluʼ que aj camacy ix impyerno cxeʼl cykʼoʼn cycyiml: Aj impyerno cxeʼl tkʼoʼn ajke txew pres, ix aj jul atzanke ximlalbaj pres, ixke ximlal baj ix xewbaj cyeke xinak cjawl bant juntl majte acʼaj jun tiʼj juntl; ix cbantel tuʼn tipumal aj tuʼn tjaw itzʼj juntl maj tuʼn Santo te Israel.

13. ¡Maʼxix jun tnabl Dios! Porque juntl tuʼmal que aj cyaʼj te Dios cxeʼl tkʼoʼn cyxewke ajke teʼ tuj xtis, bix aj cxel tlcʼon jul te cyeke ximlal baʼnke; ix xeʼwbaj ix ximlal chi jawl juntl maj te acʼaj, ix chaʼjlel ke xinak mintiʼx tuʼn cynajelx tuʼn cycyim te jumajx; ix atzanke anma itzʼ, ctel jun tzʼaklxix cyximbatz ictzaʼn aj tocx tuj kchibjal, oʼcx ka tbanilxix tzʼaklxix kximbatz.

14. Que atzanju tzʼakl kximbatz tiʼj aj kil, ix tiʼj aj kẍwoʼjal, ix tiʼj aj ksbaʼjal; ixke baʼn, toc cyxbaln sakxix, ictzan, tuʼnju mant tuj jikan, tzʼakl cyximbatz tiʼj cytzaljibl ix tiʼ cyxtisbl.

15. Ix taj oc tbaj aj tnejl camacy hasta tiʼj ankʼibl cyakilke xinak, ix otok choc te ntiʼx tuʼn cycyim te jumajx, cbajel que chipol tuj xtisbl te Sant te Israel. Entons cucxtzan cxel ctzajel jwisyo, ix chi ocl tuj xtis según tjwisyo Dios.

16. Ix ax toc itzʼj Kajaw, porque otma n-ankʼin ix atzan jun tyol te jumajx aj milayx tzacj, que alcyekej xjal baʼn, chi telx baʼn, ixke ẍwoʼj, chi tel ẍwoʼj, cyjaʼtzan, ke nyaʼ sakxix atzanke ju diabl ix cyucʼx tsanjel; ix chi xeʼl tuj kʼakʼ te jumajx aj banan tten ix aj taʼw c-ocl cyiʼj ictzan jun sterya kʼakʼ tuj ix kʼakʼ azufre, que ajke tkan kʼakʼ cjawl te jumajx ix ntiʼx tbajl.

17. ¡Aj maʼxix ix t-xtisbl kDios! Porque nbant tyol, ix oʼ chetz tuj ttziʼ ix chi japanel tley twitz.

18. Per lutzan luʼ, ajke baʼn, ke baʼnxix te Sant te Israel, ajke otxi cyocslaʼn tiʼj, aj otxi cyapaʼn tcrusl twitz txʼotxʼ ix otzʼel cyicʼn cyʼixbl, atzanke ju chi tel tuj tnajbl Dios aj oʼ bant tten te cye atx taj tbant twitz txʼotxʼ, ix tzʼaklxix ctel cytzalajbl te jumajx.

19. ¡Aj maʼxix t-xtalbl kDios, aj Sant te Israel! Pues ccolil cyiʼjke sant baʼnxix tuj tkʼab diabl, aj diabl, camacy, ix tuj kʼakʼ, ix aj sterya tucʼ kʼakʼ ix azufre, que atzun jun ix taʼw ntiʼx tbajl.

20. ¡Pur maʼxix aj tsakal kDios! Tzkiʼn tuʼn cywitz cyakilke cosas, ix ntiʼ jun aj miwt ttzkiʼn.

21. Ix tzul twitz txʼotxʼ tuʼn cycolpajke xjal, ka cyaj tuʼn txi cybiʼn tyol; tuʼnj lutzun luʼ, ate n-apan tiʼj cyilke xjal, ictzan aj cyil cyakilke xjal nchi ankʼin, tzaʼnxke xinak ixke xuʼj ixke cʼwaʼl; aj axke tfamilye Adán.

22. Ix n-apan cyiʼjke j-ajo nok tuʼn cyjaw ankʼin juntl majke xjal tuʼntzun cyakilke tuʼn cypon twitz oc tul tkʼijlal jwisyo.

23. Ix nxi tmaʼn cye cyakil xjal tuʼn tajtz jolpaj tiʼ cyanmi ix tuʼn cybiyan tuj tbi, tuʼn cyakil cyocslabl tiʼj Sant te Israel, bixmo miʼn chi colet tuj tnajbl Dios.

24. Ix ka miʼn ma tzʼajtz jolpaj ti cyanmi mix tuʼn tocx cyocslaʼn tiʼj tbi, mix tuʼn cybiyan tuj tbi, mix lepchoʼcke ocxa tbaj twiʼylal, cxeʼl cycastiw; Kajaw Dios, aj Sant te Israel, otma.

25. Cyjaʼtzan jluʼ, otzaj tkʼoʼn jun ley; ix jatum ntiʼ jun ley, ntiʼ castiw, ix jatum ntiʼ castiw ntiʼ najbil ix jatuma ntiʼ najbil aj t-xtalbl Sant te Israel nxiʼ tkann juntl maj tuʼn tlaj najsbil twitz il; porque tuʼnju tipumal oc chicletl tuʼn.

26. Porque aj tnajsbil cyiʼj twitz il, ntlcʼon según n tkaʼnn xtis cyeke aj naʼnx tcyikʼ tley, que chi cletel tiʼj xoʼbl diabl; camacy, ix kʼakʼ ix aj diabl, ix aj tucʼ kʼakʼ ix azufre, que atzan jun taʼw ntiʼx tbajl, chajetz juntl maj te acʼaj tucʼal Dios aj tzaj kʼon te cyxew, que atzan aj Sant te Israel.

27. ¡Per becyʼbil twitz aj al-ej oʼ txi kʼoʼn ley te; ictzan, aj kʼiʼn cyakilke tmandamyent Dios tuʼn, ictzaʼn koʼ, ix ma cub tiʼn tmij, ix nbaj tyajn kej kʼij te, porque nim jun tnachil tzul tiʼj!

28. ¡Aj slaʼjbl nabil bann tuʼn dyabla! ¡Aj ntiʼx tocnen, nokx gan ix aj nim nchi labt xjal! Ka baninke ocslaʼn cyuʼn que poʼnin ke, ix ntiʼ nxi cybiʼn tocsabl Dios, porque nneʼl cyicʼn, tuʼnj nxiʼ cynaʼn tiʼj que baʼn cyuʼn cyil cyibx; cyjaʼtzan, loc jun cynabl, ix ntiʼ tocnen cye. Ix octzan chi cymel.

29. Per baʼn tuʼn koc ponin, ka ma txi kbiʼnke tocsabl Dios.

30. Más ¡becyʼbil cywitzke kʼinn xjal, según ajke cosas twitz txʼotxʼ! Tuʼnju kʼinn xjalke nneʼl cyicʼnke meba, tucʼ tnachil nchiyason cyiʼj ke mans ix oʼcx toc tiʼj cykʼinimabl; cyjaʼtzun, aj cyanmi cykʼinmabl atzun cyDios. Mas lutzan luʼ, ax cnajl cykʼinmaʼbl cyucʼal.

31. ¡Becyʼbil cywitzke ẍon aj cycyʼiʼ txi cybin! porque ax chi cymel.

32. ¡Becyʼbil cywitzke moẍ cycyʼiʼ chi queʼyn! porque ax chi cymel.

33. ¡Becyʼbil cywitzke ntiʼ nnajs jolpaj ti cyanmi! Porque aju cyximbitz tiʼj cyplojil chi cyʼixbjel tuj mancbl kʼij.

34. ¡Becyʼbil cywitzke nicʼl yol! Porque cxel xoʼt tuj kʼakʼ impyerno.

35. ¡Becyʼbil twitz aj ncuʼ byonta tucʼl! Porque cymel.

36. ¡Becyʼbil cywitzke cuʼxan nbant il cyuʼn tucʼ cymujeʼ! Porque chi xeʼl xoʼn tuj kʼakʼ.

37. Becyʼbil cywitzke nchi nan Dios cywitzke tiblal, tuʼnj txubtxaj taʼ dyabl cyucʼl.

38. Ix twiʼpantzen becyʼbil chi cyim tuj cyil! Porque chaʼjl maktzʼaj tucʼ Dios, ix c-ocl cyqueʼyn twitz ix chi cjel ten tuj cyilx.

39. ¡Akiye, wermann nim wajbl cyiʼja, cycʼujlanxe que nachxix tuʼn kbinchin il twitz Dios Sant aju, ix ax nachxix tuʼn kel twitz aj tajbl diabl! Tencx tuj cynable que tuʼn tbant paj tuʼn chibj kuʼn, kcyiml aju, ix aj tuʼn tbant tbanl tiʼj xewbaj, ankʼibil te jumajx ju.

40. ¡Akiye wermaniye wajbila cyiʼja, cybinxa we nyola! Cycʼujlanxa aj nimxix baʼn te Sant te Israel. Miʼn tzaj cymana ka xi nyolan cyiw cosas cyiʼja; tuʼntzanj ka ntzaj cyman cyju, nxi cyxmocchana aj yol yaxix toc; tuʼntzanj xi nyolni ke tyol aj Binchalte cyeya. Baʼn wuʼne ajke yol jaxix, cyiwke tiʼj cyakil ẍwojal; cyjutzan ke baʼn xjal minti xobil cyiʼj, tuʼntzanj cyeyax jaxix tyol cye bix cucxke.

41. Cyjaʼtzun tten, akiye wermaniye, cyulxa tiʼj Kajaw; aj Sant. Cycʼujlanxa ajke tbe baʼnxix tten. Lutzan luʼ, chʼin tuj tbe cye twitz Kajaw, más puro jikn aj tbe; ix atzn cwentl te aj ttziʼ puert Sant te Israel; ix ntiʼ nnoʼcnan jun majn tuʼn, ix ntiʼ juntl tziʼ oʼcxca jun tziʼ puert; porque milay cub slaʼjn Kajaw, pues atzun tbi Kajaw Dios.

42. Ix alxcye oc txi tkanin, atzun Kajaw quelatz tjakoʼn, ix ke ponin tiʼj, ke nim cyximbatz ixke kʼinn xjal ntiʼx cyocnen tucʼ cyximbatz, aju nimbaʼn cyuʼn ix cykʼinmabl lutzan luʼ, aketzanju icʼun tuʼn Kajaw; oʼcx ka ma cyaj cycoʼlnke cosas luʼ, njaw cynimn cyib twitz Dios ix inchi ẍmejlunxix twitz, miʼn tzʼocx tjakoʼn Kajaw tlamel ja cywitz.

43. Ixke cycosas ix ninsaj xnakʼtzal ke nim cyximbatz ponin tiʼj cjel ten te jumajx tuj ewj cywitz; ictzun, aju tzalajbil banin tten cyeke sant.

44. ¡Akiye wermaniye nimxix wajbila cyiʼja cycʼujlanxeke nyola! Lutzan luʼ akiye wermaniye, c-el wiʼna nxbalna ix c-el nchtoʼna tiʼj cywitza, nchin kanna te Dios tiʼj colbil wila tuʼn woc tqueʼyn tuʼn twitz aj cyakil intok tqueʼyn. Ictzun baʼn cyuʼna cyuj kʼij chuʼl, oc cyocbaj cyakilke xjal tuj xjel según cybinchben, aj taj toc tqueʼyn Dios te Israel aj tel nchtoʼna tplojil tiʼj wanmiye, ix sak wiʼje tej tul bitzalke ix ntiʼ npaja tiʼj cychicʼela.

45. ¡Akiye wermaniye at ncʼuje cyiʼje cyiʼn el cyiba tiʼjke cyila! Cychitoʼn el aj caden cyiʼje tuʼnj xjal tajbl tuʼn cyoc cʼloʼna tuʼn; chuxkeye tiʼj Dios que ajju jun xak te colil kiʼj.

46. Cybincham baj cyanmiye tuj kʼij te tzalajbil aj c-ocl xtis cyiʼjke teʼ tuj xtis; ictzun, tuj tkʼijlal jwisyo, tuʼn miʼn cyoc wotʼpaje tuʼn tchi, mix tzul ti cycʼuʼja tiʼj xoʼbl cyila, mix c-ocl il cyiʼja tuʼn txi cymaʼna: ¡Sant, santke tjwisye, aya Kajaw Dios ponin tiʼj cyakil cosas! ¡Ax toc at wila; ma cub wiʼn tmij tleya; wex wila ke wila, ix ma chin cuʼ sbuʼna tuʼn diabl, ix pur banin kina tiʼj aj tpresbil tuj najbil!

47. Ix lutzan luʼ, akiye wermann, ¿Baʼn tuʼn tul ti cycʼuʼja aj xoblxix ax toc cyiʼj cosas luʼ? ¿C-ocalpa nkʼoni taʼw tiʼ cyanmiye nokat baʼnxix cyximbatze? ¿Axpla toc chin yolna clari cyucʼile, ka ax toc, libr cyeʼya tiʼj il?

48. Lutzan luʼ, nokt santkeya, jaʼcwale chin yoline cyiʼj sant cosas, per cum micʼx cyxilena, ix woca te jun xnakʼtzal cyeya, ilx tiʼj tuʼn txi nxnakʼtzaʼna cyeya tiʼj il.

49. Lutzan luʼ nloʼch wanmiye tiʼj il, ix ntzalaj wanmiye tiʼj xtis ix cxel ntzalajiʼna aj sant tbi nDiose.

50. Cytzaje akiye wermann, cyakilke at txketlen cyiʼjeʼ, chux keye tiʼj aʼ, chux aj ntiʼ tpwak, ix lakʼontz ix wʼaʼnx; ictzun, chux, cha lakʼona bin ix lech, ntiʼx cypwake, ix mix twiʼ.

51. Cyjaʼtzan jluʼ, miʼn cuʼb cynajsaʼn cypwake tiʼj ntiʼ tocnen, mix cyakʼane aj nti tbaʼn tecyeye. Chin cybinxix wenn, ix cycʼujlanxe kej yol otxi nyoʼlna cyeya. Cytzaje tiʼj Sant te Israel ix nimx chi tzalja tiʼj aj milay naj ix nlay kʼuchj, ix nimx tzalj cyannmiye tiʼj cyakil t-xilen.

52. Lutzan luʼ, akiye wermann nim wajbile cyiʼje tzulx ti cycʼuʼja aj tyol kDios; cocʼx chi kanna tiʼj oc tex juʼn kʼij, ix cykʼonxa chjonte te xjanxix tbi konicʼn. Nimx tzalj cyanmiye.

53. Chiximanxa tiʼj nmakxix tbantlen tiʼj te Kajaw, bix ke t-xtabil pur wenn cyucʼal ke cycʼwal xinak ix tuʼnju nmakxix, baʼnxix, bix ke t-xtalbil te, tzaj ttziyan que ke kcʼwal min chacbel baj kʼuchj tuj chibjal; sino que chitelx tuj txʼotxʼ; bix tuj tkʼijlalil tzul chocal te jun tkan tzeʼ teʼ tuj xtis te ja te Israel.

54. Ix lutzan luʼ, akeya wermaniye, wajbila tuʼn txi nyolni más cyeya; per nchiʼj cxel nmane txkantl nyoli cyeye. Icxju.