1. Ix jala, chin yolin tucʼala, José, aya mancbil ncʼwaleʼ itzʼja tuj desyert ncyʼixbe; ictzan, tuj tkʼijl maʼs maʼxix nbisbl oca ten tal t-txuya.

2. Wajbil, tuʼn cyaj tkʼon Kajaw aj txʼotxʼ luʼ, que atzanju txʼotxʼ pur cyeyax, te teya therens ix cyherens tcʼwala cyucʼal termaniya, te jun cyankʼibl segurxix te jumajx, ka ma tzʼocx cy-xoʼnake mandamyent Sant te Israel.

3. Ix jaʼlo, José, aj ncʼwaʼla maʼncbl tzaj wiʼne tuj desyert cyujke nbisa, tzajx cʼiwlaʼna tuʼn Kajaw te jumajx, porque miʼn chibajel kʼuchan cyakil tcʼwaʼla.

4. Tuʼnj lutzan luʼ, a teʼ ncʼwaʼla; ix tzajnwe nxeʼchl tiʼj José aj xi kʼiʼn pres tuj Egipto. Ix maʼxixke tzaj ttziʼyen Kajaw tucʼl José.

5. Cyjaʼtzan jluʼ oxix til José wenn aj kankʼible. Ix icʼ tiʼn tiʼj Kajaw jun tziʼybl tiʼjke t-xeʼchl cjawl tiʼn Kajaw jun tkʼab tzeʼ baʼnxix tuj tja Israel; nyaʼ Mesías, sino jun tkʼab banwtla at telil tokj, milay tzʼel tiʼ tcʼuʼj Kajaw tuj ke tziybil bant tuʼn aju Mesías cxeʼl tyecʼn tib cye tuj mancbl kʼij, tuʼnju tipumal xewbaj, tuʼn cyetz tuj klolj ix tuʼn cyex tuj spicʼn; ictzan, tuʼn cyetz tuj klolj eʼwn ix tuj moybil tuʼn cyel libr.

6. Tuʼnj axix toc otma José lonxa testiw, cyjaʼw: Cjawl tiʼn Dios jun xjal baʼn ttilke cosas xjanxix, que atzan jun queʼyiljo sicʼoʼn maj te cyeke elni cyxeʼchl wiʼja.

7. Ictzan axix toc tma José: Ictzan ntmaʼ Kajaw weye: Cjawl njyoʼna jun xjal baʼn til tilbilal cyxolke tcʼwaʼla, ix ctel nim tipumal cyxolke txeʼchile. Ix cxeʼl nsamaʼna bincha jun akʼuntl te cyeke tcʼwaʼla, ke termaniye, que nim cocnel te cye, asta tuʼn t-xiʼ nyecʼane cye aj obant tiʼj wuʼne cyucʼke tmana.

8. Ix cxeʼl nkʼoʼna mandamyent tuʼn miʼn tbant juntl akʼuntl tuʼn, sino oʼcx aj cxeʼl nsamaʼna tiʼj. Ix nimxix cocl tocnen nwitza, porque cbantel wakʼina tuʼn.

9. Ix maʼxix cocl ictzaʼn Moisés, aj otxi nmaʼna tuʼn cyjaw tiʼn twitz tuʼn cycolpajke nxjalila, aya ja te Israel.

10. Ix cjawl wiʼna Moisés tuʼn cycolpajke t-xjall tuj txʼotxʼ Egipto.

11. Pero cyxolke tcʼwaʼla cjawl wiʼne jun baʼn tilonteke tilbilal, ix cxeʼl nkʼoʼne tipumal tuʼn txi tyoʼlen nyola cyeke t-xeʼchila; nyaʼ oʼcx tuʼn tyoln tiʼ nyola, chitzan Kajaw, sino tuʼn tcuʼ cyiʼj tiʼj nyola que otok kʼunj cyxol.

12. Cyjaʼtzan jluʼ aj tcʼwaʼla jyoʼnmaj ctzʼibl, ix tcʼwaʼl Judá ctzʼibl; ix aj cbel ttzʼiban tcʼwaʼla ix aj cbel tzʼibn tcʼwaʼl Judá, chi chʼiyel tuʼn cytzacjke doctrinas myaʼ ax toc, tuʼn tbaj twiʼylal aj xcyakbil, tuʼn tzalajbil cyxolke elni tiʼja ix tuʼn cyxi kʼit, cyujke mancbl kʼij, te cybiblke cymane ixke bann tiʼj, chitzan Kajaw.

13. Ix tuj chʼin tcʼuʼj cyiwxix cbantl, oc tkeʼ kʼij tuʼn tkeʼ wakʼna cyxol ke nxjall tuʼn tcuʼ tena te acʼaj, aya ja te Israel, chitzan Kajaw.

14. Ix ictzan tma José, cyjaʼw: Lutzan luʼ, cxeʼl tcʼiwlaʼn Kajaw aj xjal jyoʼnmaj baʼn tilonte tilbilal, ix ajke cyajbl tuʼn tkʼuchj chi bel tzacset, porque axix toc cbantel j-aju aj bann luʼ aj oʼwikʼe tiʼj Kajaw cye ncʼwaʼla. Lutzan luʼ, segurxix tina tiʼj que cbajelju, icxtzaʼn ntmaʼn.

15. Ix icx cʼocl tbi ictzaʼn wey nbi, icx ictzan tbi tman. Ix icx ictzaʼn nkina, porque aj cbantel tuʼn Kajaw tuʼntkʼab xjal luʼ, tuʼn tipumal Kajaw, cxeʼl tiʼnke nxjalile tuj jun coʼpbil.

16. Ictzan tma José: Segurxix tina tiʼj jluʼ ictzaʼn tina tiʼj ttziybil Moisés; porque otma Kajaw weya: Cxeʼl ncʼuʼna ke tcʼwaʼla te junmajx.

17. Ix otma Kajaw: Cjawl wiʼna jun Moisés; ix cxeʼl nkʼoʼna tipumal tiʼj jun xcyʼakoʼch ix cxeʼl nkʼoʼna aj cheba tuʼn ttzʼibn. Per miʼn txiʼ ntzakpiʼne tyolbil tuʼn tyoln nimxix, porque miʼn tzʼoc nkʼoʼna te jun cawilxix. Per cxeʼl ntzʼibneke nleye te tuʼn wexeke twiʼ nkʼabe, ix cbantel tten jun wuʼna, tuʼn tyoln te t-xel.

18. Ax otma Kajaw wey: Cjawl njyoʼna jun cyxolke tcʼwaʼla ix cbantel tten jun aj jaca txi tmaʼn cye xjal aj tajbil aj cjawil njyoʼna. Ix lutzan luʼ, cxeʼl nkʼoʼna takʼn tuʼn tcuʼ ttzʼibn aj storya cyeke tcʼwaʼla, te cyeke cycʼwaʼl tcʼwaʼla; ix aj kʼamalte cyyolke tcʼwaʼla cxeʼl kʼonte storya.

19. Ix ajke yol cbel ttzʼibn atzan ke aj tuj nximbatza ix tuj nxtisa tuʼn tpon cyʼijke t-xeʼchila; ix lonxa ak aj tcʼwaʼla ntzaj cyyoln tuj kuk; tuʼnj ntzkiʼna cyocslaʼbl.

20. Ix tujx kuk tzul cymaʼn aj ka tzʼajtz jolpaj ti cyanmi cye cyerman, ictzan, banwtla otok chi ten nimca cʼlojn xjal. Ix cbajel cxeʼl sipan naj tib según aj cyjol nim jaw, ajke tbecyʼbijil tyol.

21. Tuʼn tlaj cyocslabl ajke tyol cheʼltz tuj ntziʼya te cye cyermann, que ake tcʼwaʼla, ix aju cyyol cxeʼl nkʼoʼne tipumal tiʼj cyocslabl, tuʼntzan tcʼujlet aj bant tiʼj wuʼna tucʼke tmana.

22. Lutzan luʼ, aj ncʼwaʼle José, icten ictzan baj tmaʼn nmane atx ojtxa.

23. Cyjaʼtzan jluʼ cyeʼyexa tuʼn tlaj aj bann tiʼj luʼ; porque miʼn chi baj kʼuchjke tcʼwaʼla, pues cxeʼl cybiʼn ajke yol tuj uʼj.

24. Ix cjawl weʼ cyxol jun at tipumal aj cbantel nim baʼn tuʼn, tzaʼnx tuj yolbil ix tzanx tuj binchben, atzun jun majn tuj tkʼab Dios, tuʼnju nim tocslabl at, tuʼn tbant ajke matij binchben cyeʼyex ix tuʼn tbant aj maʼ tuj witz Dios, tuʼn tbant juntl maj te acʼaj aj ja te Israel ix aj cyeke cycʼwaʼl termaniye.

25. Ix jaʼlo, cyeʼyexa, José. Lutzan luʼ nichʼina; binxa ajke tyol termaniye Nefi, ix cbantel tucʼla icxix tzaʼnj otok txiʼ nmaʼna teya. Cʼujlanxe tyol tmane chʼix tcyim. Ictenju.