1. Ix jaʼlo, akiye wermaniy wajbile cyiʼje, kine, Nefi, cxeʼl ncoʼline tuʼn nkʼamane tkanil. Ix milayx chin tzʼibna oʼcx caʼbx cosas aj ax toc baʼn wuʼna que cbajel icju; mix tuʼn tcuʼ ntzʼibna txkantl oʼcx cabl ni tyol wermaniye Jacob.

2. Cyjaʼtzun, ajke cosas ochi cuʼ ntzʼibna tucʼuju, oʼcx aj cabl yol tuʼn nyolna tiʼj aj doctrina te Cristo; cyjaʼtzun, cxeʼl nmaʼna cyeya axix toc, según aj tclariyilke nyole jun tyempc.

3. Porque txubtxaj taʼ wanmiye tiʼj tclariyil porque ictzan tbinchben Dios cyxol cycʼwaʼlke xinak. Porque ntzaj tkʼoʼn Kajaw Dios spicʼn tiʼ cyximbatz; tuʼn tel cynicyʼ tiʼj tuʼntzun nyolan cyucʼ xjal según tyolbil tuʼn tel cynicyʼ tiʼj.

4. Cyjaʼtzun, wajbla tuʼn tul ti cycʼuʼja aj profeta machin yolina tiʼj tyeʼcn Kajaw weya, ix aj otzaj cbyal tiʼj Tnel Dios, aj quel kʼin te twitz il te twitz txʼotxʼ.

5. Ix ka Tnel Dios, aju sant, il tij tuʼn tbyan tuj aʼ tuʼntzn tel xtis twitz cyakil, ¿nicʼpun matij, aj il tiʼj ke tuʼn kbiyan tuj aʼ, ka aj ilkoʼ?

6. Ix jaʼlo, wajbl txi nkaʼnn cyeya akiye wermaniye wajbile cyiʼja ¿Tzaʼn el Tnel Dios twitz cyakil xtis taj tbyan tuj aʼ?

7. ¿Ntiʼptzn baʼn cyuʼna que santkʼa? Aju xjanxix txilen, nxi tyecʼn cyeke cycʼwaʼl xinak, que según ximlalbaj, cbel tbecyʼbiliʼn twitz twitz Mambaj ix nxi kʼamet ax toc te tuʼn cyocx tniʼmke tmandamyent.

8. Cyjaʼtzunjluʼ tej tbaj byan tuj aʼ, cuʼtz Xewbaj Sant tibaj ictzaʼn jun palom.

9. Mástzn icx aj xiʼ tyecʼn cye cycʼwaʼl xinak aj tjikumal be ix aj chʼin tuj jatum tuʼn cyocx, que otok cuʼ tkʼoʼn jun yeʼcbl tnejl.

10. Ix xi tmaʼn cye cycʼwaʼl xinak: Chi lapeʼtz e wiʼja. Cyjaʼtzun, akiye wermaniye at ncʼuje cyiʼja ¿jaʼca koc lapeʼ tiʼj Jesus, ka minti kajbil tuʼn cyxiʼ kcʼuʼn tmandamyent Maʼmbaj?

11. Ix tmaʼ Mambaj: Tajs jolpaj ti cyanmya, tajs jolpaj ti cyanmya ix chi byana tuj tbi ncʼwaʼla aj at wajbl tiʼj.

12. Ix icʼ nbiʼna tyol Cʼwaʼlbaj, que tma weye: Aj cbyal tuj nbiya, tzul tkʼoʼn Maʼmbaj aj Xewbaj Sant tibaj, tzaʼn weye. Cyjaʼtzun, chi lapeʼtza ix cybinchama ke cosas nnoc cyqueʼyna aj nbant wuʼna.

13. Cyjaʼtzun, akiye wermanniye wajbila cyiʼja, ka ma chʼoc lapeʼya tiʼj Cʼwaʼlbaj tuʼn cyakil tajbl cyanmya, nyaʼ tuj xmeletzʼ, ix mo tucʼ tramp twitz Dios, sino que tuʼn axix toc cyajbla, tajtz jolpaj ti cyanmye tiʼj cyila, ix tuʼn t-xiʼ cymaʼna ax toc te Kman que cyajbla txi cyiʼne aj tbi Cristo tuʼn byabl, ictzun lepchix keya tiʼj Kajaw ix Colil kiʼj max tuj aʼ, según aj tyol, lutzan luʼ, cicyʼel cyiʼna Xewbaj Sant; ictzun, tons lepchx aj byabl te kʼakʼ ix te Xewbaj Sant; ix jaʼctzun chi yolna tuj cyyol ke ángel te Dios ix txi cymaʼna tuj bitzbl te Sant te Israel.

14. Mas lutzan luʼ, akiye wermaniye wajbla cyiʼja ictzun tten tzaj tmaʼn tyol cʼwaʼlbaj weya: Ka oc tajtz jolpaj tiʼ cyanmya tiʼj cyila, ix oc txi cymaʼna ax toc te Kman, nok tuʼn byabl tuj aʼ, que tajbla tuʼn cyocx cyxoʼnake nmandamyent; ka otok tzicʼ cyiʼna byabl te tuj kʼakʼ ix te Xewbaj Sant ix nchi yolna cyujke acʼaj yol, ictzun, tuj cyyol ángel te Dios, ka oc tbaj jluʼ cbel cyxcʼayn cyiba wiʼja, mejor mixt oc cycʼuje wiʼje.

15. Ix nbiya twiʼ Mambaj aj tma cyjaʼw: ictzun, ajke tyol Nim Wajbile Tiʼj axix toc ix baʼn. Alcye ma tapanta nasta oc tjapnbaj twiʼ, atzunju ccoletl.

16. Ix jaʼlo, akiye wermaniye wajbila cyiʼja, tuʼn jluʼ baʼn wuʼne que ka min ma tapanta xinak ocxa tjapn baj twiʼylal mix lepchoʼcx tij t-xnakʼtz Tcʼwaʼl Dios itzʼ, milay colet.

17. Cyjaʼtzun, cybinchamake cosas xi nmaʼna cyeya aj otok wila bant tuʼn Kajaw ix Colilke, porque cyjaʼtzun otzaj yecʼn weya tuʼn cybintaye alcye tlamel jatum tuʼn cyocxa, Porque aj tlamel jatum tuʼn cyocxa, atzunj aj tuʼn tajtz tiʼj cyanmiye ix tuʼn byabl tuj aʼ; tons sigx aj najsbl kil tuʼn kʼakʼ ix tuʼn Xewbaj Sant.

18. Tons jaca chi tena tuj jikn ix chʼin be tuj aj npon tiʼj ankʼibl te jumajx; ictzun, ma choʼcxa tuj tzi ja, ochi akʼnana segúnke mandamyent Mambaj ix Cʼwaʼlbaj, ix otzicʼ cyiʼna aj Xewbaj Sant, que ntmaʼn aj ax toc tiʼj Maʼmbaj ix Cʼwaʼlbaj, tuʼntzun tel twitz aj otxi ttziʼyn, que ccyikʼale ka ma choʼcxe tuj be.

19. Ix jaʼlo, akiye werman wajbila cyiʼje, octzun cyocxa tuj chʼin ix jikn be, waja txi nkaʼnn cyeye, ¿Maʼbaj bant cyakil? Lutzan luʼ, cxeʼl nmaʼne cyeye: Miʼn, porque ntiʼ ma chule tzaluʼ nokat nyaʼ tuʼn tyol Cristo, tucʼ ocslaʼbl milay cub tmij aj at tiʼj, kʼukj cycʼuʼje tiʼj aj at tipumal tuʼn tcolin.

20. Cyjaʼtzun, il tiʼj cucx cyxiʼya jawna tuʼn cyipamala cyiw tten tiʼj Cristo, ix tuʼn cyayona wena tiʼj ncʼant cyajbla, tiʼj Dios ix cyiʼj cyakilke xinak. Cyjaʼtzun, kama cheʼx beta ix nchi tzalja tiʼ tyol Cristo ix ka ma cyipantiye ocxa tjapnbaj twiʼylal, lutzan luʼ, chitzun Mambaj: Ctel cyankʼibla te jumajx.

21. Ix jaʼlo, akiye werman nim wajbile cyiʼje, atzun cybeyilye; ix ntiʼ juntl, mix juntl tbi toc tjakʼ twitz cyaʼj aj jaca colpaj xinak tuj tnajbl Dios. Lutzan luʼ, atzin tdoctrina Cristo jluʼix aj oʼcx ix ax toc tdoctrina Mambaj ix te Cʼwaʼlbaj, ix te Xewbaj Sant, que junx Diosju ntiʼx tbajl. Icxtenju.