1. Más lutzan luʼ, nimcake tuj aj kʼij oc woc tena binchal jun akʼuntl luʼxix cyxol, tuʼntzun tul ti cycʼuʼj aj obant tiʼj wuʼna cyucʼke cycʼwaʼl xinak, ix baʼn tuʼn tel njapan nkʼaʼba juntl maj, te tcabn maj, tuʼn cychmetke nxjalil que atzunke teʼ tuj ja te Israel.

2. Ax icx tuʼn tul ti ncʼuʼja aj tziybil bann wuʼna teya, Nefi, icx te tmane, que tzul ti ncʼuʼje cyiʼj tcʼwaʼla; ajke cyyol tcʼwaʼle chelatz tuj ntziʼye cyeke tcʼwaʼle txechila ixke nyole chi kʼajtel max ttxaʼnle txʼotxʼ te mujbal cyeke nxajl que atzun keju tuj ja te Israel.

3. Ix tuʼnju chikʼajtelxixke nyola, nimca xjal aj miyaʼ teʼ tuj ja te Israel chi kʼmal ¡Jun Biblia! ¡Jun Biblia! ¡At jun kBiblia ix ntiʼ tuʼn tten txkantl Biblia!

4. Ax ictzun ntmaʼn Kajaw Dios: Mibnx chibine, ctel jun cyBiblia; ix tzul cyiʼjke judiy xjal, aj ntanmiye te ojtxa tkanil. ¿Ix tijil chjonta nxi cykʼoʼn cye judiy tuʼn tlaj Biblia aj icʼ cyiʼn cye? Ictzun, ¿Tijil cyajbil tuʼn txi cymaʼn aj ke xjalx miyaʼ teʼ tuj ja te Israel? ¿Naʼnpl cyuʼn, ke tuj ploj betn, akʼuntl ix cybisbl judiy, ix aj cyocslabl wiʼja tuʼn txi kʼit colbil cye kej xjal miyaʼ teʼ tuj ja te Israel.

5. Akiye xjal miyaʼ teʼ tuj ja te Israel, ¿Opa tzul ti cycʼuʼja cyijke judiy, aj ntanmiye te ojtxa tkanil? Miʼn, sino que o cheʼx cyʼiwlaʼn tuj nach cyuʼna ix o chel icʼan cyuʼna, ix ntiʼ txi cyximna tuʼn cybant juntl maj. Mas lutzan luʼ, cbantel wuʼna tuʼn cyaj nmeltzʼuʼna cyakilke cosas luʼ tibaj cywiʼya; porque we kin, Cyajaw, naʼnx tel tiʼ ncʼuʼja aj ntanmiye.

6. ¡Akiye mibnx chibin, akiye aj ncymaʼn: Jun Biblia, at junke kBiblia ix kcʼiʼ txkantl Biblia! ¿Atla jun cyBiblia, nokat miyaʼ cyuʼnke judiy?

7. ¿Ntiʼpa baʼn cyuʼna que nyaʼ oʼcx jun nasyon at? ¿Ntiʼpa baʼn cyuʼna que akina Cyajawe aj cyDiosa, wuʼna ibant xjal twitz txʼotx ix cʼujlaʼnke wuʼna ajke nchi ankʼin tuj juʼn piẍ txʼotxʼ ix nchin mandarana tuj cyaʼj ix twitz txʼotxʼ, ix nxi wiʼn nyola cye cycʼwaʼlke xinak, ictzun, cye cyakil nasyon te twitz txʼotxʼ?

8. ¿Tikuʼn nchi jaw lipne tucʼ yol tuʼnju ccyʼikʼla txkantl wey nyol? ¿Ntiʼpa baʼn cyuʼna aj testiw te txkantl caba nasyon atzunju stiw que akine Dios, ix naʼnx wuʼna tiʼj jun nasyon ix tiʼ juntl? Cyjaʼtzun, nxi nyolna ajke yol, tzaʼnx te jun nasyon ix tzanx te juntl. Ix oc cyoc mujeʼ cycabl nasyon, ax c-ocl mujeʼ aj cystiwa.

9. Ix nbant luʼ wuʼne te yecʼbl cye nimke xjal que ax kina aj ew, jaʼlo ix te jumajx, ix nxiʼ ntxʼolbaʼn nyola tzaʼn wajbla. Ix miʼn txi cymaʼne que tuʼnju txilen nyolna jun nyola, milay tuʼn nyolna tiʼj juntl; porque naʼnx tbaj bant wakʼna, mix cbajel asta ocxa tnaj xinak, mix icxju, te jumajx.

10. Cyjaʼtzun que nyaʼ nok tuʼnj at jun Biblia, cxeʼl cynaʼna tiʼj que tcuʼx cyakilke nyola tuj; mix tuʼn txi cymaʼna que naʼnx tcuʼ ntzʼiban txkantl.

11. Porque akina mandaʼral cyakilke xjal, tzanx tuj tjawtz ix telex kʼij, ix tuj jawni, ix tuj cubni, ix cyujke piẍn txʼotxʼ cyocx tuj mar, tuʼn cytzʼibn aj nxi nmaʼna cye; porque cyiʼjke uʼj tzʼiban maj cocl mundo tuj xtis, teylax te juʼn según tzaʼn tbinchben, ix según aj tzʼibn maj.

12. Tuʼn lutzan luʼ, chin yolila cyucʼlke judiy xjal, ix cbel cytzʼibn; icʼ chin yolila cyucʼlke nefitas xjal, ix ax cbel cytzʼibn, ix ax icx chin yolile cyucʼl cyakilke aj teʼ tuj ja te Israel, que lekʼch ma chi tzaj wina ix cbel cytzʼibn ix ax chin yolila cye cyakil nasyon twitz txʼotxʼ ix cbel cytzʼibn.

13. Ix cbajeltzun jluʼ que ctel cyyol ke nefitas cyucʼl ke judiy xjal, ix cyyol judiy cyucʼ ke nefitas ix ke judiy xjal ix ke nefitas ccyikʼl aj cyyol ke cʼlojn xjal tzʼpetn te Israel, ix atzun cye ccyikʼl cyyolke nefitas ix judiy xjal.

14. Ix cbajeltzun que aj ntanmiye, que a aj ja te Israel, chi bajel chmet twitz cytxʼotxʼ, ix nyola ax c-ocl te junx. Ix cxeʼl nyecʼan cyeke nchi lucharn tiʼj nyola ix cyiʼj nxjalile, que ax atzan ja te Israel, que a we kin Dios, ix at bant tiʼj wuʼne tucʼ Abrahan tuʼn tul tiʼj ncʼuʼja ajke tcʼwaʼl te jumajx.