1. Ix jaʼlo lutzan luʼ, akiye wermaniye wajbila cyiʼja, nxiʼ nnaʼne tiʼj que kapa nchiximna tiʼj tuj cyanmya aj ti cbajel cyuʼna oc cyocxa tuj be. Mas lutzan luʼ, ¿Tikuʼn nxi cyximna jluʼ tuj cyanmya?

2. ¿Ntiʼpa cʼujlaʼn cyuʼna aj xi nmaʼna cyeya que oc ticʼ cyiʼna Xewbaj Sant, jaca chi yoline tuj cyyolke ángel te Dios? ¿Ix tzaʼntzun jac chi yolna tuj cyyolke ángel te Dios ka nyaʼ tuʼn Xewbaj Sant?

3. Nchi yoln ángel te Dios tuʼn tipumal Xewbaj Sant; cyjaʼtzun, ncymaʼn tyol Cristo. Cyjaʼtzun cxel nmaʼna cyeye: Chi tzalja tiʼj tyol Cristo; porque lutzan luʼ ajke tyol Cristo ntmaʼn aj tijil cyakil tuʼn tbant cyuʼna.

4. Cyjaʼtzun, ka ocxe tbaj nmaʼnake yol luʼ, milay tzʼel cynicʼa tiʼj, tuʼntzanj ntiʼ nchi kaʼnn tiʼj mix tuʼn toc cymacoʼna; cyjaʼtzun milay cheʼx kʼiʼna tuj spicʼn, tnejl chi cymela tuj klolj.

5. Porque lutzan luʼ, cxeʼl nmaʼna cyeya juntl maj, que ka ma choʼcxa tuj be ix cicyʼel cyiʼna aj Xewbaj Sant, ctzajl tyecʼn cyakil aj tuʼn tbant cyuʼna.

6. Lutzan luʼ que atzun tdoctrina Cristo, ix milay tuʼn txi kʼoʼn juntl doctrina sino ocxa txi tyecʼn tib cyeya tuj chibjal. Ix oc txi yecʼn tib cyeya tuj chibj, aj cxeʼl tmaʼn cyeya atzunju nimx chakʼnal tiʼj tuʼn cyela twitz.

7. Ix jaʼlo kine Nefi, milay txi nmaʼna mástl; ncuʼ tmakoʼn Xewbaj nyola ix oʼcx chin bisela tuʼn tlaj aj mibn txi cynim tyol Dios, ploj, mi cytzkiʼn ixke mibn tuʼn cyanmi xinak porque ntiʼ nnel cynicʼ tiʼj aj matij nabil, oc nxi kʼoʼn cye tuj spicʼn clarxix, ictzun, tuʼn cyakil spicʼn yol clarxix.

8. Ix jaʼlo, akiye wermaniye wajbile cyiʼje, nnoʼc nqueʼyna que cucx cyximna tuj cyanmya; ix at taʼw wiʼja tuʼn txi nmaʼne cyeya tiʼj aju. Porque ka nxi cybiʼna Xewbaj aj nxnakʼtzan cye xinak tuʼn cynan Dios, jaca cybiya que ilx tiʼj tuʼn knana Dios; porque ntiʼ te xewbaj ploj nxnakʼtzan te xinak tuʼn tnan Dios, sino que oʼcx tuʼn miʼn tnan Dios.

9. Mas lutzan luʼ, cxeʼl nmaʼna cyeya tuʼn cocʼx cynana Dios, ix miʼn chi cu nactzʼaje; que ntiʼx jaca bant cyuʼna tiʼj Kajaw, tnejal cynana Dios twitz tuj tbi Cristo, tuʼntzan cytzaj tcyʼiwlaʼn tiʼj aj nbaj cyeya, ix jun cyakʼna te jun baʼn te cye cyanmya.