1. Jaʼlo, Jacob, chin yolile tucʼla. Aya tnejl ncʼwaʼla ul itzʼj cyujke kʼij te bisbl tuj desyert. Lutzan luʼ, ma baj cyʼixbeye ix nim taʼw ma tzʼoc tiʼja tuj tneʼyla tuʼn tlaj ploj cyxilenke termaniye.

2. Ictzan jluʼ, Jacob, aj tnejl ncʼwaʼla ul itzʼj tuj desyert, tzkiʼn tuʼna aj maʼxix t-xilen Dios. Cxeʼl txtaln Dios ajke tbisa te jun baʼn teya.

3. Cyjaʼtzantl, cxeʼl cʼiwlaʼn tanmya, cʼankʼila tuj segurxix tucʼ termaniye Nefi ixke tkʼijle cocnel te tajblen te Dios. Cyjaʼtzan jluʼ baʼn wuʼna que tuʼn tlaj xtis te Colil teya ma colpaje; porque otila que oc tul cann tiemp tuʼn tul Kajaw, tzul tuʼn tul tiʼnaj coʼpbil cye ke xjal.

4. Ix tuj tcuʼxemale otila ttzalajbil Kajaw, cyjaʼtzan jluʼ cʼyiwlaʼnaʼ lonxa ke choʼcl baʼn tuʼn tbinchben oc tul itzʼj tiʼj chibj; porque ax te Xewbaj ic tzan, ew, jaʼlo ix te jumajx. Ix baninxix tten be atxax taj tcuʼ tzʼak xinak, ix librta aj tuʼn kcolpaj; mintiʼ twiʼ.

5. Ix nimca oc tiʼj cywiʼ xinak tuʼn txi cyqueʼyn aj jun baʼn tiʼj jun ploj; ix otxi kʼoʼn ley cye xinak. Ix milayx bant tiʼj chibj tuʼn ley; bixmo, tuʼn ley ocheʼl xo-n ke. Ictzan, tuʼn ley te xumlalbaj ijeʼtz xoʼn tiʼjxa; ix tuʼn tley xewbaj part cyeʼl tiʼj aj baʼn, ix nchoʼc te bisbl te jumajx.

6. Cyjaʼtzan jluʼ aj colpibl tzul tuj ix tuʼn Sant Mesías; porque nojna tuʼn baʼn ix aj ax toc.

7. Lutzan luʼ, nxiʼ toyn tib te chojbl aj il, tuʼntzan txi kʼet tgann aj tajbl ley tiʼj cyakilke ncynaʼn taʼw cyil tiʼj cyanma ix ajke cub cybecybilin cyib tuj xewbaj, ix te mijun juntl nbʼant aj tajbl ley tuʼn.

8. Cyjuʼtzan jluʼ, nimxix jun tajblen jluʼ tuʼn txiʼ kʼot tuj cyximbatz ke xjal te twitz txʼotxʼ, tuʼntzan cybinte que mijunc chiʼbj jaca tzʼankʼin ttxlaj Dios, sino nok tuʼn tbinchben, tbanil tcʼuj, ix t-xtabil Mesías, aj ntzaj tkʼoʼn tankʼibl, tzaʼnx tchibjal, ix ntikʼ juntl maj nok tuʼn tipumal Xewbaj, tuʼn tbant aj tuʼn cyjaw ankʼin juntl majke cyimna, que atzante cjawl ankʼin tnejl.

9. Que aj ten jluʼ, akʼa tnejl te Dios, ix que atzan te aj cy-xelke cyakil cycʼwaʼlke xinak; ix aj ke cxeʼl cynimn tiʼj, chi colpajel.

10. Ix tuʼnju atzante cyxelke xjal cyakil, cyakilke xjal chi xel tiʼj Dios; que aj tuʼmal chi tel ttxlaj tuʼn cyoc tuj xtis según txilen ax toc ix aj tbinchben sant at tiʼj. Cyjaʼtzan jluʼ, aj ntmaʼn ley aj según tzaj kʼoʼn tuʼn Pur Sant atzan aj tuʼn ttzaj castiw aj te tucʼl, ix aj castiw luʼ tucʼl ley atzan aj toc tiʼj aj txubtxjal, tuʼntzan cyel twitz aj tuʼn cychjet il.

11. Tuʼnj ilx tij at jun nyaʼ conform cyiʼj cyakilke cosas. Pues katzn juntl t-xilen, aj tnejl ncʼwaʼle ul itzʼj tuj desyert, ntiʼx xtisbl mix il, mix xjanxix mix mebyil, mix baʼn mix ploj. Te juntl tuʼmal cyakilke cosas ilx tiʼj junx cyxilenke; ix ka junx cyimlal, ntiʼwla tankʼibl mix tcyiml, mix tkʼayil mix aj nyaʼ tkʼayil, mix ttxubtxajal mix mebyil, mix tuʼn tnaʼ mix tuʼn mi tnaʼ.

12. Cyjaʼtzan jluʼ nok ganawle o bant, ix ntiʼwtla jun txilen tiʼj tbant. Oʼwtla baj tilpaj t-xilen tnabl Dios, ixke te jumajx tajbl, icx aj tipumal, aj t-xtalbil ix xtisbil te Dios.

13. Tuʼnj ka ma txi cymaʼna que ntiʼ ley, ax nxi cymaʼna ka nti il. Ix ka ma txi cymana que ntiʼ il, ax nxiʼ cymaʼna que ntiʼ xtis. Ix ka ntiʼ xtis ax ntiʼ txubtxjal ix ka ntiʼ xtis ix tzalajbil ax ntiʼ castiw mix mebyil. Ix katzan ntiʼke cosas ajo ax ntiʼwtla Dios. Ix nokawtzan ntiʼwt Dios ntiʼwtla koʼ mix txʼotxʼ; porque ntiʼwtla ochi baj bantke cosas mixtla tuʼn cyyucch mix tuʼn cyicyʼ kʼiʼnke tuʼn cyyucch; cyjaʼtzan, oʼwtla cuʼ naj cyakil.

14. Ix jaʼlo, akiye ncʼwaʼl, cxeʼl nmaʼnake cosas luʼ cyeye tuʼn tocnen te jun baʼn ix jun xnakʼtzbil cyeye; porque oʼcx junx Dios aj obant cyakilke cosas tuʼn: Aj cyaʼj, txʼotxʼ, ix cyakilke aj at cyuj; tzaʼnxke cosas nbant tiʼ tkal cyuʼn, ix tzaʼnxke ix tzaʼnkej ncyikʼ binchben.

15. Ix tuʼn cyel twitz te jumajx aj kʼmaʼnmaj cyibajke cosas te xinak, tajtzan cybaj bantke tnejl kman, ke jil te tjakʼ cʼul, ke chʼit te twitz cyaʼj, ix tzaʼnx cytenca aj ochi bant, ilx tiʼj jun nyaʼx t-xilen, ictzan, jun twitz awal xjan nyaʼ txilen tiʼj tiʼj twitz tzeʼ te ankʼibl, chiʼ jun, ix cʼa juntl.

16. Cyjaʼtzan jluʼ xiʼ tkʼoʼn Kajaw te xinak tuʼn takʼnan tiʼjx tiltib, cyjaʼtzan ntiʼ tuʼn tyucẍ jun xinak tuʼnx tib, oʼcxtzale aj jun bixmo juntl tajbl tiʼj.

17. Ix we kin Lehi, nxiʼ nnaʼna tiʼj según aj ojaw nschʼiʼna, que otok cuʼtz jun tsanjel Dios tuj cyaʼj, según aj tzʼibanmaj tuj tuʼjil tuʼnj otak bant; cyjaʼtzanjluʼ, oc te diabl, tuʼnj otak bant ploj tuʼj twitz Dios.

18. Ix tuʼnju tcuʼtzlen tuj cyaʼj, ix tuʼnju otok tzʼoc tuj bis te jumajx, oc tkʼoʼn il tiʼj tuʼn cyocke xjal tuj mebyil. Cyjaʼtzanjluʼ, aj ojtxa labaj, aju diabl, aj cyman cyakilke slaʼj yol, xiʼ tmaʼn te Eva: Loʼnxa aj twitz awal nach luʼ, ix milay cyima, sinoque coʼquela ictzaʼn Dios, ctilaʼya aj baʼn ix aj ploj.

19. Ix taj txi cyloʼn Adán tucʼix Eva aj twitz awal xjan, biʼx ijeʼtz xoʼn tiʼjxa jardín te Edén, tuʼn cycaman awal twitz txʼotxʼ.

20. Ix ten cycʼwaʼl, ictzan, aj familia te cyakil twitz txʼotxʼ.

21. Ix tuj cykʼijke cycʼwaʼl xinak maʼxix tuj, según aj tajbl Dios, tuʼn tzan tajtz jolpaj ti cyanmi myentras teʼ tuj chibj; cyjaʼtzanjluʼ, aju cyxilen oc te jun preba, ix nim xi lakʼeʼ tuj cyankʼibl segúnke tmandamyent Dios xi tkʼoʼn te cycʼwaʼlke xinak. Porque xi tmaʼn tuʼn tajtz jolpaj tiʼ cyanmi; porque xi tyecʼn cye cyakilke xinak que iteʼtak tuj najsbil tuʼn tlaj cyman que otok cub cyiʼn tmij ley.

22. Ntiʼwt bant il tuʼn Adán, ntiʼwtla cuʼ tzʼak, ix axtla owt ten tuj jardín te Edén. Ix cyakil aj otok bant axtla taʼ ix axtla tten tzaʼnx taj tbajlen bʼant; ix axtla tuʼn ten te jumajx, mix tuʼn tbaʼj.

23. Ix ntiʼwtla tuʼn ten cycʼwaʼl; cucxtla iteʼ tuj tbanal ntiwtla cytxubtxjal ncynaʼn, tuʼnju ntiʼx loʼn cyuʼn tiʼj mebyil; ix ntiʼ tuʼn tbant baʼn cyuʼn, tuʼnju ntiʼx cytzkiʼn twitz il.

24. Per lutzan luʼ, cyakilke cosas ochi bant según aj nimxix baʼn tuʼn aj loʼn tuʼn cyakil.

25. Cuʼ tzʼak Adán tuʼn cytenke xjal; ix iteʼke xjal tuʼn tten cytzalajbil.

26. Ix tzul Mesías tuj tkʼijlal tyemp, tuʼn cycolpajke cycʼwaʼl xinak tiʼj cycuʼlen tzʼak. Ix tuʼnj icolpaj tiʼj icuʼ tzʼak tuj cyil, ax chi tel libr te jumajx, ix nchiqueʼyan aj baʼn tiʼj ploj, tuʼn cyakʼnan xinak cyuʼnx cyib ix nyaʼ tuʼn cyakʼnan cyibaj, oʼcx ka a castiw te ley tuj maʼxix ix mancbl kʼij, segúnke mandamyent ocyaj tkʼoʼn Dios.

27. Cyjaʼtzan librke xjal tzaʼnx tten chibjal; ix nxi kʼoʼn cyakilke cosas cye ix te cyex. Ix baʼn txi cyjyoʼn aj libr ix ankʼibl te jumajx, tuʼnju colbil cye cyakil xjal bixmo tuʼn txiʼ cyjyoʼn ploj ix camicy según aj moybil ix tipumal diabl, porque atzan taj jluʼ que cyakil ke xinak tuʼn cyoc te meba ictzaʼn te.

28. Cyjaʼtzanjluʼ, akiye ncʼwaʼl, aj wajbla atzan tuʼn mi tbaj cycʼuʼja tiʼj Colil ix cybinxake maʼxix tmandamyent; ix tuʼn cyoca baʼnxix tiʼ tyol ix tuʼn txi cyjyoʼna aj ankʼibl te jumajx, según aj tajbil T-Xew Sant.

29. Ix tuʼn mi txi cyjyoʼna aj camicy te jumajx según tajbl chibj ix ploj at tiʼj, que nxiʼ tkʼoʼn te xewbaj te diabl aj tipumal tuʼn cymoyeta, tuʼn cyxi kʼiʼna tuj kʼakʼ tuʼntzan tmandarn cyiʼje tuj twiʼxanil.

30. Maʼ txi nmaʼna ke yol luʼ cyeya cycyakile; akiye ncʼwaʼl, cyuj mancbl kʼij te nprebiye; ix ma jaw nsicʼoʼne aj tbanl piẍ, según ajke tyol profeta. Ix ntiʼ más wajbl que jun oʼcx tbanal te cyanmiye te junmajx. Icxtenju.