Aj Uj Te Mosíah

1. Bix banttzan que yajxa aj tbanttlen tuʼn Mosíah aj otak tzaj tkʼamaʼn tman, bix otak baj ttxʼolbaʼn tuj cyakil tnam, nnoc cyjunam cyib tnam cyuj cyakil part, tuʼn cyxiʼ tuj templo bil tyol rey Benjamín tuʼn ttzaj tkʼamaʼn cye.

2. Bix matij cyajlal chmet, que ntiʼ i baj ajlaʼn; tuʼnj otak chi chmet nim ke tnam wena, bix ya otak tzʼoc matijxix tuj tnam.

3. Bix ax xiʼ cyiʼn ajke tnejal cyneʼl te cyoyj tuʼn tpatat oyaj twiʼ altar según aj tley Moisés.

4. Bix ax tuʼn txiʼ cykʼoʼn chjonta te Kajaw Dios, que otak chuʼl tʼiʼn tuj txʼotxʼ te Jerusalén, otak chi colet tuʼn, cyiʼj cyajkʼoj bix otak choc kʼoʼnke xjal ax toc te cymaystra bix otak tzʼoc kʼoʼn jun xjal ax toc ban te cyrey, que ajo otak bant tuʼn ten tzalajibil tuʼn tuj cyakil twitz txʼotxʼ te Zarahemla, bix otak cub tyecʼan tzaʼn tuʼn cycʼuʼtke tmandamyent Dios, tuʼntzan tkeʼ cycʼuʼj bix tuʼntzan cynoj tucʼ nim tchi-al tiʼj Dios bix cyiʼj xjal cyakilxa.

5. Bix bant que aj cypon tuj templo, jaw cybinchaʼn cypach txlaj templo, aj juʼn xjal tucʼax ke teʼ tuj tja akatzanj t-xuʼjal, ke tcʼwaʼl xinak bix xuʼj, bix ajke cycʼwaʼl xinak bix xuʼj cye ajo, tzajna tiʼj matij asta tiʼj nuch, teylax te juʼn familya part tel tiʼj juntl.

6. Bix cub cybinchaʼn ne tal cypach txlaj templo, bix bant que aj ttziʼ bixmo tlamel a cyaj tligaral templo, cyjaʼtzan axiʼ tuʼn cyten tujx bix tuʼn cybin tyol rey Benjamín aj tiʼ tkal tuʼn ttzaj tkʼamʼn cye.;

7. Tuʼnj nim nimtak ke xjal, que aj rey Benjamín ntiʼ elpan canan tuʼn t-xi txnakʼtzaʼn cye cyakil tuj templo. Cyjaʼtzan bant jun torre tuʼn tuʼntzan baʼn tuʼn t-xiʼ cybiʼn xjal aj tyol tuʼn t-xiʼ tkʼamaʼn.

8. Bix banttzan que nkeʼ tuʼn tyolan cye tnam max twiʼ torre; bix miyaʼ cyakilka o cybinta tyol, nok tuʼn tlaj nim xjal; cyjaʼtzan, o bant que nxiʼ tkʼamaʼn tuʼn cycub tzʼibat tyol bix tuʼn t-xiʼ kʼot cyekej teʼtak jatuma ntiʼ kʼajkʼaj twiʼ, ax tuʼntzan tyol.

9. Bix akatzan yol luʼaj xiʼ tyoʼlan bix xiʼ tmaʼn tuʼn cycub tzʼibat: Akiya wermaniya, cyakilkaya aj maʼ tzʼoc cychmon cyiba bix ajkeye tuʼn t-xi cybiʼn nyola aj cxel ntxʼolbaʼna jaʼla. Lutzan luʼ, ntiʼ ma chi tzaj ntxacoʼna tuʼn cytzaja tuʼn kyolan miyaʼ ax toc tuj tligaral cyiʼj yol cxel nkʼamaʼna, sino tuʼn cybina wiʼja, tuʼn tzaj cykʼoʼn cyẍcyina tuʼntzan cybintaya, bix cyanmiya tuʼn tel cynicyʼa tiʼjʼ bix cyximbitza tuʼntzan tzaj yecʼat aj tyol Dios eʼwan tuʼntzan ttzaj yecʼan cyeya.

10. Mitiʼ ma chi tzaj ntxacoʼna tuʼn cytzaja tzaluʼ tuʼn ttzaj nchicya cyiʼja, mix t-xiʼ cyxiʼmana tiʼj wiʼja akina más twitz jun xjal te cyimleʼn.

11. Mas ax kina icytzan akaya, tina tjakʼ nokx alcyex wikal yabil te xumlalbaj bix anma; simbargo atzan weya maʼ chin jaw sicʼoʼna tuʼnj tnam luʼ, bix ma, chin baj cyʼiwlaʼna tuʼn nmana, bix tuʼn tkʼab Kajaw ma bant tuʼn woca kʼil twitz bix rey tej tnam luʼ; bix tuʼnj tipamal maʼ chinx cʼuʼna bix ma chin noc cwentana, tuʼn wakʼnana cyiʼja tuʼn cyakil tipamal, ximbitz bix ncʼuje que matzaj tkʼoʼn Kajaw wecyʼ.

12. Cxel nmaʼna cyeya cye cyjaʼtzan ma tzaj kʼoʼn tuʼn t-xi nkʼoʼn nkʼija te servisyo cyeya, bix tucʼax aj te jaʼla; bix ntiʼ nnoc tiʼj ncʼuʼja aj cy-oroya, mix cyplataya, mix alcyex juntl kʼinamabil.

13. Mix oʼ nkiya tuʼn cyocxa txe tzeʼ, mix tuʼn tcub cymoʼyana jun bix txkantl, mix tuʼn tbant biʼyan cyuʼna, alekʼan bixmo tnachal tuʼn xinak tucʼ xuʼj, bixmo tuʼn xuʼj tucʼ xinak; mix oʼ nkiya tuʼn tbant jun tiʼx tkal tnachal cyuʼna, sino que oʼ txiʼ nyecʼana cyeya tzaʼn tuʼn cyxiʼ cʼuʼt tmandamyent Kajaw, cyuj cyakil cosas aj oʼ tzaj tmaʼn.

14. Bix wecyʼ maʼ chin nakʼnana tuʼn wexa ke nkʼaba tuʼntzan waʼkʼnana cyiʼja, tuʼntzan mi t-xiʼ nkʼoʼna cyikatza aj chojbil bix tuʼn mi tkiyet tuʼn tcub tzʼak cyibaja cye aljo tuʼn t-xiʼ kʼit; bix cyiʼj cyakil cosas aj maʼ chin yolana tiʼj, axkiya stiwa jaʼla.

15. Tuʼnj cyakiljo, akiya wermaniya, miyaʼ maʼ bant kej cosas luʼ wuʼna tuʼntzan wocx cybiʼna, bix ntiʼ nxiʼ nmaʼna jun siʼpaj yol cyiʼja; sino que nxiʼ ntxʼolbaʼna cyeya ajke cosas luʼ tuʼntzan tel cynicyʼa tiʼj que jaʼla cajal ntzakʼweʼna twitz Dios tuʼn jun ximbitz tbanal.

16. Lutzan luʼ miya nok tuʼnj xiʼ nmaʼna que otak txiʼ nkʼoʼn wankʼibila tuʼn waʼkʼnana cyiʼja, wajbila tuʼn ncyajwena cyucʼala, pwes oʼcx oʼ chin tena tuj takʼan serbisyo Dios.

17. Bix lutzan luʼ, nxiʼ nmaʼna jluʼ tuʼntzan tbant cyuʼna aj yol nim baʼn tuʼn; tuʼntzan tel cynicyʼa tiʼj que oc cytena tuj cyakʼana servisyo cyej icyx tzaʼn akiya, oʼcx teʼya tuj tservisyo cy Diosa.

18. Lutzan luʼ, ma chin noc cykʼoʼna te cyreya; bix a kina, alcyej nnoc cykʼamaʼna rey, chin akʼnala tuʼn wocnana cyeya, ¿miʼnpala chakʼnana tuʼn cyocnana tiʼj jun bix juntl?

19. Bix lutzan luʼ, ka a kina, alcyej aj nnoc cymaʼna cyreya, alcye jun oʼ txiʼ nkʼon nkʼij tuʼn nakʼnan cyiʼja, bix lutzan, ochinten tuj takʼan Dios, a kina chin kʼil te chjonta cyeya, ¡Alcye tumal tuʼn t-xi cykʼoʼna chjonta te cyReya tuj cyaʼj!

20. Cxel nmaʼna, akiya wermaniya, que ka ma txiʼ cykʼoʼna cyakil chjonta, bix nabil Dios, tuʼn cyakil tipamal cyanmiya tej Dios, aj oʼ tzaj kʼonte cyeya, oʼ cheʼx cʼuʼna bix cwentana tuʼn, bix oʼ bant tuʼn tkeʼ cycʼuʼja, bix oʼ bant tuʼn cyankʼina tuj tzalajbil tucʼ jun bix juntl,

21. Cxel nmaʼna que ka ma chi aʼjbena tiʼj alcyej ma cheʼx tkʼon atxax tnejal, bix nnoc tcwentan tuj juʼn kʼij, bix ntakʼ t-xew tuʼn cyankʼina, cyyucchatza bix cyakʼnana ax tzaʼn te cyajbila, bix ntakʼ tonbil cyiʼja tuj jun rat bix juntl, cxel nmaʼna que ka ma chiajbena tuʼn cyakil cyanmiya, cucx akeya jun majn ntiʼ tajblanan.

22. Bix lutzan luʼ, nicyʼca cyakil aj ntkana cyiʼja atzanj tuʼn cyxiʼ cycʼuʼnake tmandamyent; bix oʼ tzaj ttziʼyan que ka ma cheʼx cycʼuʼnake tmandamyent; jawna chi xela tuj tbanal twitz txʼotxʼ; bix ntiʼtakʼa nmeltzʼajeʼ tuj aj oʼ tkʼamanta; cyjaʼtzan jluʼ, kama txiʼ cycʼuʼna ajke tmandamyent, oc chi tzajl cyʼiwlaʼna bix oc chi onatela tuʼn cycanna más tuj tbanal.

23. Tuʼnj aj tuj tnejal ligar, akʼa oʼ tzaj kʼonte cyeya bix oʼ tzaj kʼoʼn cyankʼbila tuʼn, cyjaʼtzan jluʼ cʼasolkaya tucʼal.

24. Tuj tcaban ligar, aj tekʼa tajbilkʼa tuʼn tbant cyuʼna aj oʼ tzaj tmaʼn, cyjaʼtzan jluʼ, oc tbantjo, octzan chi tzajal cyʼiwlaʼna te joratx; cyjaʼtzan jluʼ, oʼ chi tzaj chjoʼna tuʼn. Bix cucx cʼasolkiya tucʼal; bix akiya bix cucx cʼasolkiya te junmajx; cyjaʼtzan ¿altzan iʼjal chi jawal nima?

25. Bix cxel nkaʼnna cyeya, jaʼla: ¿Jaʼca bant t-xiʼ cymaʼna jun tiʼx tkal cyiʼja cyilx cyiba? Cajal ntzakʼweʼna: milayx milay txiʼ cymaʼna que akiya icytzanj tpuʼjal txʼotxʼ; bix, simbargo ẍi banta tiʼj tpuʼjal txʼotxʼ; per lutzan luʼ, aj puʼj teta aj binchal te cyeya.

26. Bix mix kinatl, al-ej nnoc cymaʼna cyreya, miyaʼ mas baʼntl kina cywitza, tuʼnj ax puʼj kina. Bix maʼtzan cyiʼla que maʼ chiʼn tijana, bix nok atinciya tuʼn t-xiʼ nkʼoʼna aj tuʼmal xumlalbaj te txubaj txʼotxʼ.

27. Cyjaʼtzan jluʼ, icytzanj xiʼ nmaʼna que oʼ chinajbena cyiʼja, que nbant nbinchbena tbanal twitz Dios, cyjaʼtzan maʼ choc nchmoʼna jaʼla, tuʼntzan mi ntena tucʼ paj bix tuʼntzan mi t-xi ntzakʼweʼna tuʼn cychicyʼela oc ntena twitz Dios tuʼntzan woca tuj xtis cyjaʼtzan ma chin tzaj samaʼna cyucʼalxaxa.

28. Cxel nmaʼna cyeya que maʼ choc nchmoʼna tuʼntzan tsakax tiʼj nxbalana tuʼn cychicyʼela, ya jaʼla nokax ayoʼn wuʼna tuʼn nxiʼya tuj pantyon, tuʼntzan ncyima tuj tchi-al, bix tuʼntzan toc t-junan tib nxewa miʼn cyim cyucʼke nchi bitzan tuj cyaʼj, tuʼntzan tbitzat tchi-al te jun Dios ax toc tbanal.

29. Bix icxtl, cxel nmaʼna que maʼ choc nchmoʼna tuʼntzan t-xi ntxʼolbaʼna cyeya que milaytl cucx tuʼn woca te cymaystraya mix te cyreya;

30. Tuʼnj jaʼla cyakil nxumlala nok nluʼlan wena, bix nok njaw wipaman wiba tuʼn nyolana cyucʼala; oʼcx a Dios nn-onan wiʼja bix ma tkiy tuʼn nyolana cyucʼala; bix maʼ tzaj tkʼamaʼn tuʼn t-xiʼ ntxʼolbaʼna cyeya que aj ncʼwaʼla Mosíah ajo cyreya bix kʼil twitz cyucʼla.

31. Bix jaʼlatzan, akiya wermaniya, wajbila tuʼn tbant cybinchbena lonxa icytzanj nbant cyuʼna asta jaʼla. Ax icytzan oʼ txiʼ cycʼuʼna aj nyola bix ax icyxke te nmana, bix ẍi jawa tuj tbanal bix ma chi coleta tuj cykʼab cyajkʼoja, tuj ax tuʼmal, ka ma txiʼ cycʼuʼna ajke tmandamyent ncʼwaʼla, bixmo ajke tmandamyent Dios aj cxel kʼamaʼn cyeya tuʼn, oc ccyikʼal cyipamala tzaluʼ twitz txʼotxʼ, bix aj cyajkʼoja mi tiʼ tuʼn ten cyipamal cyibaja.

32. Bix ¡aya ntanmiya! cycwentan oc cyiba tuʼn mi tjaw canet tnachal cyxola mix tuʼn t-xiʼ cykʼon cyiba tuʼn tocx cyxoʼna aj xewbaj nach, al iʼj yolan nmana Mosíah.

33. Tuʼnj lutzan luʼ oʼ txiʼ kʼot jun ¡taʼw! tej alcyej taj tzʼocx t-xoʼnj xewbaj ajo; tuʼnj alcyej taj tzʼocx t-xoʼn, bix ctel bix cymel tuj twitz til, cxel tcʼaʼn sentens te tex tanma; tuʼnj ctikʼal te chojbil jun sentens te junmajx, tuʼntzanj otak cub tiʼn tmij aj tley Dios tiʼj tex loʼn tuʼn.

34. Cxel nmaʼna que mijun akiya oʼcxtzala ajke cycʼwaʼla tal nuch, que ntiʼ ma tcʼam cawbil cyiʼj cosas ajo, ntiʼ loʼn tuʼn que at ttziʼyanmaj icʼ tiʼj te junmajx tucʼ tMan tuj Cyaʼj tuʼn t-xi tkʼoʼn cyakil aj te at bix atzanj; ix jax otak kʼunj te cyiʼj storya aj atkej yol jun tyemp nchi kʼunj cyuʼnke sant profetas, asta atxax tuj tyemp aj tetz kman Lehi tuj Jerusalén.

35. Lonxa icytzan aj cyakilca oʼ tzaj cytzʼolbʼan kman ke jaʼla. Bix lutzan luʼ, xiʼ cyyoʼlan aj tiʼ tkal otak tzaj tkʼamaʼn Kajaw; cyjaʼtzan jluʼ, ax toc baʼnka.

36. Bix jaʼlatzan cxel nmaʼna, akiya wermaniya, ka yajxa otak tzʼel cynicyʼa tiʼj bix otak baj kʼamaʼn cyeya cyiʼj cosas ajo, cbel cyiʼna tmij bix ma bant cybinchben nach tiʼj aj maʼ txiʼ baj kʼamet, asta tuʼn cypona tuj, aj tuʼn cyel lakʼeʼya tiʼj t-xew Kajaw, bix ntiʼ ma cyakʼa tuʼmal tuʼn cyxiʼ ucʼata tuj be te nim baʼn tuʼn, tuʼntzan cybaj cyʼiwleta, tuʼntzan cycʼamya cyipana tuj tbanal bix tuʼn cycoleta,

37. Cxel nmaʼna que, aj xjal ma bant tuʼn j-ajo atzan xjaljo nnaʼjal maktzʼaj tucʼ tnachal nim tiʼj Dios; cyjaʼtzan jluʼ, nxiʼ xoʼt cʼuʼjbaj tuj tuʼn t-xiʼ bit aj xewbaj nach bix nnoctzan ajkʼoj tej cyakil tbanal, bixmo ttzʼiyanil; cyjaʼtzan jluʼ ntiʼ tnajbil Kajaw tucʼal, tuʼnj ntiʼ nten tuj templo miyaʼ tbanal.

38. Que aj tuʼmal ka ntiʼ ma tzʼaj tanma xjal ajo, sinoque ax ctel bix cymel tuj kʼoj tiʼj Dios, aj tmandar xtis cyeʼyax njaw tcʼaʼsan tuj tanma miʼn cyim jun nabil itzʼ tiʼj tex tpaj nbant tuʼn tmaktzʼaj txlaj Kajaw, bix nnoj tziʼ t-xuʼc tuʼn il, taʼw bix bis, lonxa icytzan jun kʼakʼ milay bant tyupanjtz tkan cucxj tjulan te junmajx.

39. Bix cxel nmaʼna que ntiʼ toclen xtalbil tiʼj xjal ajo; cyjaʼtzan jluʼ, aj tuʼmal tbe te twipan, atzanj tuʼn tcyim tuj jun tnachal miʼn baj.

40. ¡Akiya cyakilka tij xjal, akiya cuʼxan bix akiya cʼwal jaʼca tzʼel cynicyʼa tiʼj nyola — tuʼnj maʼ chin yolana tuj ttxolal bix tuj tumal tuʼntzan tel cynicyʼa tiʼj nyola — cxel nkanna cyeya tuʼn t-xi cycʼujlaʼcja aj tuʼmal nach cyiʼjke oʼ chi cub tzʼak tuj twitz il!

41. Bix icxju, ax wajbila tuʼn t-xiʼ cynaʼna cyiʼj ajke cyeʼyax bix aj tzalajbil cyiʼj maʼ txiʼ cycʼuʼnke tmandamyent Dios. Tuʼnj lutzan luʼ cyʼiwlaʼnka cyuj cyakil cosas, tzanxka aj at cyxumlal bixke xewbaj; bixka tbanalka asta oc tjapan baj twiʼ, oc chi cʼametal tuj cyaʼj tuʼn cyankʼin ttxlaj Dios tuj jun tuʼmal te tzalajibil miʼn baj. ¡Cycʼujlaʼtza, cycʼujlaʼtza ajke cosas ajo ax tocke! tunj oʼ tzaj ttxʼolbaʼn Kajaw Dios.