1. Bix juntl el wajbila tuʼn cyoc wiʼlana, akiya wermaniya, tuʼnj at chʼintl tuʼn t-xi nmaʼna cyeya; lutzan luʼ at cosas tuʼn t-xiʼ nmaʼna cyeya tiʼj aj ti tkal cyjaʼ ttzaj.

2. Bix ajke cosas cxel nmaʼna maʼtzaj kʼamaʼn wecyʼ tuʼn jun ángel te Dios. Bix tzaj tmaʼn wecyʼ: Tzulx tnabila; bix nnul nnabila; bix lutzan luʼ tcubtak nwitza.

3. Bix ntzaj tmaʼn wecyʼ: tzulx tnabila bix binxa ajke yol chi xel nkaʼmaʼna teya; pwes lutzan luʼ, ẍin tzaja txʼolbalte ajke acʼaj tchi-al te nimxix tzalajibil.

4. Tuʼnj o tbinta Kajaw ajke t-orasyona, maʼtzaj tkʼoʼn tcʼuʼj tiʼj tjikanila bix maʼ chin tzaj samaʼna txʼolbalte te teya tuʼntzan tkeʼ tcʼuʼja; bix tuʼntzan cyxiʼ ttxʼolbaʼna cyeke t-xjala, ax tuʼntzan cynoj tucʼ tzalajibil.

5. Tuʼnj lutzan luʼ tzul tyemp, bix miyaʼ lekʼch taʼ, bix tuʼn tipamal, Kajaw Ponan, aj cwentl, bix ax te junmajx cyuj cyakil junmajx, oc cʼelatz tuj cyaʼj cyxolke cycʼwaʼl xjal; bix c-ankʼil tuj jun xumlalbaj twitz txʼotx, bix cxel cyxol xjal binchalke binchben nim cyipamal, icytzanj tuʼn cykʼanat yab, tuʼn cyjaw weʼ cyimna, tuʼn tbant cybet cox, tuʼn t-xiʼ kʼot cyqueyibil moẍ, tuʼn tbant cybin ẍon bix tuʼn cykʼanat nicyʼ wik yabil.

6. Bix chelax tlajoʼn ajke juʼẍ bixke xewbaj nach nchi ankʼin tuj cyanma cycʼwaʼl xjal.

7. Bix lutzan luʼ, oc c-apal moybil, bix taʼw tiʼj t-xumlal, wi-ij, txketleʼn bix sicytleʼn, bix mastl twitz aj jaca tapanta jun xjal, miʼn cyim; tuʼnj lutzan luʼ, aj tchicyʼel cʼelatz tuj juʼn tocyʼ jatuma nnetz aj aʼ ntzaj kiʼj oc ktzʼujan, tuʼn matijxax jun tbis cyiʼj tnachal bix cyil nim taʼxix cyiʼj tnam.

8. Bix atzan tbi Jesucristo, aj tCʼwaʼl Dios, aj Mambaj te tuj cyaʼj bix te twitz txʼotxʼ, aj Binchal cyeke cosas cyakil atxax aj ttzajlen keʼ; bix aj ttxuʼ atzan tbi María.

9. Bix lutzan luʼ, maʼ tzaj cyiʼj, tuʼntzan tcanan colbil cyiʼj cycʼwaʼl xjal, ax tzaʼn aj cyocslabil tiʼj tbi; bix tiʼjxatzan cyakil j-ajo; icy c-ela cynaʼn icytzan jun xinak, cxel cymaʼn que at jun demonio tuj t-xumlal bix oc cbajal cyasíalan bix cjawal cykʼoʼn twitz crus.

10. Bix tuj toxan kʼij cjawal itzʼj cyxol cyimna; bix lutzan luʼ, oc cjawal weʼ te xtisal cyiʼjke teʼ twitz txʼotxʼ; pwes lutzan luʼ, cyakil j-ajo nbant tuʼntzan tbant jun xtis tbanal cyxol cycʼwaʼl xjal.

11. Tuʼnj lutzan luʼ, bix aj tchcyʼel oc cnajsal tiʼj twitz cyilkaj aj oʼ chi cub tzʼak tuʼnj aj ntiʼ ocx t-xoʼn Adán tyol Dios, que oʼ chi cyim bix ntiʼ loʼn cyuʼn aj tajbil Dios cyiʼj, bixmo oʼ chi binchan twitz il tuʼnj mi loʼn cyuʼn.

12. ¡Ay becyʼbil cywitz ajke loʼn cyuʼn bix ma chajal meltzʼaj tuj tnachal tiʼj Dios! Tuʼnj mijunkajo jaʼca cycʼam colbil ka mi ma tzʼajs cyanma bix aj cyocslabil tiʼj Kajaw Jesucristo.

13. Bix aj Kajaw Dios oʼ chi tzaj tsamaʼn ke tprofetas sant cyxolke cycʼwaʼl xjal cyakil txʼolbal cye cosas ajo cye cyakil famylia, nasyon bix yolbil, cyjaʼtzan, alcyekaj ma tzʼocx cyocslaʼn que tzul Cristo, baʼn tuʼn cycʼam najsbil tiʼj twitz cyil bix tuʼn tkeʼ cycʼuʼj tucʼ nim tzalajibil, lonxa icytzanj otak tzu cyxol.

14. Tucʼ jcyakil ajo, aj Kajaw Dios o til que ajke xjal tuj tnam cyuw cywiʼ wena, bix xiʼ tkʼoʼn jun ley cye, icytzanjo, aj ley te Moisés.

15. Bix tzaj tyecʼan nim techaklil cye, cyeʼyax, ke tiblal tiʼj tuʼn tul Cristo; bix ajke profetas sant ax iyolan tiʼj tuʼn tul Cristo; bix nok o cyuwax cyanma, bix ntiʼ el cynicyʼ tiʼj que aj ley te Moisés mintiʼ tajblanan at, mas que oʼcx tuʼn telil tchicyʼel te colbil.

16. Bix baʼnwtla ajke cʼwal tal nuch aj ya baʼn tuʼn tbant twitz il cyuʼn, milay tuʼn cycolet; ax cxel nmaʼna teya que cyeʼyaxkajo; lonxa icytzanj Adán bixmo ax tembilxix tuʼn cycub tzʼak, asta banwtla icyjo oc cchjetal twitz cyil tuʼn Cristo.

17. Bix icxju, cxel nmaʼna que miʼn tzʼoc juntl tbi, mix juntl be mix mij, aj tzaʼn tuʼn cycamban cycʼwaʼl xjal tiʼj colbil, sino que tuj, bix tuʼn tbi Cristo, aj Kajaw Ponan tiʼj Cyakil.

18. Pwes lutzan luʼ oc cxtisalkʼa, bix aj t-xtis jikan tiʼj; bix aj cʼwal ma cyim tuj tnuchal miʼn naj; nok cyuʼn xjal nxiʼ cycʼan sentens te tex cyanma, ka mi ma cub cybecyʼbiliʼn cywitz mi ma chi meltzʼaj icytzanke cʼwal nuch, bix ocslaʼntzan cyuʼn que oʼ tzicyʼ colbil, bix ajo, bixmo tzul tuj bixmo tuʼn tchicyʼel Cristo aj chojbil, aj Kajaw Ponan.

19. Tuʼnj aj xjal xjalxix ajkʼojjo te Dios, bix oʼ tzʼocjo atxax tcublen tzʼak Adán, bix cucx cteljo te junmajx, oʼcxtzala ka ma tzʼocx tuj tipamal Xewbaj Sant, tuʼn tel tiʼn tib tiʼj xjal xjalxix, bix tuʼn toc sant tuʼn aj chojbil te Cristo aj Kajaw, bix tuʼn tmeltzʼaj icytzan jun cʼwal: becyʼbilibil, mans, nojna tucʼ cyakil tchi-al bix tuʼn tocx tkʼon tib tuj nicyʼ punx t-xtisbil Kajaw taj tuʼn t-xiʼ tkʼoʼn tibaj, lonxa icytzan jun cʼwal taʼ tjakʼ tcawbil tman.

20. Bix icxju, cxel nmaʼna teya que tzul kʼij jatuma aj tnabil jun Colal oc cxel tsipan tib cyuj cyakil nasyon, junjun ja, yolbil te bix tnam.

21. Bix octzan tpon tyemp j-ajo, lutzan luʼ que mi jun, miyaʼke cʼwal nuch, oc cxel txʼolbet que ntiʼ tpaj twitz Dios sino oʼcx tuʼn tajs tanma tiʼj tnachal bix aj ocslabil tiʼj tbi Kajaw Dios aj Ponan.

22. Bix cyjaʼtzan, ka ma txiʼ tyecʼana te tnam aj otak tzaj tkʼamaʼn Kajaw aj tDiosa, tons miyaʼtzan icytan naʼnx loʼn cyuʼn twitz Dios, sino oʼcx según ajke yol maʼ cheʼx nkʼamaʼna teya.

23. Bix jaʼla oʼ cheʼx ntxʼolbaʼna ajke yol oʼ chi tzaj tmaʼn Kajaw Dios wecyʼ.

24. Bix cyjaʼtzan ntmanta Kajaw: Cchoʼcal icytzan nchi kopan aj ax toc tiʼjx tnam luʼ tuj kʼij te jwisyo, bix cyjaʼtzan teylax te juʼn cocal tuj xtis ax tzaʼn tbinchben, ka baʼn bixmo nach.

25. Bixka nachka, oc chocax tuj jun tnachal wena tuj cyʼixbil, nok tuʼn tlaj cypaj bix witz cyil jun majx nach que oc chelal lakʼeʼ tiʼj Kajaw tuj jun tuʼmal te mebayil bix sentens ntiʼ tbajal, jatuma mi jtojx tuʼn cymaktzʼaj; cyjaʼtzan jlu; oʼ txiʼ cycʼaʼn sentens tetex cyanma.

26. Cyjaʼtzun, oʼ txiʼ cycʼaʼn tuj copa kʼoj tiʼj Dios que ntiʼ cub ewat tuʼn xtisbil cye, lonxa icytzanj ntiʼ cub teʼwan que Adán otak mojan tiʼj loʼj xjan; bix cyjaʼtzan jluʼ que aj xtalbil ya mitiʼtl tuʼn ten cyibaj mi jtojx.

27. Bix aj cysentens lonxa icytzan jun alwun kʼakʼ bix azufre tuj, que ajke tkan milay yupj, bix aj sib cucx tjaw te junmajx. Cyjaʼtzan maʼ chin tzaj samaʼna tuʼn Kajaw. Icytzan tenjo.